ព័ត៌មានអន្ដរជាតិ

ប្រទេស-ដែនដី១១០ត្រូវបានអាមេរិកចាប់ផ្តើមបន្ធូរក្នុងការធ្វើដំណើរហើយ

បានផុស

៥ years មុន

នៅ

ថ្ងៃពុធ ៩ មិថុនា ២០២១

ដោយ

មជ្ឈមណ្ឌលគ្រប់គ្រង និងការពារជំងឺឆ្លងសហរដ្ឋអាមេរិក (CDC) បានចេញអនុសាសន៍ពីការបន្ធូរបន្ថយធ្វើដំណើរដល់ប្រទេស និងដែនដីជាង១១០ជុំវិញពិភពលោក។

ការវាយតម្លៃថ្មីលើករណីកូវីដ-១៩របស់ CDC ដែលបានចេញផ្សាយនៅលើវេបសាយរបស់ខ្លួននៅថ្ងៃអង្គារ៍ ទី៨ ខែមិថុនា មានប្រទេសចំនួន៦១បានធ្លាក់ដល់កម្រិតទាបពីកម្រិតខ្ពស់របស់ខ្លួន “កម្រិត៤”ដែលបានលើកទឹកចិត្តឲ្យមានការធ្វើដំណើរទាំងអស់សម្រាប់អ្នកដែលបានចាក់វ៉ាក់សាំងរួចរាល់។

ស្ត្រីអ្នកនាំពាក្យបាននិយាយថា ប្រទេស និងដែនដីចំនួន៥០បន្ថែមទៀតត្រូវបានទម្លាក់មកនៅត្រឹម«កម្រិត២ ឬកម្រិត១»។ បណ្តាប្រទេសដែលមានចំណាត់ថ្នាក់ហានិភ័យឆ្លងកូវីដ-១៩ទាបឥឡូវមានប្រទេសសិង្ហបុរី អ៉ីស្រាអែល កូរ៉េខាងត្បូង អ៉ីស្លង់ បេលីលី និងអាល់បានី។

ក្នុងចំណោមប្រទេសដែលឥឡូវនេះស្ថិតនៅក្នុងបញ្ជី«កម្រិត៣»មាន បារាំង អេក្វាទ័រ ហ្វីលីពីន អាហ្វ្រិកខាងត្បូង កាណាដា ម៉ិកស៊ិក រុស្ស៊ី អេស្ប៉ាញ ស្វិស តួកគី អ៊ុយក្រែន ហុងឌុយរ៉ាស ហុងគ្រី និងអ៉ីតាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការបរទេសអាមេរិកបាននិយាយថា ខ្លួនបានកែប្រែអនុសាសន៍ថ្មីដើម្បីឆ្លុះបញ្ចាំងពីបច្ចុប្បន្នភាពវិធីសាស្ត្រថ្មីៗ ប៉ុន្តែបានកត់សំគាល់ថា មិនមែនការវាយតម្លៃទាំងអស់ត្រូវបានកែប្រែនោះទេ ដោយសារតែកត្តាដទៃទៀតរាប់ទាំងការអាចរកបានជើងហោះហើរពាណិជ្ជកម្ម ការរឹតត្បិតចំពោះការចូលពលរដ្ឋអាមេរិក និងឧបសគ្គដើម្បីទទួលលទ្ធផលធ្វើតេស្តក្នុងរយៈពេល៣ថ្ងៃ។

ក្រសួងការបរទេសអាមេរិកបានបន្ធូរបន្ថយការវាយតម្លៃរបស់ខ្លួនដល់ប្រទេស និងដែនដីចំនួន៨៥ក្នុងនោះរាប់បញ្ចូលទាំងជប៉ុនផង។

កាលពីថ្ងៃទី២៤ ខែឧសភា ក្រសួងការបរទេសអាមេរិកបានជំរុញឲ្យដាក់កម្រិតប្រឆាំងនឹងការធ្វើដំណើរទៅប្រទេសជប៉ុនដោយសំអាងលើការផ្ទុះថ្មីនៃកូវីដ-១៩មុនពេលប្រទេសនេះបើកព្រឹត្តិការណ៍កីឡាអូឡាំពិករដូវក្តៅនៅថ្ងៃទី២៣ ខែកក្កដា។

ក្រសួងការបរទេសអាមេរិកបានព្រមានពីកង្វល់កើនឡើង និងជំរុញឲ្យសេតវិមានបញ្ជាក់ជាថ្មីចំពោះការគាំទ្ររបស់ខ្លួនសម្រាប់ផែនការរបស់រដ្ឋាភិបាលទីក្រុងតូក្យូដើម្បីរៀបចំព្រឹត្តិការណ៍កីឡារដូវក្តៅនេះ និងសម្រាប់អត្តពលិកអាមេរិកដែលត្រូវចូលរួមប្រកួតនៅទីនោះ បើទោះជាករណីឆ្លងថ្មីកើនឡើង និងការចាក់វ៉ាក់សាំងនៅប្រទេសម្ចាស់ផ្ទះនៅកម្រិតទាប៕

ប្រែសម្រួល៖ វីរបុត្រ
ប្រភព៖ Reuters