អ៊ីរ៉ង់ឆ្លើយតបទៅវិញ ក្រោយអាមេរិកចោទប្រកាន់ថាជ្រៀតជ្រែកក្នុងការបោះឆ្នោត

អ្នកនាំពាក្យបេសកកម្មអ៊ីរ៉ង់ប្រចាំអង្គការសហប្រជាជាតិ (UN) បាននិយាយកាលពីថ្ងៃពុធថា អ៊ីរ៉ង់គ្មានចំណាប់អារម្មណ៍ក្នុងការជ្រៀតជ្រែកចូលក្នុងការបោះឆ្នោតសហរដ្ឋអាមេរិកឡើយ ។

លោក Alireza Miryousefi បាននិយាយទៅកាន់សារព័ត៌មាន ABC News ខណៈដែលបដិសេដការចោទប្រកាន់នេះថា “មិនដូចអាមេរិកនោះទេ អ៊ីរ៉ង់មិនជ្រៀតជ្រែកក្នុងការបោះឆ្នោតរបស់ប្រទេសផ្សេងឡើយ ។ ពិភពលោកកំពុងមើលឃើញពីភាពអស់សង្ឃឹមនៃការប៉ុនប៉ងជាសាធារណៈរបស់សហរដ្ឋអាមេរិកដើម្បីសាកសួរអំពីលទ្ធផលនៃការបោះឆ្នោតរបស់ខ្លួនក្នុងកម្រិតខ្ពស់បំផុត” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឆ្លើយតបនេះធ្វើឡើង បន្ទាប់ពីសារព័ត៌មាន BBC បានចុះផ្សាយកាលពីថ្ងៃពុធ ទី២១ ខែតុលា ថា មន្រ្តីសន្តិសុខជាតិជាន់ខ្ពស់របស់សហរដ្ឋអាមេរិកបានជូនដំណឹងដល់សាធារណជនអាមេរិកកាលពីថ្ងៃពុធថា អ៊ីរ៉ង់ និងរុស្ស៊ីបានទទួលទិន្នន័យអ្នកបោះឆ្នោតក្នុងកិច្ចប្រឹងប្រែងរបស់ពួកគេដើម្បីជ្រៀតជ្រែកក្នុងការបោះឆ្នោតឆ្នាំ ២០២០ របស់សហរដ្ឋអាមេរិក ។

អ្នកនាំពាក្យរូបនេះបាននិយាយថា “ការចោទប្រកាន់ទាំងនេះមិនមានអ្វីក្រៅពីសេណារីយ៉ូផ្សេងទៀតដើម្បីធ្វើឲ្យខូចទំនុកចិត្តអ្នកបោះឆ្នោតចំពោះសន្តិសុខនៃការបោះឆ្នោតអាមេរិក និងមិនសមហេតុផល ។ អ៊ីរ៉ង់គ្មានចំណាប់អារម្មណ៍ក្នុងការជ្រៀតជ្រែកចូលក្នុងការបោះឆ្នោតអាមេរិកនោះទេ ហើយក៏មិនខ្វល់ចំពោះលទ្ធផលដែរ ។ សហរដ្ឋអាមេរិកត្រូវតែបញ្ចប់ភាពសាហាវ និងគ្រោះថ្នាក់របស់ខ្លួនចំពោះការចោទប្រកាន់ប្រឆាំងនឹងអ៊ីរ៉ង់ទៀតទៅ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ FBI និយាយថា អ៊ីរ៉ង់ និងរុស្ស៊ីមានព័ត៌មានអ្នកបោះឆ្នោតអាមេរិក

ចុចអាន ៖ ក្រសួងការបរទេសអាមេរិកយល់ព្រមលក់អាវុធដល់កោះតៃវ៉ាន់ក្នុងទំហំទឹកប្រាក់ជាង ១.៨ ពាន់លានដុល្លារ