Connect with us

ជីវិតកម្សាន្ដ

ក្រុមយុវជនល្ខោនខោលកម្ពុជា៖ ភាគច្រើននៃពួកយើងគឺមានបញ្ហាជីវភាព ប៉ុន្តែជាទឹកចិត្តដែលស្រឡាញ់ពេលខ្លះយើងមកធ្វើការរួមគ្នា ទាំងទៅផ្ទះវិញដៃទទេក៏មាន

បានផុស

នៅ

ក្នុងនាមជាសិល្បករជ្រោកក្រោមម្លប់វិស័យវប្បធម៌ ដែលកំពុងបម្រើ ការពារ និងលើកស្ទួយ សិល្បៈបុរាណ ក្រោមទម្រង់ល្ខោនខោល បញ្ហាដែលយើងខ្ញុំជួបប្រទ គឺបញ្ហាសេដ្ឋកិច្ច។ ភាគច្រើន​នៃ​ពួកយើង​ គឺមាន​បញ្ហា​ជីវភាពជាពិសេស​ គឺ​ក្នុង​បរិបទ​កូ​វីដ​នេះ ដោយ​ការងារ​ពួកយើង​ពឹង​លើ​ការសម្តែង ប៉ុន្តែ​ជា​ទឹកចិត្ត​ដែល​ស្រឡាញ់​ពេលខ្លះ​យើង​មក​ធ្វើការ​រួមគ្នា ចំណាយ​ពេលវេលា ទាំង​ទៅផ្ទះ​វិញ​ដៃទទេ​ក៏មាន​។ នេះ​បើតាម​ការលើកឡើង​រប​ស់ លោក ខុន ច័ន្ទ​សិទ្ធិការ្យ ស្ថាបនិក​នៃ​ក្រុមយុវជន​ល្ខោនខោល​កម្ពុជា មកពី​រាជធានី​ភ្នំពេញ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​បង្កើតឡើង​កាលពី​ថ្ងៃទី​១៥ ខែមិថុនា ឆ្នាំ​២០១៦ ក្រុមយុវជន​ល្ខោនខោល​កម្ពុ​ជាមាន​សមាជិក​ដំបូង​ត្រឹមតែ​៨​នាក់​ប៉ុណ្ណោះ​។ រយៈពេល​ជាង ៥​ឆ្នាំ​មកនេះ ក្រុម​បាន​សម្តែង ក្នុង​កម្មវិធី​បុណ្យចូលឆ្នាំ ព្រឹត្តិការណ៍​សិល្បៈ ព្រឹត្តិការណ៍​បាល់ទាត់​ជាតិ និង​កម្មវិធី​ផ្សេងៗ​ជាច្រើន​ទៀត​។

​យុវជន​ល្ខោនខោល​កម្ពុជា គឺជា​ក្រុម​សិល្បករ​ល្ខោនខោល ដែលមាន​បទពិសោធន៍​ស្រាប់​ក្នុងការ​សម្តែង ខ្លះ​ជា​សិស្ស និង​ខ្លះទៀត​ជា​គ្រូ នៅ​សាលា​មធ្យម​វិចិត្រសិល្បៈ និង​ខ្លះទៀត​ជា​សិល្បករ​ឯករាជ្យ​។ ក្នុង​ការរួម​ដំណើរ​តាំងពី​ដំបូង​នោះ ​គឺមាន​លោកគ្រូ​សាស្ត្រាចារ្យ ទិ​ត សែន ដែលជា​គ្រូ​ផ្នែក​ល្ខោនខោល ប៉ុន្តែ​ឥឡូវ​លោកគ្រូ​បានទទួល​មរណភាព​បា​ត់ទៅ​ហើយ​។

​ក្នុង​បុព្វហេតុ​ជំរុញ​ឲ្យ​ប្រជាជន​យើង ជាពិសេស​ស្រទាប់​យុវវ័យ​នា​សម័យថ្មី​នេះ ចូលរួម​ថែរក្សា ការពារ​សិល្បៈ​ល្ខោនខោល លោក ខុន ច័ន្ទ​សិទ្ធិការ្យ​បាន​បន្តទៀតថា​៖ យើង​ត្រូវ​បង្កើន​ការផ្សព្វផ្សាយ​ឲ្យ​បាន​ច្រើន​ទៅតាម​លទ្ធភាព​ដែល​អាចទៅរួច ជំរុញ​ធ្វើយ៉ាងណា​ឲ្យ​មនុស្ស​បានឃើញ​ញឹកញាប់ បង្កើត​មាតិកា​ទាក់ទង​និង​សិល្បៈ​វប្បធម៌​ឲ្យ​បាន​ច្រើន​នៅលើ​បណ្តាញ​សង្គម បណ្តុះ​ស្មារតី​ចាប់ពី​កុមារ​តូចៗ​ដែលជា​ទំពាំង​ស្នង​ឬ​ស្សី​ទៅ​ថ្ងៃ​អនាគត​ឲ្យ​បាន​ច្រើន​។

ការចូលរួម​ថែរក្សា​សិល្បៈ​ល្ខោនខោល ឬ​សិល្បៈ​បុរាណ​ផ្សេងៗ មិន​តម្រូវ​ឲ្យ​យើង​ត្រូវតែ​ចូលរៀន​ជំនាញ​សិល្បៈ​បុរាណ​នោះទេ មាន​វិធី​ច្រើន​ក្នុង​ការចូលរួម ដូចជា​ការចែករំលែក​ព័ត៌មាន​សិល្បៈ ទៅ​ទស្សនា​ផ្ទាល់​នៅ​រាល់​ការសម្តែង លើកទឹកចិត្ត​ក្រុម​សិល្បករ​តាមរយៈ​ការបញ្ចេញមតិ​ក្នុង​បណ្តាញ​សង្គម ការចូលរួម​ឧបត្ថម្ភ​គាំទ្រ​មកលើ​ក្រុម​សិល្បៈ​ដែល​បាន​ខិតខំ​ដុតដៃដុតជើង​ធ្វើការ​ផ្សព្វផ្សាយ​ជា​ប្រយោជន៍​ដល់​សង្គម និង​នៅមាន​មធ្យោបាយ​ជាច្រើន​ផ្សេងទៀត​។

​គួរ​រំឭក​ផងដែរ​ថា បច្ចុប្បន្ន ក្រុមយុវជន​ល្ខោនខោល​កម្ពុជា​គឺជា​បេក្ខជន​ប្រកួត​ក្នុង​កម្មវិធី​វង់​តន្ត្រី​ខ្មែរ រដូវ​កាល​ទី​២ ក្រោម​ប្រធានបទ “​សិល្បៈ​បុរាណ​ចម្រុះ​” ដែលមាន​សមត្ថភាព​ឆ្នើម​ក្នុងការ​ឆ្ពោះ​មកកាន់​វគ្គ​ជម្រុះ​ចុងក្រោយ​។ នៅពេល​សួរ​ដល់​ចំណាប់អារម្មណ៍ សម្រាប់​យុវជន​ល្ខោនខោល​កម្ពុជា ដែល​បាន​ឈាន​មកដល់​វគ្គ​នេះ គឺមាន​អារម្មណ៍​សប្បាយរីករាយ​យ៉ាងខ្លាំង ព្រោះ​ការចូលរួម​ប្រកួត​ដំបូង ពួកគាត់​មិន​សង្ឃឹមថានឹង​បាន​ឆ្លង​មកដល់​វគ្គ​នេះ​នោះទេ គឺ​គ្រាន់តែ​ចូលរួម​ដើម្បី​ជា​ចលករ​ឲ្យ​កម្មវិធី​មាន​ភាព​គគ្រឹកគគ្រេង​តែប៉ុណ្ណោះ​។

​ជា​ចុងក្រោយ តំណាង​ក្រុមយុវជន​ល្ខោនខោល​កម្ពុជា​ បាន​ផ្តាំ​ទៅ​បងប្អូន​ទស្សនិកជន និង​យុវជន​នា​សម័យថ្មី​នេះ​ថា ពិតណាស់​យើង​រស់​ក្នុងសម័យ​បច្ចេកវិទ្យា​ទំនើប យើង​ត្រូវ​ដើរ​ឲ្យ​ទាន់​គេ ប៉ុន្តែ​យើង​ត្រូវមាន​ភាពជា​ខ្មែរ និង​ជួយ​ផ្សាយ​នូវ​អ្វី​ដែលជា​ខ្មែរ​គ្រប់​រូបភាព​តាម​ដែល​អាចទៅរួច ព្រោះថា​សិល្បៈ​វប្បធម៌​ គឺជា​ដួងព្រលឹង​ជាតិ ដូច្នេះ​យើង​ត្រូវ​រួមគ្នា​ជ្រោមជ្រែង​ភាព​ថ្កុំថ្កើង​នៃ​វប្បធម៌​យើង​។

​ក្នុង​វគ្គ​ជម្រុះ​ចុងក្រោយ​នៃ​កម្មវិធី​វង់​តន្ត្រី​ខ្មែរ រដូវ​កាល​ទី​២ ការបោះឆ្នោត​ពី​បងប្អូន សាធារណជន​នឹង​រួមចំណែក​ដល់​ទៅ​៤០​ភាគរយ​នៃ​ពិន្ទុសរុប និង​ជួយ​ជ្រោមជ្រែង​ឲ្យ​ក្រុម​នីមួយៗ​មានឱកាស​ទៅ​វគ្គ​ផ្ដាច់ព្រ័ត្រ​។ ដូចនេះ បើសិនជា​ពុក​ម៉ែ បងប្អូន ដែល​ពេញចិត្ត​នូវ​ក្រុមយុវជន​ល្ខោនខោល​កម្ពុជា សូមមេត្តា​កុំ​ភ្លេច​ជួយ​បោះឆ្នោត​ក្រុម​នេះ តាមរយៈ​ការ​ចុច​រូប​មេដៃ (like) សើច​(haha) វ៉ា​វ (wow) បេះដូង (heart) លើកលែងតែ​រូប​ក្រៀមក្រំ (sad) និង​រូប​ខឹង (angry) នៅលើ​វីដេអូ​បង្ហាញ​សម្ដែង ដែល​បង្ហោះ​លើ​ផេ​ក​ហ្វេ​ស​ប៊ុ​ក​ជា​ផ្លូវការ​របស់​សហភាព​ស​ហ​ព័ន្ធ​យុវជន​កម្ពុជា ចាប់ពី​ថ្ងៃទី ១៧ ដល់​ថ្ងៃទី ២៥ ខែតុលា ឆ្នាំ ២០២១​។​

​តំណ​ភ្ជាប់​ទៅកាន់​វីដេអូ​៖

https://web.facebook.com/uyfc.svay.rieng/videos/382546513573563

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២២ វិនាទី មុន

ឡាវ ត្រូវប៉ាន់ពីការនាំចេញដំឡូងមីទៅកាន់ទីផ្សារ ចិន នៅដើមឆ្នាំនេះ

ព័ត៌មានជាតិ១៣ នាទី មុន

​សមាគមទម្លាក់ការព្យាករណ៍​ ទិន្ន​ផលផលិតកម្មអំបិលក្រោម ១០ ម៉ឺនតោន ដោយសារអា​កាសធាតុ​

ជីវិតកម្សាន្ដ២០ នាទី មុន

តួឯករឿង “កូនពស់កេងកង” ទទួលមរណភាពភាពយប់មិញ ក្រោយរងជំងឺសើស្បែក​​ធ្ងន់ធ្ងរអស់ ៥ ឆ្នាំ

ព័ត៌មានជាតិ២៧ នាទី មុន

មន្ត្រីជាន់ខ្ពស់ការងារ អំពាវនាវកម្មកររោងចក្រស្បែកជើងរងគ្រោះអគ្គិភ័យ រក្សាភាពស្ងប់ស្ងាត់ រង់ចាំការដោះស្រាយពីរោងចក្រ

សន្តិសុខសង្គម២៨ នាទី មុន

ប្រទះឃើញសពបុរសម្នាក់ក្នុងវ៉ាលី សមត្ថកិច្ចសន្និដ្ឋានថា ជាករណីឃាតកម្ម

Sokha Hotels

ព័ត៌មានពេញនិយម