Connect with us

ព័ត៌មានអន្ដរជាតិ

គីម ជុងអ៊ុន ឲ្យកងទ័ពកូរ៉េខាងជើងប្រុងជើងការវាយលុកទៅសត្រូវវិញ

បានផុស

នៅ

មេដឹកនាំកូរ៉េខាងជើងលោក គីម ជុងអ៊ុន បានអំពាវនាវដល់មេបញ្ជាការ និងមន្រ្តីទាំងអស់ ផ្តោតការយកចិត្តទុកដាក់លើការរៀបចំខ្លួនសម្រាប់ “សកម្មភាព និងការវាយលុក” ឆ្លើយតបទៅនឹងការបង្កហេតុពីយោធាណាមួយរបស់សត្រូវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គីម បាននិយាយថា “នាពេលបច្ចុប្បន្ននេះ កងកម្លាំងរបស់សត្រូវបន្តពង្រឹងសមត្ថភាពរបស់ពួកគេ សម្រាប់ធ្វើការវាយប្រហារជាមុនលើកូរ៉េខាងជើង និងកំពុងបង្កើនអាវុធក្នុងពេលធ្វើសមយុទ្ធ ហើយវាគួរឲ្យភ័យខ្លាច និងប្រុងប្រយ័ត្នគ្រប់បែបយ៉ាង” ។

ដោយដកស្រង់សម្ដីពីសារព័ត៌មាន KCNA លោក គីម បាននិយាយទៀតថា “ប៉ុន្តែស្ថានភាពនេះបានធ្វើឲ្យមានការប្តេជ្ញាចិត្ត និងឆន្ទៈប្រយុទ្ធរបស់កងកម្លាំងប្រជាជនកូរ៉េ (KPA) ដើម្បីលុបបំបាត់ភាពតានតឹងរបស់សត្រូវដែលកំពុងកើនឡើង” ។

ទន្ទឹមនោះ ការលើកឡើងរបស់លោក គីម ធ្វើឡើង បន្ទាប់ពីប្រទេសកូរ៉េខាងត្បូងកាលពីថ្ងៃព្រហស្បតិ៍ បានប្រកាសដាក់ពង្រាយកាំភ្លើងត្បាល់ធុន ៨១ មីល្លីម៉ែត្រ ជាមួយនឹងល្បឿនបាញ់លឿន និងត្រឹមត្រូវជាងមុន ដោយសារបច្ចេកវិទ្យាឡាស៊ែរ និងប្រព័ន្ធកំណត់ទីតាំងសកល ។

បន្ថែមពីនេះ សហរដ្ឋអាមេរិក និងកូរ៉េខាងត្បូង ក៏កំពុងត្រៀមធ្វើសមយុទ្ធយោធារួមគ្នាមួយនៅក្នុងខែសីហា តាមរយៈការធ្វើត្រាប់តាមកុំព្យូទ័រ ខណៈប្រទេសទាំងពីរបានធ្វើសមយុទ្ធបែបនេះ តាំងពីឆ្នាំ ២០១៨ មកដើម្បីគាំទ្រដល់កិច្ចចរចាស្តីពីការរំសាយអាវុធនុយក្លេអ៊ែរ រវាងទីក្រុងវ៉ាស៊ីនតោន និងទីក្រុងព្យុងយ៉ាង ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក គីម ជុងអ៊ុន ថា អ្នកដឹកនាំប្រទេសក្នុងសង្គ្រាមទសវត្សឆ្នាំ ១៩៥០ ជាគ្រូត្រូវរៀនសូត្រតាម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម