ជីវិតកម្សាន្ដ

លោក សុះ ម៉ាច រម្លឹកនឹកអនុស្សាវរីយ៍ធ្លាប់អញ្ជើញបវរកញ្ញាចក្រវាល ៥ ប្រទេស មកទស្សនកិច្ចនៅកម្ពុជា

បានផុស

២ years មុន

នៅ

ថ្ងៃអង្គារ ២ កក្កដា ២០២៤

ដោយ

តារាចម្រៀង និងជាអតីតប្រធានសមាគមសិល្បករខ្មែរ ២ អណត្តិ លោក សុះ ម៉ាច បានរម្លឹកអនុស្សាវរីយ៍មុនចប់អាណត្តិជាប្រធានសមាគមសិល្បករខ្មែរគឺ លោកធ្លាប់អញ្ជើញបវរកញ្ញាចក្រវាល ៥ ប្រទេសមកទស្សនកិច្ចនៅប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុះ ម៉ាច បានរៀបរាប់ភ្ជាប់រូបភាពថា នឹកអនុស្សាវរីយ៍មុនចប់អាណត្តិប្រធានសមាគមសិល្បករខ្មែរ។ លោកជាមួយក្រុមប្រឹក្សាភិបាលរួមទាំងសមាជិកបានសហការជាមួយបងប្អូនខ្មែរនៅសហរដ្ឋអាមេរិកក្រៅពីផ្តល់ឱកាសឲ្យអ្នកសិល្បៈបានចេញទៅសម្ដែងឯក្រៅប្រទេសលោកក៏បានអញ្ជើញបវរកញ្ញាចក្រវាល ៥ប្រទេស មកទស្សនកិច្ចស្រុកយើង ព្រមទាំងរៀបចំការប្រគុំតន្ត្រីសប្បុរសធម៌ជួយដល់មន្ទីរពេទ្យ ២ផងដែរ។

លោកបញ្ជាក់ថា «ទោះបីសមាគមសិល្បៈជំនាន់ខ្ញុំពុំមានការឧបត្ថម្ភធំធេងគគ្រឹកគគ្រេងដូចអាណត្តិក្រោយៗ ក៏ខ្ញុំ និងក្រុមប្រឹក្សាភិបាលក៏ដូចជាសមាជិកទាំងអស់ពុះពារដឹកនាំសមាគមជួនកាលចំណាយថវិកាផ្ទាល់ខ្លួន និងថវិការដែលបានពីការជួយឧបត្ថម្ភគ្រប់ទិសទី គ្រប់ស្រទាប់វណ្ណៈទាំងក្នុង និងក្រៅប្រទេសតិចច្រើនទៅតាមសទ្ធាសន្តានចិត្តរបស់ពួកគាត់ជួយដល់អ្នកសិល្បៈចាស់ថ្មីពេលមានទុក្ខលំបាកឈឺថ្កាត់គ្រប់ពេលវេលាមិនឲ្យអ្នកសិល្បៈណាឯកោឡើយ»។

លោក សុះ ម៉ាចបាននិយាយបន្ថែមថា លោកសូមចងចាំ ដឹងគុណ និងសូមអរគុណក្រុមប្រឹក្សាភិបាលទាំង ១១រូប រួមទាំងសមាជិក និងក្រុមហ៊ុនសប្បាយៗជាពិសេសអាណាចក្រតារាដែលបានសហការបង្កើតកម្មវិធីកម្រាលព្រំក្រហមផ្តល់ពានរង្វាន់ដល់អ្នកសិល្បៈកវីនិពន្ធព្រមទាំងផ្តល់នូវថវិកាជួយសមាគមទៀតផង។

តារាចម្រៀងជើងចាស់ដ៏មានប្រជាប្រិយភាព និងល្បីល្បាញលោក សុះ ម៉ាច បាននិយាយទៀតដែរថា លោកក៏សូមអរគុណផងដែរចំពោះសប្បុរសជនទាំងឡាយដែលបានជួយជ្រោមជ្រែងលោកដឹកនាំសមាគមទាំង ២ អាណត្តិបានចប់ចុង ចប់ដើម៕

អត្ថបទ៖ ចាន់រ៉ា