ជីវិតកម្សាន្ដ

ម៉ា ចន្ទបញ្ញា បង្ហាញការសោកស្តាយនិងសុំទោសរៀមច្បង មួន ម៉ារ៉ា ភ្លាមៗព្រោះតែរឿងនេះ

បានផុស

២ years មុន

នៅ

ថ្ងៃពុធ ១៥ ធ្នូ ២០២១

ដោយ

ភ្នំពេញ ៖ តារាចម្រៀងប្រុសលោក ម៉ា ចន្ទបញ្ញា បានបង្ហាញការសោកស្តាយនិងចេញមុខសុំទោសភ្លាមៗដល់រៀមច្បងសិល្បៈលោក មួន ម៉ារ៉ា បន្ទាប់តារាវ័យក្មេងរូបនោះមានការភ្លាំងភ្លាត់នៅក្នុងការចេញបទចម្រៀងCoverកាលពីថ្មីៗនេះ។

ការចេញមុខសុំទោសរបស់តារាចម្រៀងលោក ម៉ា ចន្ទបញ្ញា នេះធ្វើឡើងស្របពេលដែលលោក មួនម៉ារ៉ា បានប្រតិកម្មចំពោះការលើកយកបទចម្រៀងល្បីល្បាញកាលពីប្រមាណជា២០ឆ្នាំមុនរបស់ខ្លួនគឺបទ «បន្លាក្នុងទ្រូង»បកច្រៀងឡើងវិញ ដោយ ម៉ា ចន្ទបញ្ញា មិនបានសុំសិទ្ធិពីម្ចាស់ដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយក្នុងនោះលោក មួន ម៉ារ៉ាបានបញ្ចេញមតិដោយខ្លីថា «រសជាតិម្យ៉ាង តែស្តាយមិនបានប្រាប់បងមុន»។ ភ្លាមៗដែលមានប្រតិកម្មបែបនេះលោក ម៉ា ចន្ទបញ្ញា បានចេញមុខនិយាយបែបនេះថាខ្ញុំមាន រឿងសោកស្ដាយមួយក្រោយចេញបទបន្លាក្នុងទ្រូងនោះគឺមិនបានសុំសិទ្ធិបង ម៉ារ៉ា ដែលគាត់ក៏ជាFri listរបស់ខ្ញុំដែរ(សូមអានcommentខ្ញុំនឹងបញ្ជាក់)។

លោក ម៉ា ចន្ទបញ្ញា ក៏បានបញ្ជាក់មូលហេតុថា «ខ្ញុំភ្លេចឱ្យឈឹងពីសីលធម៌នេះ ព្រោះមួយរយៈនេះ ខ្ញុំមានអាការផ្លូវចិត្តច្រើនដោយសារការងារ។ ពេលឃើញបង ម៉ារ៉ា គាត់Commentខ្ញុំក៏ផ្ញើសារសូមទោសគាត់ភ្លាមតែខ្ញុំពិតជាបាន Mention ក្នុងចម្រៀងនេះដែរថា សូមបញ្ជាក់ថា បទនេះមិនមែនOrigi nal song របស់ខ្ញុំទេតែជាបទដើមរបស់Birdហើ យខ្ញុំយកលំនាំតាមបងម៉ារ៉ា។

លោក ម៉ា ចន្ទបញ្ញា បានបន្ថែមទៀតថា មិនដឹងថា ការUpload errorអីទេវាបែរជាជាប់ចូល Original song playlist របស់ខ្ញុំ ទើបជាប់ពាក្យថាOriginal song playlist នេះ សូមកុំយល់ច្រឡំ។ ខ្ញុំសរសេរថាបទថ្មីមិនមែនសំដៅលើបទនិពន្ធថ្មីទេគឺបទចម្រៀងទើបតែចេញថ្មីឬចេញរបៀបថ្មីហើយនៅចុងកន្ទុយបទទើបជាបទOriginalរបស់ខ្ញុំ អរគុណ»៕

ដោយ ៖ ចាន់រ៉ា