រូបរាងថ្មីរបស់ Song Hye Kyo អ្នកគាំទ្រទប់សរសើរសម្រស់មិនបាន

Song Hye Kyo បាន​បញ្ចេញ​រូបរាង​ថ្មី​ស្អាត​មិនធម្មតាជូនដល់​​អ្នកគាំទ្រ មុន​នឹងភាពយន្ត​ដ៏ល្បីល្បាញ “The Glory” វគ្គ២ ​ត្រៀមនឹង​ចាក់​បញ្ចាំង​ម្ដង​ទៀត ហើយ​នេះ​គឺ​ជា​សម្រស់​ដ៏​ស្រស់​ស្អាត​មិន​ធ្លាប់​ឃើញឡើយ។

ត្បិតថាតារាសម្ដែងកូរ៉េខាងត្បូងរូបនេះមាន​អាយុ​៤១​ឆ្នាំ​ក្ដី ប៉ុន្តែបើនិយាយពីសម្រស់របស់នាងគឺតែងតែលេចធ្លោលើបណ្ដាញសង្គមជានិច្ចកាល។ជាពិសេសនោះគឺតាំងពីភាពយន្ត “The Glory” វគ្គ១បានបញ្ចាំងទូទាំងពិភពលោកមក Song Hye Kyo ហាក់ទទួលបានប្រជាប្រិយភាពកាន់តែខ្លាំងក្លាលើសមុនថែមទៀត។

យ៉ាងណាមិញនៅក្នុងរូបភាពដ៏ស្រស់ស្អាតរបស់ Song Hye Kyo ពាក់អាវកក្អម និងស្លៀកខោពណ៌​ទឹកក្រូច​រលោង​ដូច​នារី​សម័យ​មុន ​ថែម​ទាំង​យក​ដៃ​ច្រត់​ចង្កា​ធ្វើ​ទឹក​មុខ​គួរ​ឲ្យ​ក្នាញ់​ថែម​ទៀត។ ភ្លាមៗនោះដែរអ្នកគាំទ្រជាច្រើនបានសម្រុកចូលមកបញ្ចេញមតិលើអ្នកមេម៉ាយ​ចាយ​រាង ​Song Hye Kyo ថា ពិតជាស្អាតនិងសក្ដិសមជាតារាជើងចាស់ពិតៗ។

សូម​បញ្ជាក់​ផង​ដែរថា ​អ្នកគាំទ្រ​កំពុង​ទន្ទឹងរង់ចាំ Song Hye Kyo ត្រៀម​វិល​មក​ចាក់​បញ្ចាំង​ឡើង​វិញ​ជាមួយ​នឹង​រឿង​ភាគថ្មី ‘The Glory’ រដូវកាលទី ២ សម្ដែង​ដោយ​តារាប្រុស Lee Do Hyun’ ហើយនឹងត្រូវ​ចេញផ្សាយនាថ្ងៃទី ១០ ខែមីនា ខណៈ​ភាគដំបូង​ទទួល​បាន​ការ​គាំទ្រ​យ៉ាង​ច្រើន​លើសលុប​ពី​សំណាក់​ហ្វេន​ទូទាំង​ពិភពលោក។ ភាព​ល្បីល្បាញ​លឿនដូចជា​កាំជ្រួច​ បាន​បណ្ដាល​ឲ្យ Song Hye Kyo ទទួលបានតម្លៃ​ខ្លួន​​ប្រហែល ២០០លានវ៉ុនក្នុង​មួយវគ្គ៕

ប្រែសម្រួល៖ សាង ស្រីល័ក្ខ

ចុចអាន៖មនុស្ស ៣ នាក់រងរបួស ពេលថតកម្មវិធី Squid Game: The Challenge

ចុចអាន៖បណ្ដាញអ៊ីនធឺណិតទម្លាយរូបភាព Song Joong Ki កាលឡើងកម្មវិធីដំបូង