វ័យ ១៦ ឆ្នាំ យុវសិស្ស ហឿន យូមែនរាយថ៍ មានទេពកោលសល្យគំនូរ សឹងមិនគួរឲ្យជឿ – Kampuchea Thmey Daily
Connect with us
Helistar Cambodia - Helicopter Charter Services

ជីវិតកម្សាន្ដ

វ័យ ១៦ ឆ្នាំ យុវសិស្ស ហឿន យូមែនរាយថ៍ មានទេពកោលសល្យគំនូរ សឹងមិនគួរឲ្យជឿ

Published

on

ហឿន យូមែនរាយថ៍ ក្នុងវ័យ ១៦ ឆ្នាំកំពុងកសាងភាពភ្ញាក់ផ្អើល សឹងមិនគួរឲ្យជឿ ព្រោះតែទេពកោសល្យផាត់មុខបែប 3D យ៉ាងវិចិត្រប្រៀបបាននឹងអ្នកជំនាញម្នាក់។

គំនូរលើផ្ទៃមុខបែប 3D ជាច្រើនសន្លឹកបានឆក់យកការចាប់អារម្មណ៍ និងស្ងើចសរសើរពីមហាជនមិនដាច់ពីមាត់ តាមរយៈការបង្ហោះលើបណ្ដាញសង្គមរបស់សិស្សវិទ្យាល័យទួលអំពិលរូបនេះ ។

រៀនថ្នាក់ទី១០ យូមែនរាយថ៍ ដែលជាអ្នករស់នៅ ចំការដូង ប្រាប់ថា ស្នាដៃដែលខ្លួនបានបង្ហោះទាំងប៉ុន្មាន ជាការកើតចេញពីទឹកចិត្តស្រឡាញ់លើសិល្បៈផាត់មុខនិងគំនូរតាំងពីក្មេងមក។  ប៉ុន្តែអ្វីដែលគួរឲ្យភ្ញាក់ផ្អើល គឺគេពុំបានរៀនជំនាញនេះតាមរយៈហាងសាឡន ឬសាលាសិល្បៈណាមួយឡើយ ដោយចំណេះទាំងនោះបានមកពីការរៀនតាម YouTube សុទ្ធសាធ។

យូមែនរាយថ៍ ប្រាប់ទៀតថា គេផ្ដើមរៀនផាត់និងគូរលើមុខឬដងខ្លួនចាប់ពីរៀនថ្នាក់ទី ៨ មកម៉្លេះ ពោលគឺអំឡុងឆ្នាំ ២០១៨ ហើយបានបង្ហោះលើហ្វេសប៊ុកនៅដើមឆ្នាំ ២០១៩។ ក្រោយមកគេទទួលបានស្រឡាញ់ពេញចិត្ត ក៏ដូចជាគាំទ្រពីបណ្ដាមិត្តភក្តិនិងហ្វេនតាមបណ្ដាញសង្គម ដែលនេះធ្វើឲ្យគេកាន់តែពុះពោរក្នុងវិស័យផាត់មុខទ្វេរឡើង។ យុវជនរូបនេះបន្តថា ដំបូងឡើយ បងប្អូន​និងប៉ាម៉ាក់ ហាក់មិនគាំទ្រខ្លួនទេ តែបច្ចុប្បន្ន ពួកគាត់បានការជំរុញទឹកចិត្តគេច្រើនបំផុត។

សិល្បករជំនាន់ថ្មី យូមែនរាយថ៍ ក៏បន្ថែមដែរថា “ខ្ញុំចង់ក្លាយជា Makeup Artist ទៅថ្ងៃអនាគត និងចង់ធ្វើជាអ្នកបណ្ដុះបណ្ដាលបន្តនូវសិល្បៈមួយនេះទៅដល់អ្នកណាដែលមានចំណូលចិត្តដូចខ្ញុំ”៕

អត្ថបទ៖ សន្យា

ចុចអាន៖ ​មោទកភាពកូនខ្មែរ! យុវជនម្នាក់​មានទឹកដៃផាត់មុខបែប 3D បានយ៉ាងពូកែ មិនចាញ់បរទេស

ចុចអាន៖ ​ធ្លាប់ត្រូវ​គេមើលងាយស្នាដៃ ខ្ញុំបានពិន័យ​ខ្លួនឯងពី ២-៥ ម៉ោង ដើម្បីរៀនបន្ថែម​តាមយូធ្យូប

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services