ជីវិតកម្សាន្ដ
មាស នីតា គ្រងឈុតប្រពៃណីមិនត្រឹមតែស្រស់ស្អាត ថែមទាំងរំលេចពីអត្តចរិតស័ក្តិសមជានារីខ្មែរ
អ្នកគាំទ្របានដឹងហើយថា តារាចម្រៀងល្បីឈ្មោះតាមរយៈការCover បទចម្រៀង”ផ្លូវណាទៅផ្ទះម៉ែក្មេក” និងជាអតីតបេក្ខនារីប្រឡងចម្រៀងលំដាប់ថ្នាក់ពិភពលោកកញ្ញា មាស នីតា ថ្វីត្បិតនាងមិនអាចក្តាប់បានឱកាសក្លាយជាម្ចាស់ពានក៏ពិតមែន តែបច្ចុប្បន្ន នីតា គឺមានទីផ្សារការងារច្រើនគួរឲ្យកត់សម្គាល់។
បើតាមការកត់សម្គាល់ រយៈពេលចុងក្រោយនេះ ពោលគឺចាប់តាំងពីបានបញ្ចប់ការប្រឡងរហូតមកដល់ពេលបច្ចុប្បន្ន កញ្ញា ពៅ ស្រីមាស ឬហៅថា មាស នីតា គឺទទួលបានទីផ្សាការងារថតសម្អាងការជាបន្តបន្ទាប់។ ម្យ៉ាងទៀតរាល់ការ គ្រងឈុតសម្លៀកបំពាក់កូនក្រមុំរបស់ កញ្ញា មាស នីតា មើលទៅពិតជាស្អាតប្លែកភ្នែក និងទទួលបានការកោតសរសើរយ៉ាងច្រើនពីសំណាក់មហាជន និងអ្នកគាំទ្ររបស់កញ្ញាផងដែរ។
មិនតែប៉ុណ្ណោះ អ្វីដែលកាន់តែធ្វើឲ្យអ្នកគាំទ្រកាន់ចាប់អារម្មណ៍ និងសរសើរនោះ គឺកញ្ញា មាស នីតា បានទម្លាយសារផ្ទាល់ខ្លួនមួយចំនួនជាការដាស់តឿនខ្លួនឯង និងអ្នកគាំទ្ររនូវចំណុចល្អៗជាច្រើន។ តាមរយៈខ្លឹមសាររបស់ កញ្ញា មាស នីតា បានលើកឡើងថា «កុំធ្វើជាមនុស្សស្រីដែលស្អាតតែមុខមាត់ ល្អឆើតតែសម្រស់ ឡូយបានត្រឹមតែរាងរៅខាងក្រៅ តែត្រូវធ្វើជាស្ត្រីដែលមានឯករាជ្យ ចាស់ទុំ ចិត្តគំនិតស្រស់ស្អាតចេញពីខាងក្នុង»។
តារាចម្រៀងស្រីដែលធ្លាប់តែឆ្លងកាត់ប្រវត្តិកម្សត់រហូតតស៊ូបានក្លាយជាស្ត្រីរឹងមាំ កញ្ញា មាស នីតា បន្តទៀតថា អ្វីដែលសំខាន់គឺមានសមត្ថភាពគ្រប់គ្រាន់ក្នុងការបំពេញកិច្ចការងារដែលអាចរកប្រាក់ចំណូលបានដោយកម្លាំងញើសឈាម និងប្រាជ្ញាស្មារតីរបស់យើងខ្លួនឯង។
ត្រូវចាំថា ស្ត្រីជោគជ័យគឺត្រូវតែមានសេរីភាពទាំងផ្លូវកាយ និងផ្លូវចិត្ត និងមានអ្វីៗ ដែលរកបានមកដោយខ្លួនឯង ហើយក៏ជាស្ត្រីដែលមិនទៅពាក់ព័ន្ធរញ៉េរញ៉ៃក្នុងរឿងស្នេហា មនុស្សស្រីល្អពិត គឺស្ថិតលើចិត្តគំនិត អាកប្បកិរិយា មារយាទរបសនាង!។ នេះជាសម្តីលើកឡើងបន្ថែមរបស់កញ្ញា មាស នីតា៕
អត្ថបទ ៖ ចាន់រ៉ា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល