បណ្ដាញអ៊ីនធឺណិតទម្លាយរូបភាព Song Joong Ki កាលឡើងកម្មវិធីដំបូង

តារា​សម្ដែង Song Joong Ki កំពុង​ទទួល​បាន​ការ​ចាប់​អារម្មណ៍​ជា​ថ្មី​ម្ដង​ទៀត បន្ទាប់​ពីបណ្ដាញ​អ៊ីនធឺណិតចែក​រំលែក​រូបភាព​នៃ​ថ្ងៃ​ដំបូងរបស់​លោក​នៅ​ក្នុង​កម្មវិធី​ ‘Entertainment Company Live’ របស់ KBS 2TV នៅក្នុងវគ្គចុងក្រោយដែលបានចាក់ផ្សាយនៅថ្ងៃទី២៦ ខែមករា។

កម្មវិធីនេះបានបង្ហាញថា Song Joong Ki ធ្លាប់បង្ហាញខ្លួននៅក្នុងកម្មវិធី KBS 1 TV ‘Quiz Korea’ របស់ទូរទស្សន៍ KBS ក្នុងឆ្នាំ ២០០៦ នៅពេលដែលលោកកំពុងសិក្សាឆ្នាំទី ១ ដែលកំពុងសិក្សាផ្នែកវិទ្យាសាស្ត្រសង្គមនៅសាកលវិទ្យាល័យ Sungkyunkwan ។ នៅពេលនោះ Song Joong Ki ទទួលបានការចាប់អារម្មណ៍យ៉ាងខ្លាំង ចំពោះរូបរាងដ៏ល្អរបស់លោក ហើយ​បាន​លាតត្រដាង​ថា ​ក្តី​សុបិន​របស់​លោក​គឺ​ចង់​ក្លាយ​ជា​អ្នក​សារព័ត៌មាន។

ទោះយ៉ាងណា Song Joong Ki បានសារភាពថា “ខ្ញុំបានក្លាយជាតារាសម្តែងជំនួសវិញ។ បន្ទាប់​មក​មាន​ក្លឹប​អ្នក​គាំទ្រ​មួយ​បាន​បង្កើត​ឡើង​បន្ទាប់​ពី​ការ​ចាក់​ផ្សាយ។ ខ្ញុំ​ពិត​ជា​ងឿង​ឆ្ងល់ ​ព្រោះ​ខ្ញុំ​មិន​មែន​ជា​តារា​ល្បី​កាល​ពី​ពេល​នោះ​ទេ”។

សូមជម្រាបដែរថានៅក្នុងកម្មវិធី ‘Entertainment Company Live’ របស់ KBS 2TV មានតារា៨រូបដែលជាប់ចំនាតថ្នាក់ដូចជា តារា​ចម្រៀង Park Ji Hyun ជាប់​លេខ ៨ តារា​សម្ដែង Kang Ha Neul ជាប់​លេខ ៧ តារា​ចម្រៀង Hwang Young Woong ជាប់​លេខ ៦ Cha Eun Woo ជាប់​លេខ ៥ តារា​ចម្រៀង Song Ga In ជាប់​លេខ ៤ តារាសម្ដែង Han Ga In បានជាប់ចំណាត់ថ្នាក់លេខ ៣ Lim Young Woong ជាប់ចំណាត់ថ្នាក់លេខ ១ ខណៈ Song Joong Ki ចំណាត់ថ្នាក់លេខ២ ‘ ៕

ប្រែសម្រួល៖ សាង ស្រីល័ក្ខ

ចុចអាន៖មនុស្ស ៣ នាក់រងរបួស ពេលថតកម្មវិធី Squid Game: The Challenge