កាលពីថ្ងៃទី ២៦ ខែ មករា កាសែត YTN បានរាយការណ៍ថា មានឧបទ្ទវហេតុមួយបានធ្វើឱ្យមនុស្ស ៣ នាក់រងរបួស ខណៈពេលដែលកំពុងថតកម្មវិធីពិតមួយដែលមានឈ្មោះថា Squid Game: The Challenge នៅ Cardington Studios ទីក្រុង Bedfordshire ប្រទេសអង់គ្លេស។

នៅក្នុងនោះអ្នកចូលរួមលេងហ្គេមមួយចំនួនបានត្អូញត្អែរអំពីរោគសញ្ញានៃការថយចុះកម្តៅ និងការញ័រអំឡុងពេលថតនៅខាងក្រៅក្នុងអាកាសធាតុត្រជាក់នៃ -៣ អង្សាសេ។ ទោះជាយ៉ាងណាក៏ដោយ ក្រុមហ៊ុន Netflix បានពន្យល់ថាមិនមានរបួសធ្ងន់ធ្ងរទេហើយថាការថត កំពុងដំណើរការស្របតាមច្បាប់សុវត្ថិភាព ហើយបុគ្គលិកពេទ្យតែងតែនៅកន្លែងកើតហេតុ ចិត្តទុកដាក់ចំពោះសុវត្ថិភាព អ្នកលេងនិងសមាជិកទាំងអស់។

Squid Game: The Challenge គឺជាកម្មវិធីហ្គេមពិតដែលផ្អែកលើខ្សែភាពយន្តកូរ៉េដ៏ពេញនិយម Squid Game ជាគ្នានេះ មនុស្ស ៤៥៦ នាក់មកពីជុំវិញពិភពលោកនឹងចូលរួមលេងហ្គេមនឹងមានហ្គេម ១០ វគ្គឲ្យអ្នកចូលរួមលេងប្រកួតប្រជែង ដើម្បីឈ្នោះរង្វាន់បានប្រាក់ ៤.៥៦ លានដុល្លារ ។

យ៉ាងណាមិញ រឿង Squid Game វគ្គ២ គ្រោងនឹងថតនៅឆ្នាំ ២០២៣ ដោយតារាសម្តែង Lee Jung Jae បានចុះកុងត្រាជាមួយអង្គភាពផលិតភាពយន្ត Hwang Dong Hyuk សម្រាប់រដូវកាលទី២នេះរឿង Squid Game ប្រាក់យ៉ាងច្រើនក្នុងការផលិត៕

ប្រែសម្រួល៖នាងតូច

ចុចអាន៖BLACKPINK ជួបជំទាវទីមួយរបស់បារាំងម្ដងទៀត បន្ទាប់ពីការប្រគំតន្ត្រី Gala