ព័ត៌មានអន្ដរជាតិ

ថៃបើកភ្លើងខៀវគម្រោងទេសចរណ៍នៅភូកេតអត់ចាំបាច់ធ្វើចត្តាឡីស័ក

បានផុស

៤ ខែ មុន

នៅ

ថ្ងៃពុធ ២៣ មិថុនា ២០២១

ដោយ

អាជ្ញាធរថៃនៅថ្ងៃអង្គារ៍ម្សិលមិញនេះបានបើកភ្លើងខៀវគម្រោងសាកល្បងមួយសម្រាប់ដំណើរទេសចរណ៍ដោយពុំចាំបាច់ធ្វើចត្តាឡីស័កដល់ភ្ញៀវទេសចរនៅឆ្នេរខ្សាច់ដ៏ល្បីភូកេត ដែលនេះជាជំហានទី១ឆ្ពោះទៅរកការបើកគោលដៅទេសចរណ៍ដ៏សំខាន់របស់ប្រទេស បន្ទាប់ពីរងការវាយប្រហារខ្លាំងដោយកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថៃបានដាក់វិធានការរឹតត្បិតសម្រាប់ភ្ញៀវទេសចរដែលទៅដល់ប្រទេសដើម្បីបង្ការការឆ្លងកូវីដ-១៩ ប៉ុន្តែការបង្អាក់ដល់វិស័យទេសចរណ៍បានធ្វើឲ្យសេដ្ឋកិច្ចរបស់ប្រទេសនេះដុនដាបយ៉ាងខ្លាំងគិតចាប់តាំងពីវិបត្តិសេដ្ឋកិច្ចអាស៊ីឆ្នាំ១៩៩៧។

ឧស្សាហកម្មទេសចរណ៍សំខាន់ដ៏ធំបានស្ថិតនៅដំណាក់កាលបើកសាកល្បងតាំងពីខែមីនា នៅពេលរដ្ឋាភិបាលបានដាក់ចេញគម្រោងហៅថា «ប្រអប់ខ្សាច់ភូកេត ឬ Phuket Sandbox” ដើម្បីអនុញ្ញាតឲ្យភ្ញៀវទេសចរដែលបានចាក់វ៉ាក់សាំងរួចរាល់ចូលទៅក្នុងប្រទេសថៃដោយពុំចាំបាច់ធ្វើចត្តាឡីស័កឡើយ។ ប៉ុន្តែបន្ទាប់ពីរលកកូវីដ-១៩លើកទី៣បានផ្ទុះខ្លាំងឡើងក្នុងខែមេសា គម្រោងនេះមិនដំណើរការឡើយ។

មន្ត្រីទេសចរ និងសមាជិកនៃក្រុមការងារកូវីដ-១៩ថៃបានប្រកាសកាលពីថ្ងៃសុក្រសប្តាហ៍មុនថា គម្រោងប្រអប់ខ្សាច់ត្រូវបានកំណត់ដើម្បីចាប់ផ្តើមជាផ្លូវការនៅថ្ងៃទី១ ខែកក្កដា។

នៅថ្ងៃអង្គារ៍ ទី២២ ខែមិថុនា មុនពេល៨ថ្ងៃនៃការចាប់ផ្តើមជាផ្លូវការមកដល់ អ្នកនាំពាក្យរដ្ឋាភិបាលថៃ លោក Anucha Burapachaisri បាននិយាយថា ខុទ្ទកាល័យលោកនាយករដ្ឋមន្ត្រី ប្រាយុទ្ធ ចាន់អ៊ូចា បានបើកភ្លើងខៀវលើគម្រោងនេះហើយ។

ប្រសិនបើ គម្រោងប្រអប់ខ្សាច់ដំណើរការដោយរលូន អាជ្ញាធរនឹងអនុវត្តនៅតំបន់ទេសចរណ៍ផ្សេងទៀតដូចជា ក្រាពី និងកោះសាមុយជាដើម។

ប៉ុន្តែឧប្បត្តិហេតុពិបាកធានាថា គម្រោងប្រអប់ខ្សាច់នឹងដំណើរការដោយគ្មានការរំខានណាមួយរាប់បញ្ចូលទាំងអត្រាឆ្លង ដែលនៅកោះភូកេត ចំនួនករណីឆ្លងកូវីដ-១៩ប្រចាំសប្តាហ៍មិនលើសពី៩០នាក់ឡើយ។

អ្នកនាំពាក្យក្រុមការងារកូវីដ-១៩ លោក Taweesin Visanuyothin និយាយកាលពីម្សិលមិញថា ៖«គិតត្រឹមថ្ងៃនេះ ចំនួនឆ្លងកូវីដ-១៩នៅភូកេតនៅតែអាចធានាថា គម្រោងប្រអប់ខ្សាច់នឹងបន្តដំណើរការ»។