លោក សុះ ម៉ាច សម្រេចការនិពន្ធចម្រៀងដែលរៀបរាប់រឿងរ៉ាវស្នេហាពិតកាលពី ២៨ឆ្នាំមុន

ដូចការគ្រោងទុកទីបំផុតតារាចម្រៀងជើងចាស់លោក សុះ ម៉ាច បាននិពន្ធនិងចេញបទចម្រៀងផ្ទាល់ខ្លួនមួយបទទៀតហើយដែលមានចំណងជើងថា “បំភ្លេចមិនបាន” ដែលរៀបរាប់រឿងរ៉ាវស្នេហាពិតនៃជីវិតស្នេហាបែកបាក់កាលពី២៨ឆ្នាំមុន។

ទោះបីជាមកដល់ពេលនេះគឺមានវ័យរៀងជ្រេបន្តិចក្តីតែតារាចម្រៀងជើងចាស់លោក សុះ ម៉ាច នៅតែបង្ហា ញឆន្ទ:ស្រលាញ់អាជីពចម្រៀងខណ:ដែលថ្មីៗកន្លង ទៅលោកក៏បានបញ្ចេញនូវសា្នរដៃបទចម្រៀងមនោ សញ្ចេតនាជាច្រើនបទដែលស្តែងចេញពីរឿងពិតតែម្តង ។

ជាការកត់សម្គាល់លោក សុះ ម៉ាច ដែលកន្លងមកជាអតីតប្រធានសមាគមសិល្បករខ្មែរ ២អាណត្តិបានបញ្ជាក់ឲ្យដឹងដែរថា ដោយការស្រលាញ់និងដើម្បីបន្សល់ទុកស្នាដៃចម្រៀងដល់ក្មេងជំនាន់ក្រោយ ពេលនេះលោកបានចាប់ផ្តើមបន្ថែមស្នាដៃនិពន្ធបទចម្រៀងថ្មីៗដើរតាមគន្លងឪពុក។

តារាចម្រៀងលោក សុះ ម៉ាច បានបញ្ជាក់ឱ្យដឹងថា ទីបំផុតខ្ញុំថតចប់ហើយបទ”បំភ្លេចមិនបាន” ដែលខ្ញុំនិពន្ធនិងច្រៀងរៀបរាប់ ពីរឿងរ៉ាវស្នេហាពិតជីវិតស្នេហាបែកបាក់កាលពី២៨ឆ្នាំមុន បទនេះដែរនិពន្ធបទភ្លេងដោយលោក សុខ ចន្ទថុណា បច្ចេកទេសសំឡេងដោយ លោក ធី វុទ្ធា ត្រៀមចេញក្នុងផេកផលិតកម្មមរតក Morodok officials ជាកាដូថ្ងៃខួបកំណើតរបស់ ខ្ញុំថ្ងៃទី០៥ខែមិថុណាគម្រប់៥៤ ឈានចូល៥៥ឆ្នាំសូមប្រិយមិត្តបងប្អូនកូនក្មួយជួយគាំទ្រផង”។

តារាចម្រៀងជើងចាស់លោក សុះ ម៉ាច បានបញ្ជាក់បន្ថែមទៀតថាសម្រាបចម្រៀង១បទនេះគឺលោកបានចំណាយពេលច្រៀងរហូតដល់ជាង១ម៉ោងឯណ្ណោះព្រោះតែពិបាកច្រៀង និងតឹងពេករហូតស្អកកទៀតផង។

គួរបញ្ជាក់ថា លោក សុះ ម៉ាច កន្លងមកគឺជាអតតីប្រធានសមាគមសិល្បករខ្មែរ២អាណត្តិនិងតារាចម្រៀងជើងចាស់ដ៏មានប្រជាប្រិយភាពរហូតមកដល់ពេលបច្ចុប្បន្ន។ លោក សុះ ម៉ាច បានជាប់ឈាមជ័រជាអ្នកសិល្ប:ព្រោះលោកគឺត្រូវជាកូនប្រុសបង្កើតរបស់លោក តា សុះ ម៉ាត់ តារាចម្រៀងល្បីនិងសម្បូរស្នេហ៍​ក្នុងទសវត្សរ៍ឆ្នាំ៦០-៧០៕ ដោយ ៖ ចាន់រ៉ា