តារា​ស្រី​ថៃ ៨​រូប​ ជាប់​ចំណាត់​ថ្នាក់​ជា​នារី​​ស្អាត​បំផុត​លើពិភពលោកនាចុង​ឆ្នាំ​២០២៣

កាលពីចុងឆ្នាំ២០២៣ តារាស្រីថៃ៨រូបបានស្ថិតក្នុងបញ្ជីស្រីស្អាតជាងគេលើពិភពលោក ដែលនេះបានធ្វើឲ្យកំណើនស្រីស្អាតក្នុងប្រទេសមួយនេះហាក់កើនឡើងជាងឆ្នាំមុន។

យោងតាម គេហទំព័រ The 100 Most Beautiful Faces of 2023 ដែលរៀបចំដោយ TC Candler ជារៀងរាល់ឆ្នាំមានតារាល្បីៗមកពីជុំវិញពិភពលោក តែងតែមានបញ្ជីនៅក្នុងបញ្ជីមុខស្អាត ខណៈដែលឆ្នាំ​នេះ​តារាថៃ ៨ នាក់ក៏ស្ថិត​ក្នុង​បញ្ជី​កំពូល​ទាំង ១០០ផងដែរ។

លេខ ៦ Luknang Sitala

តារាស្រីថៃជាប់ចំណាត់ថ្នាក់ខ្ពស់ជាងគេក្នុង The 100 Most Beautiful Faces of 2023 ក្នុងលេខ ៦ គឺ Looknang Sitala Wongkrajang ដែលជាកូនស្រីសំណព្វចិត្តរបស់ Tua Saranyu ជាមនុស្សមានទេពកោសល្យបំផុតនៅក្នុងឧស្សាហកម្មកម្សាន្តថៃ។

លេខ ១៤ Lisa សមាជិកក្រុម BLACKPINK

កាលពីឆ្នាំមុន Lisa ត្រូវបានដាក់ក្នុងបញ្ជីតារាស្រីដែលមានមុខមាត់ស្អាតជាងគេលើពិភពលោក ជាប់ចំណាត់ថ្នាក់ទី ១៤ ហើយក៏មិនមែនជារឿងចម្លែកនោះទេ ដែលនាងជាប់ចំណាត់ថ្នាក់កំពូលក្នុងបញ្ជីនេះជារៀងរាល់ឆ្នាំ។ ចំពោះ Lisa នាង​បាន​ឡើង​កេរ្តិ៍ឈ្មោះ​បន្ទាប់​ពី​បង្ហាញ​ខ្លួន​ជាមួយ​ក្រុម BLACKPINK ក្នុង​ឆ្នាំ ២០១៦ ក្រោម​ផលិតកម្ម YG Entertainment។ បច្ចុប្បន្ន Lisa ត្រូវ​បាន​គេ​ចាត់​ទុក​ថា​ជា​តារា​ដែល​មាន​ឥទ្ធិពល​បំផុត​ក្នុង​ពិភពលោក មានអ្នក Follow ច្រើនជាង ១០០លាននាក់នៅលើ IG ចំណាត់ថ្នាក់លេខ៣០ chonnasorn sajakul ឬ sorn

Sorn​ អតីតសមាជិកក្រុម CLC Chonlasorn តារាស្រីថៃម្នាក់ទៀតស្ថិតក្នុងបញ្ជី The 100 Most Beautiful Faces of 2023។ នាងទទួលបានភាពល្បីល្បាញ បន្ទាប់ពីបានចូលរួមក្នុងកម្មវិធីប្រលងចម្រៀង K-Pop Star Hunt Season 1 ក្នុងឆ្នាំ ២០១១ មុនពេលបង្ហាញខ្លួនជាលើកដំបូងនៅក្រោម CUBE Entertainment ជា​អ្នក​ចម្រៀង​សំខាន់​របស់ក្រុម CLC ។

លេខ ៥០ Minnie ក្រុម (G) I-DLE

ចំណែកលេខ ៥០ បានទៅតារាស្រីដែលមានសំឡេងក្រុម Minnie (G)I-DLE ឬ Minnie Nicha Yoontrarak ដែលបានបង្ហាញខ្លួនជាលើកដំបូងក្នុងក្រុម (G)I-DLE នៅកូរ៉េខាងត្បូងក្រោមផលិតកម្ម CUBE Entertainment Minnie ត្រូវបានគេចាត់ទុកថាជាតារាដែលមានអ្នកគាំទ្រទូទាំងពិភពលោក។ ក្រៅពីរូបសម្រស់ដ៏ស្រស់ស្អាត និងគួរឲ្យស្រលាញ់របស់នាង អ្នកគាំទ្រក៏លង់ស្នេហ៍នឹងទឹកដមសម្លេងដ៏ពិសេសរបស់នាងផងដែរ។

លេខ៥៤ Rebecca Patricia Armstrong

Rebecca Patricia Armstrong ឬ Becky តារា​សម្ដែង​កូន​កាត់​ថៃ-អង់គ្លេស ក៏​ត្រូវ​បាន​គេ​បញ្ចូល​ក្នុង​បញ្ជី​មុខ​មាត់​ស្អាត​បំផុត​ទាំង ១០០ ឆ្នាំ ២០២៣ កាល​ពី​ឆ្នាំ​មុន។ Becky ត្រូវ​បាន​គេ​ចុះ​ក្នុង​បញ្ជី​ជា​មុខ​មាត់​ស្អាត​បំផុត​ទី ៥៤ ក្នុង​លោក។ ឆ្នាំ២០២៣ គឺជាឆ្នាំមាសរបស់ Becky​ ព្រោះ​ក្រៅពី​មាន​សម្រស់​ស្រស់​ស្អាត​ធ្វើ​ឲ្យមហាជន​ចាប់អារម្មណ៍ ការងាររបស់នាងនៅក្នុងស៊េរីរឿង Pink Theory (Gap The Series) ក៏ល្បីល្បាញទូទាំងពិភពលោកផងដែរ។

លេខ៧៧ Violette Wautier

តារា​ចម្រៀងដែល​មាន​ទឹក​ដម​សំឡេង​ល្អ​​​ Violette Wautier​ ក៏ស្ថិត​ក្នុង​បញ្ជី​មុខ​មាត់​ស្អាត​ប្រចាំ​ឆ្នាំ ២០២៣ នាងជាកូនកាត់​ថៃ-បែលហ្សិក ដែលអ្នកគាំទ្ររ​ពេញ​ចិត្ត​ខ្លាំង​ណាស់ ព្រោះ​មាន​អ្នក​បោះឆ្នោត​ច្រើន​ដូច​គ្នា។ Girl V ស្អាត​ប្លែក​ខ្លាំង​។

លេខ៨០ Engfa Waraha

សម្រាប់ចំណាត់ថ្នាក់លេខ៨០ ក្នុងបញ្ជីនារីដែលមានមុខស្អាតជាងគេលើពិភពលោកឆ្នាំ២០២៣ នោះគឺជារបស់បវកញ្ញា Engfa Waraha ម្ចាស់មកុដក្នុងកម្មវិធី Miss Grand Thailand 2022 និងជាលំដាប់រងក្នុងកម្មវិធី Miss Grand International 2022។

ចំណាត់ថ្នាក់លេខ៩៨ Sarocha Chankimha

បញ្ចប់​ដោយ​ចំណាត់​ថ្នាក់​លេខ៩៨ ដែល​បាន​ទៅ​លើ Sarocha Chankimha ក្រោយសម្ដែងជាគូស្នេហ៍ស្រលាញើ់ភេទដូចគ្នាក្នុងរឿង Gap The Series នោះអាចចាត់ទុកថាជារលកថ្មីនៃឧស្សាហកម្មកម្សាន្តថៃដែលនាងទទួលបាន​អ្នក​គាំទ្រ​ជា​ច្រើន​ដែល​ស្រឡាញ់​និង​គោរព។

យ៉ាងណាមិញ សម្រាប់ជយលាភីលេខ១ ក្នុងបញ្ជី The 100 Most Beautiful Faces of 2023 បានទៅ Nancy Jewel Mcdonie ឬ Nancy សមាជិក Momoland មកពីកូរ៉េខាងត្បូង៕

អត្ថបទ៖ សាង ស្រីល័ក្ខ

ចុចអាន៖សម្រស់ Aum កាល១១ឆ្នាំំមុន ទស្សនិកជនសរសើរថាមិនប្រែប្រួលសូម្បីតែបន្តិច