Mai Davika ទម្លាយអារម្មណ៍ពិត ក្រោយឈ្នះពានរង្វាន់លំដាប់ពិភពលោកពីទឹកដីអាមេរិក

តារាសម្ដែងស្រីថៃនិងបង្ហាញម៉ូដ Mai Davika ទើបតែចូលរួមពិធីប្រគល់ពានរង្វាន់ Huading Awards លើកទី៣៦ នៅទីក្រុង Los Angeles សហរដ្ឋអាមេរិក​ ខណៈពេលនេះនាងបានបញ្ចេញអារម្មណ៍​ពិត​លើក​ដំបូង​ក្នុងនាមជាអ្នកឈ្នះពាននាំមុខគេ។

Mai Davika​ បាន​បើក​ចំហ​ពី​អារម្មណ៍​ពិត​ដល់​អ្នក​សារព័ត៌មាន​ ក្រោយ​ឈ្នះ​ពានរង្វាន់តារា​សម្ដែង​នាំមុខ​គេក្នុងរឿងភាគទូរទស្សន៍ពិភពលោកល្អបំផុតពីរឿង “You are my Heartbeat” ដែលមានការចូលរួម​សម្ដែង​ដោយ​តារាប្រុស Push Puttichai។

តារាសម្ដែងរូបនេះ​បាននិយាយ​ថា “វា​ជា​ពាន​ដែល​ទាក់ទង​នឹង​ការ​សម្ដែង ពានរង្វាន់តារា​ស្រី​នាំមុខគេ​សម្រាប់រឿងភាគ​អាស៊ីក្នុងរឿង ​“You are my Heartbeat”។ ពានមួយនេះ គឺ​បាន​មក​ពី​អ្នក​គាំទ្រ​ដែល​បាន​បោះឆ្នោត​ឲ្យខ្ញុំ​ ខ្ញុំ​សប្បាយ​ចិត្ត​ជា​ខ្លាំង​។​ អរគុណ​អ្នក​គាំទ្រ​ទាំង​អស់​ទាំងអ្នកគាំទ្រថៃ និងអ្នកគាំទ្រ​អន្តរជាតិ​ដែលបានបោះឆ្នោត​ឲ្យ ព្រោះ​ខ្ញុំ​មិន​ធ្លាប់គិតថានឹងទទួល​បាន​ដូច​គ្នា។ ខ្ញុំនឹង​ព្យាយាម​បង្ហាញ​ខ្លួន​ជា​រៀង​រាល់​ថ្ងៃ ហើយ​នឹង​មិន​ឈប់​អភិវឌ្ឍ​​ខ្លួនឡើយ។ ខ្ញុំ​គិត​ថា​ថ្ងៃ​ណាមួយ​ខ្ញុំ​នឹង​អាច​ល្អ​ជាង​នេះ​​ហើយច្បាស់ជាគ្មានផ្លូវចាកចេញពីអាជីពនេះទេ។ ខ្ញុំ​រីក​រាយ​ណាស់​ដែល​បាន​រក​ឃើញ​អ្វី​ដែល​ខ្ញុំ​ស្រលាញ់​តាំង​ពី​តូច”។

យ៉ាងណាមិញ ក្រោយទទួលពានភ្លាម Mai បានបង្ហោះរូបភាពពីរសន្លឹក​បង្អួតសម្រស់ដ៏ស្រស់ស្អាតតាមរយៈបណ្ដាញសង្គម Instagram ផ្ទាល់ខ្លួនរបស់នាងរួមជាមួយនឹង​ខេបសិន​ដ៏​ទាក់ទាញចិត្ត​ទស្សនិកជន​ពីសំលៀកបំពាក់ដែលនាងជ្រើសយកទៅទឹកដីអាមេរិកភ្លាមៗឥតបង្អង់យូរឡើយ។

សូម​បញ្ជាក់​ដែរ​ថាពានរង្វាន់ Best Global TV Series Actress ដែលMai Davika កំពុងតែកាន់ក្នុងដៃ គឺបានមកពីការបោះឆ្នោតគាំទ្រពីទស្សនិកជនជុំវិញពិភពលោកនៅលើគេហទំព័រ Huading Awards៕

ប្រែសម្រួល៖ សាង ស្រីល័ក្ខ

ចុចអាន៖ទស្សនារូបភាពសិស្សសាលារបស់ Engfa កាលនាងមិនទាន់កែសម្ផស្ស

ចុចអាន៖ប្រឡូកសិល្បៈអស់រយៈពេល ៤៧ ឆ្នាំ រៀមច្បង Tai ទម្លាយថា មិនគិតចង់ក្លាយជាតារាទេ