Connect with us

ជីវិតកម្សាន្ដ

អតីតលំដាប់រងទី ២ ចន សុទីម៉ា ចូលប្រកួតដណ្ដើមមកុដ MUC 2023

បានផុស

នៅ

រូប​សម្រស់​ដ៏​ស្រស់ ស្រឡូន ធ្លាប់​ហែល​ឆ្លង​នូវ​បទ​ពិសោធ​ច្រើន ទាំង​ក្នុង​វិស័យ​ម៉ូដែល​យូរ​ឆ្នាំ និង​ប្រឡូក​ការ​ប្រកួត​បវរកញ្ញា​ក៏​ច្រើន​ដង ថ្មីៗ​នេះ​មាន​ដំណឹង​ចាប់​អារម្មណ៍​ថា កញ្ញា ចន សុទីម៉ា កំពុង​ត្រៀម​ខ្លួន​ចូល​មក​ប្រកួត​កម្មវិធី​បវរកញ្ញា​ចក្រវាល​កម្ពុជា​ឆ្នាំ ២០២៣ នេះ​ម្ដង​ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិត​ណាស់ ចន សុទីម៉ា ត្រូវ​គេ​ស្គាល់​ថា​ជា​អតីត​បវរកញ្ញា​លំដាប់​រង​ទី ២ ក្នុង​កា​ប្រកួត​សម្រស់​បវរកញ្ញា​ចក្រវាល​កម្ពុជា ២០១៩ (MUC 2023)។ បើ​និយាយ​ពី​សម្រស់​របស់​នាង​វិញ គឺ​មាន​មនុស្ស​ស្រី​មិន​តិច​នាក់​ទេ​ដែល​ច្រណែន​នឹង​សម្រស់ រូបរាង​ខ្ពស់ស្រឡះ ផ្ទៃមុខ​សិច​ស៊ី​បែបនេះ ធ្វើ​ឲ្យ​អ្នក​គាំទ្រ​លាន់មាត់​សរសើរ​គ្រប់គ្នា។

យ៉ាងណា​រឿង​ដែល​ធ្វើ​ឲ្យ​អ្នកគាំទ្រ​រំភើប និង​អបអរ​ពេលនេះ ក្រោយ​លេច​ព័ត៌មាន​ច្បាស់​ការ​ថា ស្រី​ស្អាត ចន សុទីម៉ា បាន​និង​កំពុង​ត្រៀមខ្លួន​ដើម្បី​ដណ្ដើម​មកុដ​ក្នុង​ការ​ប្រឡង​កម្មវិធី Miss Universe Cambodia 2023។ ជាក់ស្ដែង​នៅ​លើ​ផេក​ផ្លូវការ Miss Universe Cambodia 2023 ក៏បាន​បង្ហោះ​ដោយ​បញ្ជាក់​ថា សុទីម៉ា ជា​បេក្ខភាព​មួយ​រូប​ក្នុង​ការ​ប្រកួត​នេះ​ផង​ដែរ។

កញ្ញា ចន សុទីម៉ា មាន​អាយុ ២៣ ឆ្នាំ និង​មាន​កម្ពស់ ១,៨២ ម៉ែត្រ ហើយ​ក៏​ជា​អតីត​ជយលាភី​រង​ទី ២ (2nd Runner Up) នៃ​កម្មវិធី Miss Universe Camb odia 2019 ហើយ​ជា​ជយលាភី​រង​ទី ៤(4th Runne r Up) នៃ​កម្មវិធី​អន្តរជាតិ Miss Tourism International 2019 ធ្វើ​នៅ​ឯ​ប្រទេស​ម៉ាឡេស៊ី។

លើស​ពី​នេះ​ដែរ ស្រី​ស្អាត ចន សុទីម៉ា ក៏​ជា​ជយលាភី​កញ្ញាឯក​ប្រចាំ​ឆ្នាំ ២០១៩ និង ឆ្នាំ ២០២០ Miss Dreaming Girl of the year 2019-2020 ហើយ​ក៏​ធ្លាប់​ជា​កញ្ញាឯក​រង​ទី ២ (2nd Runner Up) នៃ​កម្មវិធី Miss Grand Cambodia 2017 ផង​ដែរ។ ដូច្នេះ​កញ្ញា ចន សុទីម៉ា ក្នុង​ការ​ចូល​មក​ប្រកួត Miss Universe Cambodia 2023 ម្ដង​ទៀត​នេះ គឺ​ពិតជា​សមសួន​ជា​ម្ចាស់​មកុដ​នេះ​ណាស់៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម