ជីវិតកម្សាន្ដ

សេង សុខឃីម ទម្លាយរូបថតអនុស្សាវរីយ៍ ១ឆ្នាំជាមួយ ចឺម អមខ្លឹមសារដ៏ចាក់ដោត

បានផុស

៣ years មុន

នៅ

ថ្ងៃព្រហស្បតិ៍ ១៣ កក្កដា ២០២៣

ដោយ

ក្រោយពីផ្តាច់ទំនាក់ទំនងស្នេហាជាមួយតារា ចម្រៀងសម្បូរស្នេហ៍ ដែលគេចាត់ទុកថា ជាព្រាននារី នាយ ចឺម នោះ គិតមកដល់ពេលនេះមានរយៈ ពេល ប្រមាណ ១ឆ្នាំមកហើយ។ ខណៈសុខៗស្រាប់តែអតីតសង្សារតារាប្រុសរូបនេះ អ្នកមេម៉ាយចាយសម្រស់ សេង សុខឃីម បានទម្លាយរូបថតរម្លឹកនូវអនុស្សាវរីយ៍ ថែមទាំងពោលមួយប្រយោគយ៉ាងចាក់ដោត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហាជនធ្លាប់នៅចាំបានថា កាលពីអំឡុងចុងឆ្នាំ២០២២ កន្លងទៅ អ្នកមេម៉ាយរូបស្រស់ អ្នកនាង សេង សុខឃីម បានទម្លាយរឿងជុំវិញការបែកបាក់ស្នេហាជាមួយអតីត សង្សារតារាចម្រៀងវ័យក្មេង នាយ ចឺម ដែលបង្កការភ្ញាក់ផ្អើលដល់អ្នកគាំទ្រ និងអ្នកប្រើប្រាស់បណ្ដាញសង្គម។

ក្រោយដំណឹង នៃការបែកបាក់នេះ គេឃើញថាអ្នកនាង សេង សុខឃីម តែងទម្លាយសារចេញពីចិត្តជាបន្តបន្ទាប់។

យ៉ាងណាមិញ រឿងរ៉ាវនេះត្រូវបានស្ងប់ស្ងាត់មួយរយៈពេល បន្ទាប់ពីការចែកផ្លូវដើរផ្សេងគ្នា ពេលនេះ ស្រាប់តែអតីតសង្សារនាយ ចឺម អ្នកនាង សេង សុខឃីម បានរម្លឹកដល់អតីតកាល និងអនុស្សាវរីយ៍ល្អៗជាច្រើនធ្លាប់សាងឡើងរួមគ្នាជាមួយនាយ ចឺម ។ ក្នុងនោះ អ្នកនាង សុខឃីម ក៏បានបញ្ជាក់ច្បាស់ជុំវិញទំនាក់ទំនងជាមួយនាយ ចឺម ដែលនៅសល់អំឡុងបច្ចុប្បន្ននេះ។

អ្នកមេម៉ាយចាយរាងរូបស្រស់ សេង សុខឃីម បានបញ្ចេញរូបភាពដោយភ្ជាប់ និងខ្លឹមសារខ្លីដូច្នេះថា «១ឆ្នាំ ហើយ គិតៗទៅពេលវេលាពិតជាដើរលឿនមែន ដូចកុហក»។

ជាមួយគ្នានេះ មានខ្លះបានសួរថានឹកគេមែន ? ត្រូវគ្នាវិញមែនបង? ។ ចំណែកខ្លះទៀត បាននិយាយថាចំណុចល្អយើងមានច្រើនតែគេឃើញចំណុចអាក្រក់យើងតូចមួយ។យើងមានអនុស្សាវរីយ៍មិនអាចភ្លេចបាន៕

អត្ថបទ៖ ចាន់រ៉ា