ទម្រាំចេញបានជារូប 3D មួយៗ! ដឹងថា ​យូមែនរាយថ៍ ប្រើពេលផាត់មុខប៉ុន្មានម៉ោងអត់?

រូបថត​ 3D ច្រើនសន្លឹក រួមមានគំនូរបែបសិល្បៈខ្មែរ និងបរទេសខ្លះ ដែលសុទ្ធសឹងតែប្លែកៗ​​ទាក់ភ្នែក ត្រូវបាន ​យូមែនរាយថ៍ ប្រាប់ថា ចំណាយពេលកន្លះជិតកន្លះថ្ងៃ និងរូបខ្លះទៀតត្រូវប្រើពេលស្ទើរពេញមួយថ្ងៃដើម្បីបង្ហើយការផាត់មុខនីមួយៗ។

“បើផាត់មុខធម្មតាៗ ខ្ញុំចាយពេល ២-៣ ម៉ោង។ ប៉ុន្តែបើផាត់មុខ 3D ខ្ញុំត្រូវចំណាយពី ៧-៨ ម៉ោងឯណោះ ព្រោះថា ផាត់មុខផង និងគូរផង។” នេះបើតាមសម្ដី យុវសិស្សរូបនេះ ប្រាប់មកកម្ពុជាថ្មី។

ក្រៅពីនោះ ពេលវេលាកាន់តែអូសបន្លាយយូរ ដោយសារការតុបតែងលម្អផ្សេងទៀត បូករួមទាំងការថតរូប យូមែនរាយថ៍​ត្រូវធ្វើដោយខ្លួនឯងទាំងអស់​ ពុំមានជំនួយការនោះទេ។ ទោះជាយ៉ាងណា យុវជនរូបនេះនិយាយថា ខ្លួនមិនហត់នឿយឡើយ ព្រោះស្រឡាញ់សិល្បៈផាត់មុខខ្លាំង និងចង់បង្ហាញពិភពលោកថា កូនខ្មែរអាចធ្វើបាន!

ក្រោយបង្ហាញរូបផាត់មុខបែប 3D ដ៏ប៉ិនប្រសប់របស់ ហឿន ​យូមែនរាយថ៍ នៅលើបណ្ដាញសង្គម បានធ្វើឲ្យមហាជនសាទរនូវសមត្ថភាពនេះយ៉ាងមានមោទកភាព ព្រោះត្រឹមតែវ័យ ១៦ ឆ្នាំ គេអាចបញ្ចេញទេពកោសល្យដូចអ្នកជំនាញពិតៗ ត្បិតតែមិនទាន់ចូលសាលាហ្វឹកហ្វឺនក៏ដោយ៕

សូមទស្សនារូបភាពខាងក្រោម៖

អត្ថបទ៖ សន្យា

ចុចអាន៖ វ័យ ១៦ ឆ្នាំ យុវសិស្ស ហឿន យូមែនរាយថ៍ មានទេពកោលសល្យគំនូរ សឹងមិនគួរឲ្យជឿ

ចុចអាន៖ មោទកភាពកូនខ្មែរ! យុវជនម្នាក់​មានទឹកដៃផាត់មុខបែប 3D បានយ៉ាងពូកែ មិនចាញ់បរទេស