ព័ត៌មានអន្ដរជាតិ
គីម ជុងអ៊ុន ឲ្យកងទ័ពកូរ៉េខាងជើងប្រុងជើងការវាយលុកទៅសត្រូវវិញ
មេដឹកនាំកូរ៉េខាងជើងលោក គីម ជុងអ៊ុន បានអំពាវនាវដល់មេបញ្ជាការ និងមន្រ្តីទាំងអស់ ផ្តោតការយកចិត្តទុកដាក់លើការរៀបចំខ្លួនសម្រាប់ “សកម្មភាព និងការវាយលុក” ឆ្លើយតបទៅនឹងការបង្កហេតុពីយោធាណាមួយរបស់សត្រូវ ។
លោក គីម បាននិយាយថា “នាពេលបច្ចុប្បន្ននេះ កងកម្លាំងរបស់សត្រូវបន្តពង្រឹងសមត្ថភាពរបស់ពួកគេ សម្រាប់ធ្វើការវាយប្រហារជាមុនលើកូរ៉េខាងជើង និងកំពុងបង្កើនអាវុធក្នុងពេលធ្វើសមយុទ្ធ ហើយវាគួរឲ្យភ័យខ្លាច និងប្រុងប្រយ័ត្នគ្រប់បែបយ៉ាង” ។
ដោយដកស្រង់សម្ដីពីសារព័ត៌មាន KCNA លោក គីម បាននិយាយទៀតថា “ប៉ុន្តែស្ថានភាពនេះបានធ្វើឲ្យមានការប្តេជ្ញាចិត្ត និងឆន្ទៈប្រយុទ្ធរបស់កងកម្លាំងប្រជាជនកូរ៉េ (KPA) ដើម្បីលុបបំបាត់ភាពតានតឹងរបស់សត្រូវដែលកំពុងកើនឡើង” ។
ទន្ទឹមនោះ ការលើកឡើងរបស់លោក គីម ធ្វើឡើង បន្ទាប់ពីប្រទេសកូរ៉េខាងត្បូងកាលពីថ្ងៃព្រហស្បតិ៍ បានប្រកាសដាក់ពង្រាយកាំភ្លើងត្បាល់ធុន ៨១ មីល្លីម៉ែត្រ ជាមួយនឹងល្បឿនបាញ់លឿន និងត្រឹមត្រូវជាងមុន ដោយសារបច្ចេកវិទ្យាឡាស៊ែរ និងប្រព័ន្ធកំណត់ទីតាំងសកល ។
បន្ថែមពីនេះ សហរដ្ឋអាមេរិក និងកូរ៉េខាងត្បូង ក៏កំពុងត្រៀមធ្វើសមយុទ្ធយោធារួមគ្នាមួយនៅក្នុងខែសីហា តាមរយៈការធ្វើត្រាប់តាមកុំព្យូទ័រ ខណៈប្រទេសទាំងពីរបានធ្វើសមយុទ្ធបែបនេះ តាំងពីឆ្នាំ ២០១៨ មកដើម្បីគាំទ្រដល់កិច្ចចរចាស្តីពីការរំសាយអាវុធនុយក្លេអ៊ែរ រវាងទីក្រុងវ៉ាស៊ីនតោន និងទីក្រុងព្យុងយ៉ាង ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ លោក គីម ជុងអ៊ុន ថា អ្នកដឹកនាំប្រទេសក្នុងសង្គ្រាមទសវត្សឆ្នាំ ១៩៥០ ជាគ្រូត្រូវរៀនសូត្រតាម
-
ព័ត៌មានជាតិ១៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)