មិនធម្មតា! វ៉ាក់សាំងចិន Sinovac មានប្រសិទ្ធភាពខ្លាំងក្លារហូត ៩៦ ភាគរយចំពោះកុមារ

ការស្រាវជ្រាវថ្មីមួយកាលពីថ្ងៃអង្គារបានបង្ហាញថា វ៉ាក់សាំងការពារកូវីដ CoronaVac ដែលផលិតដោយក្រុមហ៊ុនចិន Sinovac ចំនួន ២ ដូស ជួយបង្កើតនូវការឆ្លើយតបអង់ទីគ័រខ្លាំងក្លា ចំពោះកុមារដែលមានអាយុលើសពី ៣ ឆ្នាំ និងក្មេងជំទង់ ។

ការអះអាងនេះធ្វើឡើង ក្រោយទស្សនាវដ្ដីវេជ្ជសាស្ត្រ Lancet បានរាយការណ៍អំពីដំណើរការសាកល្បងដំណាក់កាលទី ១ និងដំណាក់កាលទី ២ នៃវ៉ាក់សាំង CoronaVac នៅខេត្ត Hebei ភាគឦសានប្រទេសចិនចំពោះកុមារ និងក្មេងជំទង់ដែលមានអាយុពី ៣ ទៅ ១៧ ឆ្នាំ ។

យោងតាមការសិក្សានោះបានឲ្យដឹងថា “ចន្លោះថ្ងៃទី ៣១ ខែតុលា ឆ្នាំ ២០២០ និងថ្ងៃទី ២ ខែធ្នូ ឆ្នាំ ២០២០ មនុស្សចំនួន ១១០ នាក់ត្រូវបានពិនិត្យ និង ៧២ នាក់ត្រូវបានចុះឈ្មោះក្នុងដំណាក់កាលទី ១ ។ ចន្លោះពីថ្ងៃទី ១២ ខែធ្នូ ដល់ថ្ងៃទី ៣០ ខែធ្នូ ឆ្នាំ ២០២០ មានមនុស្សចំនួន ៥១៥ នាក់ត្រូវបានពិនិត្យ និង ៤៨០ នាក់បានចុះឈ្មោះនៅក្នុងដំណាក់កាលទី ២” ។

ការសិក្សានោះបានបញ្ជាក់ថា “វ៉ាក់សាំង CoronaVac គឺមានភាពស៊ាំចំពោះកុមារ និងមនុស្សវ័យជំទង់ដែលមានអាយុពី ៣ ទៅ ១៧ ឆ្នាំ ហើយអត្រាឆ្លើយតបរបស់អង់ទីគ័រទៅនឹងជំងឺកូវីដ ១៩ ចំពោះកុមារ និងក្មេងជំទង់ មានប្រសិទ្ធភាពរហូតដល់ ៩៦ ភាគរយ បន្ទាប់ពីចាក់ពេញ ២ ដូស” ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ថៃ រកឃើញ វ៉ាក់សាំង Sinovac ២ដូស មានប្រសិទ្ធភាព ជាង៩០ភាគរយប្រឆាំងវីរុសបំប្លែងខ្លួនអង់គ្លេស