ជីវិតកម្សាន្ដ

តួប្រុសកូរ៉េក្នុងរឿង «Reply 1988»ដ៏ល្បី បង្ហាញមុខជាថ្មី ក្នុងសភាពស្លេកស្លាំង ផ្ទុះការវែកញែក

បានផុស

១ year មុន

នៅ

ថ្ងៃសុក្រ ១៨ មេសា ២០២៥

ដោយ

ការបង្ហាញខ្លួនរបស់តារាសម្តែងដ៏ល្បីល្បាញរបស់កូរ៉េខាងត្បូង លោក Go Kyung Pyo កាលពីថ្ងៃទី១៧ខែមេសា បានក្លាយជាប្រធានបទដ៏ក្តៅគគុក ដែលបង្កឲ្យមានការភ្ញាក់ផ្អើលនៅលើបណ្តាញសង្គមកូរ៉េ ទាក់ទិននឹងរូបសម្រស់របស់តារាប្រុសរូបនេះដែលប្រែប្រួលទៅជាស្លេកស្លាំងខ្លាំង មើលសឹងមិនស្គាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីគេហទំព័រ Mydaily បានរាយការណ៍ថា តួប្រុសក្នុងរឿង «Reply 1988» ទើបតែបានចែករំលែករូបភាព Selfie ក្នុងរថយន្តផ្ទាល់ខ្លួនរបស់លោក នៅលើគណនីបណ្តាញសង្គម Instagram ផ្ទាល់ខ្លួន។ នៅពីមុខកាមេរ៉ា បុរសសង្ហាញញឹមស្រស់រូបនេះ មើលទៅហាក់ដូចជាមានសភាពស្លេកស្លាំង ដែលមិនអាចសម្គាល់បានថា ជារូបគាត់ ជាពិសេសទឹកមុខខុសប្លែកពីរូបភាពធម្មតា។

នៅបណ្តាញសង្គមវិញ អ្នកគាំទ្របានសម្តែងក្តីបារម្ភនៅពេលឃើញវត្តមានរបស់ លោក Go Kyung Pyo មិនដូចពីមុន ដោយអ្នកខ្លះបានចោទជាសំណួរថា តើតារារូបនេះស្រកទម្ងន់ម្តងទៀតឬយ៉ាម៉េច? ហេតុអ្វីបានជាទឹកមុខគាត់មើលទៅហត់ម្លេះ? អ្នកផ្សេងទៀតថែមទាំងសំនូមពរឲ្យលោកយកចិត្តទុកដាក់ចំពោះសុខភាពឲ្យមែនទែន។ ក្រៅពីនេះ ក៏មានមតិថា តារាកូរ៉េរូបនេះកំពុងតែសម្រកទំងន់ ដើម្បីត្រៀមគម្រោងថ្មីតែប៉ុណ្ណោះ។

លោក Go Kyung Pyo កើតនៅឆ្នាំ១៩៩០ និងបានហក់ចូលប្រឡូកក្នុងវិស័យកម្សាន្តជាផ្លូវការនៅពេលមានអាយុ ២០ឆ្នាំ។ គាត់ចាប់ផ្តើមទទួលបានការចាប់អារម្មណ៍នៅក្នុងប្រទេសកូរ៉េ នៅពេលដែលបានបង្ហាញខ្លួននៅក្នុងកម្មវិធីទូរទស្សន៍ដ៏ពេញនិយម SNL Korea កំឡុងឆ្នាំ២០១១ដល ដល់ ២០១២។

ដំណក្រោយមកទៀត នៅឆ្នាំ ២០១៦ កេរ្តិ៍ឈ្មោះរបស់តារាសម្ដែងប្រុសរូបសង្ហា ស្រាបតែសាយភាយហួសព្រំដែននៃប្រទេសកូរ៉េ ដោយសារភាពជោគជ័យខ្លាំងនៃរឿងទូរទស្សន៍ «Reply 1988»។ មិនតែប៉ុណ្ណោះ នៅក្នុងរយៈពេលប៉ុន្មានឆ្នាំចុងក្រោយ លោក Go Kyung Pyo បានបន្តបញ្ចេញពន្លឺនៃភាពល្បីល្បាញកាន់តែត្រចះត្រចង់ក្នុងនាមជាតារាជួរមុខនៅក្នុងពិភពសិល្បៈ ជាមួយនឹងខ្សែភាពយន្តបែបកំប្លែង ក្រោមចំណងជើងថា «6/45»៕