ជីវិតកម្សាន្ដ

វីជេ អាឡាស្កូ ប្រាប់គន្លឹះ ៩ ចំណុច ដើម្បីធ្វើឲ្យខ្លួនឯងមានឥទ្ធិពល និងអំណាច

បានផុស

១ year មុន

នៅ

ថ្ងៃព្រហស្បតិ៍ ៣០ មករា ២០២៥

ដោយ

ពិធីករស្រស់សង្ហា និងជាទីប្រឹក្សាភិបាលសហព័ន្ធកីឡារាំកម្ពុជា វីជេ អាឡាស្កូ បានចែករំលែកនូវបទពិសោធ និងគន្លឹះ ៩ ចំណុច ដើម្បីធ្វើឲ្យខ្លួនឯងមានឥទ្ធិពល និងមានអំណាច ខណៈកន្លងមកតារាប្រុសរូបនេះ តែងបំផុសនូវគំនិតល្អៗ ដល់អ្នកគាំទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះចំណុចទាំង ៩ ដែលត្រូវបាន វីជេ អាឡាស្កូ លើកមកនិយាយដើម្បីធ្វើឲ្យខ្លួនឯងមានឥទ្ធិពល និងមានអំណាចនោះរួមមាន ៖ ១.សុខចិត្តឲ្យសត្រូវរបស់អ្នកមើលងាយមើលស្រាលអ្នក តែត្រូវប្រយ័ត្នប្រយែងពេលអ្នកណាម្នាក់សរសើរអ្នក។ ២.កុំសូវបង្ហាញភាពឆ្លាតវៃ និងភាពខ្លាំងរបស់អ្នកពេក ធ្វើដូចជាអត់ដឹងអត់ចេះអីទាំងអស់ តែអង្កេត និងធ្វើសកម្មភាពយ៉ាងឈ្លាសវៃ។ ៣.និយាយតិចតាមដែលអាចធ្វើទៅបាន និយាយតែចាំបាច់និយាយបានហើយ រឿងខ្លះអ្នកត្រូវនិយាយ តែមិនគួរនិយាយនោះទេ។ ៤.យកឈ្នះតាមរយៈការធ្វើសកម្មភាព មិនមែនដោយជម្លោះនោះទេ។ ៥.កុំប្រាប់អ្នកណាទាំងអស់អំពីអ្វីដែលអ្នកកំពុងធ្វើ អ្វីដែលអ្នកកំពុងគិត។ ៦.ធ្វើអ្វីក៏ដោយ ត្រូវមានផែនការច្បាស់លាស់ តាំងពីចាប់ផ្ដើមដល់ទីបញ្ចប់។ ៧.បើអ្នកចង់ឲ្យអ្នកណាម្នាក់គោរពអ្នកស្ថិតក្រោមឥទ្ធិពលរបស់អ្នកត្រូវធ្វើឲ្យពួកគេពឹងផ្អែកលើអ្នក។ ៨.កុំទម្លាក់តម្លៃខ្លួនឯងគ្រាន់តែចង់បានការរាប់អានពីអ្នកណាម្នាក់ ជាពិសេសទំនាក់ទំនងដែលគ្មានគុណភាព។ ៩.កុំផ្ដល់ការជឿជាក់លើមិត្តភ័ក្ដិរបស់អ្នកពេក ជាពិសេសមិនត្រូវបង្ហាញចំណុចខ្សោយ ឬ អាថ៌កំបាំងរបស់អ្នកនោះទេ ព្រោះមិត្តភ័ក្ដិរបស់អ្នកមិនមែនមានតែមិត្តល្អតែម្នាក់នោះទេ ព្រោះសត្រូវងាយស្រួលវាយប្រហារនោះទេ តែមិត្តក្លែងក្លាយពិបាកទប់ទល់ណាស់។

ពិធីករ និងជាអតីតពលករនៅកូរ៉េ Vj. ALas koo កន្លងមកក៏បានលើកឡើងពីសារៈសំខាន់សម្រាប់ដាស់តឿនដល់អ្នកសិល្បៈ និងពិធីករ-ពិធីការិនីថា សុជីវធម៌ជារឿងដ៏សំខាន់បំផុតដែលជាគំរូល្អដល់សង្គម និងក្មេងៗ ជំនាន់ក្រោយ។ លើសពីនេះ លោកបានបំផុសផងដែរដល់សិល្បកររៀមច្បងក្នុងការជួយចែករំលែកចំណេះដឹងសិល្បៈដល់ប្អូនៗ ក៏ដូចជាយុវជនជំនាន់ក្រោយ៕

អត្ថបទ ៖ ចាន់រ៉ា