ជីវិតកម្សាន្ដ

កាន់តែទាក់ទាញ និងចំណាប់អារម្មណ៍ ជាមួយនឹងសប្ដាហ៍ទី២ នៃវគ្គកំពូលទាំង២០ ក្នុងកម្មវិធីវង់តន្ត្រីខ្មែរ រដូវកាលទី២

បានផុស

៤ years មុន

នៅ

ថ្ងៃចន្ទ ២០ កញ្ញា ២០២១

ដោយ

កាលពីសប្ដាហ៍ទី១ នៃវគ្គកំពូលទាំង២០ កន្លងទៅ បេក្ខជនចំនួន៨ក្រុមនិងទោលបានបង្ហាញថ្វីដៃតាមទម្រង់សិល្បៈបុរាណរៀងៗខ្លួនយ៉ាងចំណាន ទៅតាមវិញ្ញាសា ដែលខ្លួនទទួលបាន។ ដោយឡែក ឈានមកកាន់វគ្គកំពូលទាំង២០ដដែល នាសប្ដាហ៍ទី២ បេក្ខជន បេក្ខនារី ៧ក្រុមទៀតនឹងចូលខ្លួនបញ្ចេញសមត្ថភាពទេពកោសល្យ តាមរយៈវីដេអូនៅចំពោះមុខគណៈកម្មការទាំង៤ រូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីវង់តន្ត្រីខ្មែររដូវកាលទី២ ក្នុងវគ្គកំពូលទាំង២០ សប្ដាហ៍ទី២នេះ បាននាំចំណីអារម្មណ៍ថ្មីសម្រាប់ប្រិយមិត្ត ទស្សនិកជន មករីករាយតាមដានទស្សនាផ្ទាំងសិល្បៈទស្សនីយភាពបុរាណយ៉ាងចម្រុះបែប ពីសំណាក់បេក្ខជនទាំង ៧ក្រុម រាប់តាំងពី អាយ៉ៃ យីកេ វង់ភ្លេងពិណពាទ្យ របាំបុរាណ ចម្រៀងភ្លេងការ និងល្ខោនខោលផងដែរ។

ក្នុងសប្ដាហ៍ទី២នេះ បេក្ខជន ៧ក្រុម ដែលចូលរួមបង្ហាញសមត្ថភាពរួមមាន៖

១. បេក្ខជន ក្រុមអាយ៉ៃលោកគ្រូជិនអេង មកពីខេត្តតាកែវ ដែលទទួលបានវិញ្ញាសា «ចេះដប់ មិនស្មើប្រសប់មួយ»

២. បេក្ខជន មន្ទីរវប្បធម៌ខេត្តបន្ទាយមានជ័យ មកពីខេត្តបន្ទាយមានជ័យ ដែលទទួលបានវិញ្ញាសា «បទ ដំបងកល្ប»

៣. បេក្ខជន ក្រុមពន្លកយុវជនយីកេ មកពីរាជធានីភ្នំពេញ ដែលទទួលបានវិញ្ញាសា «រឿង ម៉ាក់ថើង»

៤. បេក្ខជន ក្រុមមន្ទីរវប្បធម៌ខេត្តកែប មកពីខេត្តកែប ដែលទទួលបានវិញ្ញាសា «បទ ព្រះថោង»

៥. បេក្ខជន ក្រុមមរតកភ្នំក្រាំងដីមាស មកពីខេត្តកំពង់ឆ្នាំង ដែលទទួលបានវិញ្ញាសា «បទ បន្ទាយប្រាសាទ»

៦. បេក្ខជន ក្រុមយុវជនល្ខោនខោលកម្ពុជា មកពីរាជធានីភ្នំពេញ ដែលទទួលបានវិញ្ញាសា «ដកស្រង់ចេញពីរឿងរាមកេរ្តិ៍»

៧. បេក្ខជន ក្រុមសិរីភទ្រ មកពីខេត្តស្វាយរៀង ដែលទទួលបានវិញ្ញាសា «របាំ សេកសារិកា»

គួរបញ្ជាក់ផងដែរថា វគ្គកំពូលទាំង២០ នឹងត្រូវបែងចែកជាបីសប្ដាហ៍ ដែលសប្ដាហ៍ទី៣ ក៏ជាថ្ងៃដែលត្រូវប្រកាសលទ្ធផលរួមគ្នាផងដែរ។

កម្មវិធីវង់តន្ត្រីខ្មែររដូវកាលទី២ រៀបចំនិងផ្ដួចផ្ដើមបង្កើតឡើង ដោយសហភាពសហព័ន្ធយុវជនកម្ពុជា ខេត្តស្វាយរៀង គាំទ្រដោយ ក្រសួងវប្បធម៌ និងវិចិត្រសិល្បៈ និងសមាគមមិត្តតន្ត្រីករ និងមានការចាក់ផ្សាយលើកញ្ចក់ទូរទស្សន៍ BTV រៀងរាល់ថ្ងៃសៅរ៍ ចាប់ពីម៉ោង ៧យប់តទៅ និងការផ្សាយបន្តផ្ទាល់លើផេកផ្លូវការ របស់សហភាពសហព័ន្ធយុវជនកម្ពុជា ខេត្តស្វាយរៀងផងដែរ៕