Pinky តែងតួជាព្រះនាង កិមិរាទេវី មហាជននាំគ្នាសរសើរថា ស្រស់ស្អាតដូចទេព្ដា

កៀកថ្ងៃចូលឆ្នាំប្រពៃណីមកដល់ តារាសម្ដែងថៃ Pinky Savika តុបតែងខ្លួន និង​ស្លៀកពាក់ឈុតទេព្ដាឆ្នាំថ្មី ព្រះនាង កិមិរាទេវី យ៉ាងស្រស់ស្អាត ធ្វើឱ្យមហាជនលើកគ្នាមកសរសើរមិនដាច់ពីមាត់ពីថា នាងមានសម្រស់ស្រស់ស្អាតដូចទេព្ដាពិតៗ។

ថ្មីៗ​នេះ Pinky បាន​ប្រែ​ក្លាយ​ជា​ទេពធីតាសង្រ្កាន ដើម្បីស្វាគមន៍ឆ្នាំថ្មីប្រពៃណីជាតិ ឆ្នាំ២០២៣ ដោយនាងបានស្លៀកឈុតស្បៃ និងគ្រឿងជាបុត្រីទី៦ របស់កបិលមហាព្រហ្ម នាំឱ្យអ្នកគាំទ្រលើកឡើងដូចៗគ្នាថា តារាស្រីរូបនេះមើលពីជ្រុងណាក៏ស្អាត ​ជាពិសេសតុបតែងខ្លួនបែបនេះ រឹតតែស្អាតទ្វេដង។

គួរបញ្ជាក់ថា បុណ្យចូលឆ្នាំថ្មី ឆ្នាំថោះ ដែលជាប្រពៃណីរបស់ប្រជាជាតិខ្មែរ និងថៃ នឹងប្រារព្ធឡើងនៅថ្ងៃសុក្រ ទី១៤ ខែមេសា ឆ្នាំ២០២៣ ដែលទេពធីតា​​សង្ក្រាន្ត​ឆ្នាំនេះ មានព្រះនាមថា កិមិរាទេវី ។ ព្រះនាង កិមិរាទេវី សៀតផ្កា ចង្កុលនី គ្រឿងប្រដាប់បុស្សរាគម័ ភក្សាហារចេកណាំវ៉ា អាវុធស្តាំព្រះខ័ន ឆ្វេងពិណ និងមានពាហនៈក្របី ជាយានជំនិះ៕

ប្រែសម្រួល៖ សន្យា

ចុចអាន៖ ទស្សនិកជនរាប់លាននាក់សម្រុកគ្នាចូលមើល វីដេអូឃ្លីប Pinky ញ៉ាំខ្ទឹមក្រហម

ចុចអាន៖ Mai Davika ទម្លាយអារម្មណ៍ពិត ក្រោយឈ្នះពានរង្វាន់លំដាប់ពិភពលោកពីទឹកដីអាមេរិក