ជីវិតកម្សាន្ដ

ខ្ញុង ក្ដៅស្លឹកត្រចៀកជាមួយអ្នកចូលខមិន ក្រោយបែកធ្លាយរឿងជំពាក់លុយគេ៣ម៉ឺនដុល្លារ

បានផុស

៥ years មុន

នៅ

ថ្ងៃព្រហស្បតិ៍ ១៤ តុលា ២០២១

ដោយ

តារាកំប្លែងអ្នកនាង ស្រេង សុកាន់ដា ហៅ ខ្ញុង មួយរយ:នេះហាក់ជួបរឿងមិនសប្បាយចិត្តផ្ទួនៗគ្នាតែម្តងទាក់ទងនឹងបញ្ហាលុយកាក់ ខណ:រឿងយល់ច្រឡំចាស់ទើបដោះស្រាយឥឡូវអាថ្មីក៏ចូលមកដល់ទៀត។

ចំពោះរឿងរ៉ាវថ្មីដែលធ្វើឲ្យមហាជនកាន់តែមានការភ្ញាក់ផ្អើល និងចាប់អារម្មណ៍ថែមទៀតនោះ គឺតារាកំប្លែងពីរនាក់ប្តីប្រពន្ធ គឺអ្នកស្រី ខ្ញុង និងនាយ កៃដ ត្រូវបានអ្នកជំនួញម្នាក់បង្ហោះសាររំលឹកឲ្យសងលុយចំនួន៣ម៉ឺនដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់កើតមានរឿងរ៉ាវនេះឡើង គេឃើញតារាកំប្លែងអ្នកនាង ខ្ញុង បានបង្ហោះសាររៀបរាប់នៅលើគណនីហ្វេសប៊ុករបស់ខ្លួនថា តើក្នុងលោកនេះមានមនុស្សប៉ុន្មាននាក់ដែលមិនចេះជំពាក់គេ សំខាន់មនុស្សមានការទទួលស្គាល់ មានឆន្ទៈក្នុងការសងគេ។ ចុះអ្នកខំមិនវិញ ហេតុអី្វចាំបាច់ប្រមាថមើលងាយព្រោះវាមិនមែនជារឿងលួចឆក់ប្លន់ញៀនថ្នាំសម្លាប់មនុស្សដែលត្រូវឱ្យមកជេរប្រមាថនោះទេ ឬក៏បងប្អូនឪពុកម្ដាយអ្នកមិនធ្លាប់ជំពាក់គេទេ។

តារាកំប្លែង ខ្ញុង និយាយទៀតថា ជំពាក់គេវាមិនថោកទេ មិនសងគេទើបវាថោក ក្នុងកាលៈទេសៈក្នុងពេលដែលពិបាកបំផុតអ្នកណាក៏ចេះទាល់ សុំខាន់គេទុកដង្ហើមឱ្យយើងដកឬអត់?។ បើគេចង់ធ្វើបាបជាន់ពន្លិចបំផ្លាញកិត្តិយសយើងទៅហើយ វាក៏មិនមានអ្វីអាក្រក់ដែរ ព្រោះវាមិនមែនជាទោសប្រហារជីវិតទេ។

អ្នកនាង ខ្ញុង បន្តថា សូមអស់លោកអ្នកប្រមាថមើលងាយខំមិនគេស្ដីថា គេហ្នឹងគិតផងថា វាជារឿងគួរជេរប្រមាថឬយ៉ាងណា គ្មាននរណាម្នាក់ចង់ឱ្យជីវិតខ្លួនឯងវេទនាទេ សម្រាប់ខ្ញុំខំអស់លទ្ធភាពហើយដើម្បីកូនជាទីស្រឡាញ់របស់ខ្ញុំ មនុស្សយើងវាសនាមិនដូចគ្នាឡើយ បើអ្នកមានសេចក្តីសុខហើយកុំប្រមាទមើលងាយអ្នកដទៃមួយសប្តាហ៍មានប្រាំពីថ្ងៃ អង្គារ៍,ពុធ, ព្រហស្បតិ៍មិនមែនមានតែថ្ងៃសុក្រមួយ ថ្ងៃឡើយ។

សូមជម្រាបថា លោក អឹម វុត្ថា ដែលគេស្គាល់ថា ជាអ្នករកស៊ីមួយរូបនៅរសៀលថ្ងៃទី១៣ ខែតុលា ឆ្នាំ២ ០២១បានបង្ហោះសារភ្ជាប់ដោយលិខិតកិច្ចសន្យាផងរំលឹកតារាកំប្លែង២នាក់ប្តីប្រពន្ធ គឺអ្នកនាង ស្រេង សុកាន់ដា ហៅ ខ្ញុង និងប្តីឈ្មោះ អ៊ុំ ក្សត្រា ហៅ កៃដ ឲ្យសងលុយចំនួន៣ម៉ឺនដុល្លារនិងបានបញ្ជាក់ថា ការបង្ហោះសារនេះគ្រាន់តែរំលឹកដើម្បីអោយចូលខ្លួនដោះស្រាយដោយសន្តិវិធីប៉ុណ្ណោះគ្មានគោលបំណងអ្វីឡើយ៕

អត្ថបទ៖ ចាន់រ៉ា