ព័ត៌មានអន្ដរជាតិ
លោកត្រាំ ចេញបញ្ជាឲ្យឡោមព័ទ្ធផ្លូវទឹក រារាំងនាវាដឹកប្រេងរបស់វ៉េណេស៊ុយអេឡា
ប្រធានាធិបតីអាមេរិក លោក ដូណាល់ ត្រាំ បានប្រកាសកាលពីថ្ងៃអង្គារទី១៦ខែធ្នូឆ្នាំ២០២៥ថា លោកបានបញ្ជាឲ្យមានការបិទផ្លូវនាវាដឹកប្រេងទាំងអស់ដែលត្រូវបាន«ដាក់ទណ្ឌកម្ម» ចេញចូលប្រទេសវ៉េណេស៊ុយអេឡា។ សកម្មភាពនេះធ្វើឲ្យមានការកើនឡើងនូវសម្ពាធលើប្រធានាធិបតី លោក នីកូឡាស់ ម៉ាឌូរ៉ូ និងធ្វើឲ្យវិបត្តិសេដ្ឋកិច្ចកាន់តែយ៉ាប់យ៉ឺនខ្លាំងលើប្រទេសអាមេរិកខាងត្បូងមួយនេះ។
យោងតាម France24 សេចក្តីប្រកាសនេះ បានកើតឡើងបន្ទាប់ពីមានការរឹបអូសនាវាដឹកប្រេងមួយគ្រឿងកាលពីសប្តាហ៍មុននៅឯឆ្នេរសមុទ្រវ៉េណេស៊ុយអេឡា និងការកសាងកម្លាំងយោធាអាមេរិកកាន់តែធំនៅក្នុងតំបន់។ នៅក្នុងសារបង្ហោះតាមបណ្តាញសង្គម លោកត្រាំ បានចោទប្រកាន់វ៉េណេស៊ុយអេឡាថា បានប្រើប្រាស់ចំណូលប្រេងដើម្បីផ្តល់មូលនិធិដល់ការជួញដូរគ្រឿងញៀន និងឧក្រិដ្ឋកម្មផ្សេងទៀត ដោយបានសន្យាថានឹងពង្រីកប្រតិបត្តិការយោធាអាមេរិក រហូតទាល់តែរដ្ឋាភិបាលទីក្រុងការ៉ាកាសប្តូរទិសដៅ។
រដ្ឋាភិបាលវ៉េណេស៊ុយអេឡាមិនបានឆ្លើយតបភ្លាមៗនោះទេ ទោះបីជាលោកម៉ាឌូរ៉ូ ធ្លាប់បាននិយាយពីមុនមកថា ប្រទេសនេះនឹងទប់ទល់សម្ពាធពីអាមេរិក និងថ្កោលទោសចំពោះអ្វីដែលលោកបានពណ៌នាថាជាទង្វើ«ប្លន់»ប្រឆាំងនឹងការដឹកជញ្ជូនប្រេងរបស់ខ្លួន។
មន្ត្រីអាមេរិកបានការពារយុទ្ធនាការនេះថា ជាផ្នែកមួយនៃកិច្ចខិតខំប្រឹងប្រែងដើម្បីទប់ស្កាត់ការជួញដូរគ្រឿងញៀន ប៉ុន្តែអ្នករិះគន់នៅក្នុងសភាអាមេរិកបានចោទសួរអំពីភាពស្របច្បាប់ និងវិសាលភាពរបស់វា។ ប្រទេសវ៉េណេស៊ុយអេឡា ដែលមានទុនបម្រុងប្រេងធំបំផុតរបស់ពិភពលោក បានពឹងផ្អែកលើការនាំចេញប្រេងបញ្ចុះតម្លៃ ជាចម្បងទៅកាន់ប្រទេសចិន ដើម្បីរស់រានពីទណ្ឌកម្មអាមេរិកជាច្រើនឆ្នាំមកនេះ៕
ប្រែសម្រួល៖ ឈាង
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៤ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»