ជីវិតកម្សាន្ដ

តន្ត្រីករលោកReNoទទួលមរណភាពដោយសារជំងឺរបេងកូនកណ្តុរ និងសួតធ្ងន់ធ្ងរ

បានផុស

៤ years មុន

នៅ

ថ្ងៃព្រហស្បតិ៍ ១០ កុម្ភៈ ២០២២

ដោយ

តន្ត្រីករវ័យក្មេងលោកReNoបានទទួលមរណភាពហើយ នៅព្រឹកថ្ងៃទី១០ ខែកុម្ភ: ឆ្នាំ២០២២ នេះដោយសារជំងឺរបេងកូនកណ្តុរ និងទឹកដក់ក្នុងសួតមិនអាចព្យាបាលសង្គ្រោះជីវិតបាន។

ដំណឹងមរណទុក្ខដ៏ក្រៀមក្រំ និងសោកសៅនេះ បានធ្វើឲ្យអ្នកសិល្ប:រួមអាជីពព្រមទាំងអ្នកគាំទ្រមួយចំនួនធំបានសម្តែងការចូលរួមសោកស្តាយយ៉ាងខ្លាំងជាមួយក្រុមគ្រួសារតន្ត្រីកររូបនេះ។ក្នុងនោះក៏មានការរំលែកទុក្ខជាច្រើនពីមហាជនគ្រប់គ្នាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមគណនីហ្វេសប៊ុកឈ្មោះ Numpav Jeanបានរៀបរាប់ទាំងក្តុកក្តួលថា សេចក្ដីសម្រេចថ្ងៃនេះ វេលាម៉ោងនេះ ពួកយើងបានទទួលដំណឹងថា បងប្រុសខ្ញុំ ពួន បារាំង ឈ្មោះក្រៅហៅ ReNo Chhim Phi Ruk បានទទួលមរណភាពនាថ្ងៃទី១០ ខែ០២ ឆ្នាំ២០២២វេលាម៉ោង១១និង០០នាទី។

ប្រភពបានបន្តទៀតថា គ្រួសារខ្ញុំសូមគោរពអញ្ជើញមិត្តភ័ក្ដិបងប្អូនដែលស្រលាញ់រាប់អានបងប្រុសខ្ញុំមកចូលរួមរំលែកទុក្ខកុំបីអាកខានឡើយ។ ចំណែកហ្វេសប៊ុកឈ្មោះ សូលីតា អ៊ុក ក៏បានលើកឡើងថា សូមបងទៅកាន់ទីស្ងប់សុខ បងលែងឈឺចាប់ទៀតហើយ៕

អត្ថបទ៖ ចាន់រ៉ា