ឧកញ៉ា ខេមរ: សិរីមន្ត គ្រោងផលិតគ្រាប់ស្វាយចន្ទី លក់លើទីផ្សារ ដើម្បីចូលរួមបំផុសការគាំទ្រផលិតផលខ្មែរ

កំពូលតារាចម្រៀងងារជាឧកញ៉ា ខេមរ: សិរីមន្ត ប្រកាសជាសាធារណៈថា ខ្លួនគ្រោងនឹងផលិតគ្រាប់ស្វាយចន្ទីលក់នៅលើទីផ្សារ ឆាប់ៗនេះ ដើម្បីគាំទ្រផលិតផលខ្មែរ និងបំផុសឱ្យមហាជនចូលរួមគាំទ្រផលិតខ្មែរ ឱ្យកាន់តែច្រើន។

ក្នុងគោលបំណងនេះដែរ លោក ខេមរ: សិរីមន្ត ក៏បានធ្វើការអំពាវនាវដល់មហាជន និងអ្នកគាំទ្រ ពិសេសប្រជាពលរដ្ឋខ្មែរទាំងអស់ ត្រូវរួមគ្នាថែរក្សានិងគាំទ្រផលិតផលក្នុងស្រុក ដែលជាអត្តសញ្ញាណជាតិខ្មែរ បង្កើតឡើងដោយស្នាដៃកូនខ្មែរ។ នេះជាការបង្ហាញនូវឆន្ទៈ ក្នុងការលើកកម្ពស់ផលិតផលខ្មែរ ក៏ដូចជាចូលរួមការលើកទឹកចិត្តចំពោះប្រជាពលរដ្ឋខ្មែរដែលជាអ្នកផលិត និងកសិករផងដែរ។ លោកបន្ថែមថា កសិកម្មផលិតផលខ្មែរ ដើម្បីសេចក្តីសុខសុវត្ថិភាពប្រជាជន។

តាមរយ:ស្មារតីនេះដែរ ត្រូវអ្នកគាំទ្រជាច្រើន សម្តែងការឃើញដូចគ្នាថា ជារឿងដ៏ល្អខ្លាំងណាស់សម្រាប់កសិករ និងកសិផលខ្មែរ ដែលពលរដ្ឋខ្មែរគ្រប់រូប គួរតែនាំគ្នាគាំទ្រស្នាដៃរបស់ខ្មែរ ដើម្បីលើកទឹកចិត្តដល់អ្នកផលិតនឹងប្រជាកសិករ។

គួរបញ្ជាក់ថា ក្នុងរយ:ពេលប៉ុន្មានឆ្នាំចុងក្រោយនេះអា ជីវកម្មដែលមានស្លាកយីហោជាសមិទ្ធិផលសាង​ដោ យ​ស្នាដៃ​កូនខ្មែរ​ផ្ទាល់​មានការ​កើន​ឡើង​ជាលំដាប់​ និង​ទទួល​បានការ​គាំទ្រ​ពី​ប្រជាជន​ខ្មែរ​មិនចាញ់​ផលិតផល​បរទេស​។​ ប្រាកដណាស់ការគាំទ្រផលិតផលក្នុងស្រុកគឺបានជួយដល់ការលើកស្ទួយអត្តសញ្ញាណជា តិលើកមុខមាត់ស្នាដៃរបស់ខ្មែរលើកតម្កើងតម្លៃផលិតផលក្នុងស្រុកនិងជួយបង្កើនឱកាសការងារដល់ប្រជាជនក្នុងទៀតផង៕

អត្ថបទ៖ ចាន់រ៉ា