លោក សុះ ម៉ាច ចែករំលែកគន្លឹះនិងលំហាត់ដង្ហើមក្នុងការច្រៀង ដើម្បីមានសំឡេងល្អ

តារាចម្រៀងជើងចាស់លោក សុះ ម៉ាច បានចេញមកចែកបូវបទពិសោធខ្លះៗ ជុំវិញនៃការប្រើសំឡេងច្រៀង ដើម្បីបានពិរោះ។ ជាក់ស្តែងលោក សុះ ម៉ាច ក៏ជាគ្រូបង្រៀនផ្នែកបង្ហាត់សិស្សផងដែរ។

លោក សុះ ម៉ាច បានរៀបរាប់ខ្លឹមសារថា “តាមការសង្កេតរបស់ខ្ញុំបងប្អូនអ្នកចម្រៀងយើងខ្លះដង្ហើមខ្លីធ្វើឱ្យការច្រៀងរបស់គាត់មិនសូវរលូនកញ្ឆិកញ្ឆក់។ ឯបងប្អូនយើងខ្លះដង្ហើមវែងដែរ តែមិនបានកំណត់ពាក្យប៉ុន្មាន ដែលម្ចាស់ដើមគាត់ច្រៀងប្រើមួយដង្ហើម។ បើគិតស្វែងយល់ហើយកែសម្រួលនោះនឹងល្អមិនខាន។”។

លោក សុះ ម៉ាច បន្តថា បើចង់បានដង្ហើមវែង ត្រូវហាត់កីឡានិងហាត់បឺតខ្យល់ផ្ទុកក្នុងសួត ឱ្យយូររួចហើយបិទមាត់បញ្ចេញខ្យល់ទៅវិញតាមធ្មេញធ្វើមួយថ្ងៃ ៧ដងព្រឹកល្ងាចនោះដង្ហើមនិងវែងមិនខាន។ តួយ៉ាង នេះជាបទពិសោធនដែលោកបានហាត់និងបង្រៀនសិស្សផងដែរ។

គួរបញ្ជាក់ថា លោក សុះ ម៉ាច កន្លងមកគឺជាអតតីតប្រធានសមាគមសិល្បករខ្មែរ២អាណត្តិ និងជាតារាចម្រៀងជើងចាស់ដ៏មានប្រជាប្រិយភាពរហូតមកដល់ពេលបច្ចុប្បន្ន។ លោក សុះ ម៉ាច បានជាប់ឈាមជ័រជាអ្នកសិល្ប:ព្រោះលោកគឺត្រូវជាកូនប្រុសបង្កើតរបស់លោក តា សុះម៉ាត់ តារាចម្រៀងល្បីនិងសម្បូរស្នេហ៍​ក្នុងទសវត្សរ៍ឆ្នាំ៦០-៧០៕ អត្ថបទ៖ ចាន់រ៉ា