Connect with us

ព័ត៌មានអន្ដរជាតិ

ដៃគូអាជីវកម្មរបស់លោក Hunter បញ្ជាក់អំពីភាពពិតប្រាកដនៃអ៊ីម៉ែលក្នុងកុំព្យូទ័រយួរដៃ និងថា លោក Joe Biden គឺជាផ្នែកមួយនៃកិច្ចព្រមព្រៀងរបស់ចិន

បានផុស

នៅ

អតីតសហការីរបស់លោក Hunter Biden បាននិយាយថា អ៊ីម៉ែលមួយដែលបានផ្ញើទៅគាត់ទាក់ទងនឹងកិច្ចព្រមព្រៀងដ៏មានសក្តានុពលជាមួយក្រុមហ៊ុនចិនគឺពិតប្រាកដ ហើយឪពុករបស់លោក Hunter គឺលោក Joe Biden ក៏ចូលរួមនៅក្នុងគម្រោងនេះផងដែរ ។

ការផ្ញើអ៊ីម៉ែល សារជាអត្ថបទ និងរូបថតដែលត្រូវចោទប្រកាន់ថាបានមកពី Hard Disk ដែលជាកម្មសិទ្ធិរបស់កូនប្រុសរបស់អតីតអនុប្រធានាធិបតី និងត្រូវបានចុះផ្សាយដោយកាសែត New York Post ត្រូវបានបណ្តាញសារព័ត៌មានជាច្រើនច្រានចោលថាមិនទាន់បានត្រួតពិនិត្យ និងថាជាការផ្សព្វផ្សាយព័ត៌មានមិនពិតរបស់រុស្ស៊ី ។ ទន្ទឹមនោះក្នុងបណ្ដាញសង្គម Twitter ថែមទាំងប្លុកលីង (link) នៃប្រភពដើមផងដែរ ។ ប៉ុន្តែពេលនេះបុរសម្នាក់ដែលអះអាងថាជាអ្នកទទួលអ៊ីម៉ែលបែកធ្លាយមួយទាក់ទងនឹងភាពជាដៃគូអាជីវកម្មជាមួយក្រុមហ៊ុនចិនមួយនេះបានបញ្ជាក់ពីភាពត្រឹមត្រូវនៃសារនេះដែលចុះកាលបរិច្ឆេទនៅថ្ងៃទី ១៣ ខែឧសភាឆ្នាំ ២០១៧ ។

លោក Joe Biden (ស្ដាំ) និងកូនប្រុស Hunter Biden

លោក Tony Bobulinski នាយកប្រតិបត្តិក្រុមហ៊ុន Sinohawk Holdings បានចេញសេចក្តីថ្លែងការណ៍មួយកាលពីយប់ថ្ងៃពុធដែលលោកបានហៅអ៊ីម៉ែលនោះថាជាការពិត ហើយបាននិយាយថា រាល់ការលើកឡើងណាមួយដែលថាវាជាផ្នែកមួយនៃយុទ្ធនាការលាបពណ៌ពីបរទេសគឺ “មិនពិត និងប្រមាថ” ។ លោកបន្តថា លោកត្រូវបានស្នើដោយគណៈកម្មាធិការព្រឹទ្ធសភាផ្នែកទទួលបន្ទុកសន្តិសុខមាតុភូមិ និងកិច្ចការរដ្ឋាភិបាល និងគណៈកម្មាធិការព្រឹទ្ធសភាផ្នែកហិរញ្ញវត្ថុដើម្បីផលិតឯកសារទាំងអស់ដែលទាក់ទងនឹងកិច្ចការជំនួញរបស់លោកជាមួយក្រុមគ្រួសារលោក Biden ហើយលោកគ្រោងនឹងសហការយ៉ាងពេញលេញផងដែរ ។

ទន្ទឹមនោះសារដែលត្រូវបានចុះផ្សាយដោយកាសែត New York Post កាលពីសប្តាហ៍មុនបានបង្ហាញថា លោក Hunter Biden បានបណ្តាក់ទុនរកស៊ីដោយមិនបានបញ្ជាក់ច្បាស់នៅក្នុងឆ្នាំ ២០១៧ ជាមួយក្រុមហ៊ុន CEFC China Energy Co ដែលមានមូលដ្ឋាននៅទីក្រុងសៀងហៃ ។ អ៊ីម៉ែលនោះមានចំណងជើងថា “ការរំពឹងទុក” និង “កញ្ចប់រង្វាន់” ដោយលម្អិតសម្រាប់មនុស្ស ៦ នាក់ដែលពាក់ព័ន្ធនឹងកិច្ចព្រមព្រៀងនេះ ខណៈដែលត្រូវបានកំណត់អត្តសញ្ញាណដោយត្រឹមតែឈ្មោះដើម និងឈ្មោះហៅក្រៅប៉ុណ្ណោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀតលោក Hunter នឹងកាន់កាប់ភាគហ៊ុនបណ្ដាក់ទុន ២០ ភាគរយ ហើយនឹងកាន់កាប់ ១០ ភាគរយទៀតសម្រាប់ក្រុមហ៊ុនអ្នកធំមួយដែលត្រូវបានគេសន្និដ្ឋានថាជាកូនប្រុសអតីតអនុប្រធានាធិបតី ខណៈដែលនៅពេលនោះលោក Joe Biden លែងបម្រើការជាអនុប្រធានាធិបតីហើយ ប៉ុន្តែវាក៏មិនច្បាស់ផងដែរថានៅពេលណាដែលការចរចាជាមួយក្រុមហ៊ុនចិនបានចាប់ផ្តើមដំបូងនោះទេ ។

ទាក់ទិននឹងរឿងនេះ បេក្ខជនប្រធានាធិបតីនៃគណបក្សប្រជាធិបតេយ្យបានថ្កោលទោសយ៉ាងខ្លាំងចំពោះការរាយការណ៍របស់កាសែត New York Post ដោយចាត់ទុកវាជាយុទ្ធនាការដែលគួរឲ្យស្អប់ខ្ពើម និងប៉ះពាល់ដល់ក្រុមគ្រួសាររបស់លោក ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ក្រសួងការបរទេសអាមេរិកយល់ព្រមលក់អាវុធដល់កោះតៃវ៉ាន់ក្នុងទំហំទឹកប្រាក់ជាង ១.៨ ពាន់លានដុល្លារ

ចុចអាន ៖ អ៊ីរ៉ង់ឆ្លើយតបទៅវិញ ក្រោយអាមេរិកចោទប្រកាន់ថាជ្រៀតជ្រែកក្នុងការបោះឆ្នោត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣១ នាទី មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ២ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៤ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ៥ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ៥ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

សន្តិសុខសង្គម៥ ថ្ងៃ មុន

បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)

Sokha Hotels

ព័ត៌មានពេញនិយម