ជីវិតកម្សាន្ដ

អ្នកនាង ច័ន្ទ តារាទី ទម្លាយរូបភាពដ៏កម្រជាមួយលោក ទេព រិន្ទដារ៉ូ អ្នកគាំទ្រសរសើរគ្រប់គ្នា

បានផុស

៣ years មុន

នៅ

ថ្ងៃព្រហស្បតិ៍ ១៣ កក្កដា ២០២៣

ដោយ

លោក ទេព រិន្ទដារ៉ូ ដែលជាតារាសម្ដែងភាពយន្តជើងចាស់មួយរូបដ៏ល្បីឈ្មោះ និងមានភាពលេចធ្លោលើវិថីសិល្បៈ នាអំឡុងក្នុងទសវត្សរ៍ឆ្នាំ៨០ និង ៩០ រួមជំនាន់ជាមួយអ្នកនាង អម្ពរ ទេវី ដែលជាដៃគូរសម្ដែងដ៏ស័ក្ដិសមបំផុតនាសម័យនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទៀតសោត ក៏នៅមានតារាសម្ដែងប្រុស-ស្រី ល្បីៗមួយចំនួនទៀតរួមការងារសិល្បៈជាមួយលោកផងដែរ តួយ៉ាងដូចជាតារាស្រីអ្នកនាង ច័ន្ទ តារាទី និងនារីរ័ត្ន គន្ធា ជាដើម។

ជាមួយគ្នានោះ គិតរហូតមកទល់បច្ចុប្បន្ន សម្រាប់តារាសម្ដែងជើងចាស់លោក ទេព រិន្ទដារ៉ូ គឺបានប្រឡូកក្នុងវិស័យសិល្បៈមានរយៈពេលប្រមាណជា ៣០ មកឆ្នាំហើយ ខណៈប្រជាប្រិយភាព និងទីផ្សារសម្ដែងនៅតែរក្សាបានការគាំទ្រខ្ពស់មិនមានការចុះថមថយ។ លើសពីនេះទៀត លោក ទេព រិន្ទដារ៉ូ ក៏ជាតួអង្គប្រុសមួយរូបធ្លាប់រួមសម្ដែងភាពយន្តជាច្រើនជាមួយអ្នកនាង ច័ន្ទ តារាទី ផងដែរ ។

ទន្ទឹមនេះ រឿងដែលធ្វើឱ្យអ្នកគាំទ្រចាប់អារម្មណ៍ និងភ្ញាក់ផ្អើលពេលនេះ ស្រាប់តែសុខៗ តារាសម្ដែងរួមជំនាន់ គឺអ្នកនាង ច័ន្ទ តារាទី បានទម្លាយរូបភាពដ៏កម្រ ចាប់តាំងពីចូលប្រឡូកសិល្បៈជាមួយលោក ទេព រិន្ទដារ៉ូ តាមរយៈភាពសិទ្ធស្នាល។

ក្នុងនោះអ្នកនាង ច័ន្ធ តារាទី បានលើកឡើងថា អ្នកនាងមិនដែលបានឱបគ្នានៅក្រៅឆាកម្ដងណាទេ បន្ទាប់ពីការថតភាពយន្តចប់មួយរឿងៗជាមួយលោក ទេព រិន្ទដារ៉ូ ។

អ្នកនាង ច័ន្ធ តារាទី បានបង្ហោះរូបភាព ភ្ជាប់ខ្លឹមសារដូច្នេះថា «សុំឱបបង្អួតក្មេងៗបន្តិចចុះ កាលនៅពីក្មេងថតចប់ មិនដែលបានឱបគ្នាទេ ដល់ពេលអស់អារម្មណ៍ ទើបបានឱបគ្នាលេង»។

តាមរយៈខ្លឹមសារនេះ បានធ្វើឱ្យអ្នកគាំទ្រចាប់អារម្មណ៍ស្ទើរគ្រប់គ្នាដោយខ្លះសរសើរពីទំនាក់ទំនងរបស់តារាជើងចាស់ទាំងពីរដួងខាងលើ។ ចំណែកខ្លះទៀត បានបន្តលើកឡើងថា ពួកគាត់ទាំងពីរនៅតែមានសមត្ថភាពខ្លាំងក្នុងការសម្ដែងភាពយន្តនាពេលបច្ចុប្បន្ន។

សូមបញ្ជាក់ដែរថា លោក ទេព រិន្ទដារ៉ូ គឺជាតារាជើងចាស់មួយរូបដែលបានចូលប្រឡូកក្នុងវិស័យសិល្បៈផ្នែកសម្ដែងអស់រយៈពេល ៣ ទសវត្សរ៍ ជាងមកហើយ និងមានប្រជាប្រិយភាពមិនចេះរីងស្ងួតមកដល់សព្វថ្ងៃ។ លោកក៏តែងទទួលបានការគាំទ្រ និងសរសើរខ្លាំងចំពោះសមត្ថភាព និងភាពរោះរាយរាក់ទាក់អ្នកនៅជុំវិញខ្លួន៕

អត្ថបទ៖ ចាន់រ៉ា