ជីវិតកម្សាន្ដ

សុះ ម៉ាច លើកដៃបន់ព្រះសំពះទេវតា ក្រោយអ្នកម្តាយ និងម្តាយមីងចូលពេទ្យសង្គ្រោះបន្ទាន់ព្រមគ្នា

បានផុស

២ ខែ មុន

នៅ

ថ្ងៃអង្គារ ១៩ កក្កដា ២០២២

ដោយ

តារាចម្រៀងជើងចាស់ល្បីឈ្មោះ គឺលោក សុះ ម៉ាច បានបង្ហាញអារម្មណ៍មិនសប្បាយចិត្តបន្ទាប់ពីអ្នកម្តាយជាទីស្រលាញ់ព្រមទាំងម្តាយមីងរបស់លោកត្រូវចូលសង្គ្រោះបន្ទាន់នៅមន្ទីរពេទ្យព្រមគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ឲ្យដឹងពីតារាចម្រៀងលោក សុះ ម៉ាច បានប្រាប់ថា ពេលនេះអ្នកម្តាយរបស់លោក និងម្តាយមីងកំពុងតែចូលសង្គ្រោះនៅមន្ទីរពេទ្យមិត្តភាពខ្មែរ-សូវៀត។ លោកបន្តថា ឥឡូវនេះ គឺស្ថិតក្នុងស្ថានការណ៍ដ៏លំបាកពិបាកនឹងទទួលយក នៅពេលដែលមិនបានត្រៀមខ្លួនជាមុនជាពិសេសស្ថានភាពក្រោយកូវីដ-១៩។

តារាចម្រៀងលោក សុះ ម៉ាច និយាយទៀតថា ”ថ្ងៃនេះអ្នកម្តាយខ្ញុំចូលសង្គ្រោះបន្ទាន់នៅមន្ទីរពេទ្យមិត្តភាពខ្មែរ-សូវៀត ខណៈដែលម្តាយមីង(ប្អូនឪពុកខ្ញុំបង្កើត)ក៏សង្គ្រោះបន្ទាន់ក្នុងបន្ទប់តែមួយជាមួយគ្នាបែបនេះ។ ដូច្នេះមានតែបន់ព្រះសំពះទេវតាទាំងព្រះពុទ្ធសាសនា ឥស្លាមសាសនា គ្រិស្តសាសនា និងសូមឲ្យបុណ្យកុសល ដែលខ្ញុំបានសាងជួយដល់អ្នកម្តាយ និងម្តាយមីងឲ្យលោកទាំងពីរឆាប់ជាសះស្បើយពីរោគានេះផង”។

លោក សុះ ម៉ាច ក៏បាននិយាយដោយសង្កត់ធ្ងន់ថា ពេលនេះ គឺលោកកំពុងតែជួបទុក្ខជាន់លើទុក្ខហើយលោកមិនដឹងគិតបែបណាទេ បើបញ្ហាបានកើតឡើងព្រមគ្នាក្នុងពេលតែមួយ។ តាមរយៈដំណឹងនេះ គេឃើញមានមហាជននិងអ្នកគាំទ្រជាច្រើនបានផ្ញើសារជូនពរដល់អ្នកម្តាយ និងម្តាយមីងលោក សុះ ម៉ាច ឆាប់ជាសះស្បើយពីជំងឺផងដែរ៕