Connect with us

ជីវិតកម្សាន្ដ

ម្ដាយឪពុក សុវត្ថិឌី ធារីកា ដឹងថា មានគ្រោះជីវិត នៅជម្នះជូនកូនទៅព្រះវិហារ

បានផុស

នៅ

មហាជនបានដឹងគ្រប់គ្នាដំណឹងនៃមរណភាពរបស់លោកឪពុកនិងអ្នកម្តាយជាទីស្រលាញ់របស់តារាចម្រៀង សុវត្ថិឌី ធារីកា បានធ្វើឲ្យអ្នកគាំទ្រព្រមទាំងសិល្បករ-សិល្បការិនីជាច្រើនសម្តែងក្តីរន្ធត់ចិត្ត ហើយផ្ញើសារចូលរួមរំលែកទុក្ខគ្រប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកបើងាកមកចាប់អារម្មណ៍នូវរឿង​រ៉ាវមុន​ពេលឪពុកម្ដាយកញ្ញា សុវត្ថិឌី ធា​រិ​កា ទទួលមរណភាពដោយសារហេតុការណ៍ក្រឡាប់រថយន្តនៅខេត្តព្រះវិហារកាលពី​ថ្ងៃទី​ ១៧ ខែ ឧសភា គឺ​មាន​ហេតុភេទ​មួយ​ចំនួនបានកើត​ឡើងធ្វើ​ឲ្យ​គ្រប់គ្នា​ស្ដាប់​ហើយមានអារម្មណ៍តក់ស្លុតនិងព្រឺសម្បុរតែម្ដង។

នាអំឡុងពិធីបុណ្យគម្រប់ខួប៧ថ្ងៃគឺតារាស្រីចាស់វ ស្សាអ្នកនាង ចន ច័ន្ទលក្ខិណា បានទម្លាយនូវរឿងហេតុខ្លះៗរបស់ម្តាយ-ឪពុក សុវត្ថិឌី ធារីកា ថា គ្រាដែលអ្នកនាងនិងអ្នកជិតខាងបានអង្គុយជួបជុំគ្នា ដើម្បីពិភាក្សារៀបចំពិធីបុណ្យសពម្តាយ-ឪពុក ធារីកា ស្រាប់តែអ្នកភូមិផងរបងជាមួយបានបញ្ជាក់ថា មុន១អាទិត្យនៃថ្ងៃកើតហេតុនោះគឺម្តាយធារិកាបានទៅជួបគ្រូទាយជាមួយពួកគាត់ ហើយពេលនោះគ្រូទាយបានហាមមិនដាច់ខាតមិនឲ្យម្តាយនិងឪពុក សុវត្ថិឌី ធារីកាទៅទិសប៉ែកខេត្តព្រះវិហារនេះឡើយ ព្រោះលេខជីវិតគងលើសូន្យមានន័យថាអាចអស់ជីវិត។

ប្រភពបានបន្តថា ស្រាប់តែជិតដល់ថ្ងៃទៅព្រះវិហារ២ឬ៣ថ្ងៃ ម្តាយធារីកាក៏បានពិភាក្សាជាមួយអ្នកភូមិម្តងទៀតព្រោះគាត់មិនដឹងថាគួរទៅឬអត់ទេ? អំឡុងពេលនោះអ្នកជិតខាង ក៏បានឃាត់មិនឲ្យទៅនោះឡើយហើយពន្យល់ឲ្យ ធារិកា ជិះ​ឡាន​ទៅជាមួយនឹងតារាប្រុស អ៊ាម វន្នី។ ប៉ុន្តែម្តាយមិនទុកចិត្តឲ្យកូនទៅដោយសារគេឡើយ ក៏សម្រេច​ជូនកូនទៅតែម្តងព្រោះគាត់ក៏មិនសូវជឿលើពាក្យទំនាញរបស់គ្រូនោះប៉ុន្មានទេ។

អ្នកនាង ច​ន ច័ន្ទ​លក្ខិណា បាន​បញ្ជាក់​បន្ថែមថា នេះ​ជាហេតុមួយដែល​អ្នកជិតខាងនិយាយពេលដែលទៅមើលគ្រូជាមួយម្តាយ ធា​រិ​កា បាន​ប្រាប់​។

បើតាមសម្តីរបស់កញ្ញា សុវត្ថិឌី ធារិកា បញ្ជាក់ដែរថា ខ្លួនដូចកំពុងយល់សប្តិចាត់ទុករឿងនេះជាទំហំនៃការលះបង់ម្តាយឪពុកធំធេងខ្លាំងក្លាណាស់ ទោះដឹង មុនថាអាចមានគ្រោះតែនៅប្រថុយជម្នះ​ជូនកូនទៅ ព្រោះបារម្ភពីសុវត្ថិភាពកូនស្រី៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម