ព័ត៌មានអន្ដរជាតិ
ច្រើនឡើងៗហើយ ចិន ប្រកាសមានអ្នកឆ្លងកូវីដប្រចាំថ្ងៃខ្ពស់បំផុត ក្នុងរលកផ្ទុះថ្មីនេះ
ប្រទេសចិនបានរាយការណ៍នៅថ្ងៃសុក្រនេះ នូវចំនួនឆ្លងកូវីដប្រចាំថ្ងៃខ្ពស់បំផុតរបស់ខ្លួន នៅក្នុងការផ្ទុះឡើងនាពេលបច្ចុប្បន្ននេះ ហើយភាគច្រើនជាករណីឆ្លងក្នុងសហគមន៍ ។
បើយោងតាមគណៈកម្មការសុខភាពជាតិ (NHC) បានឲ្យដឹងថា ប្រទេសចិនបានរាយការណ៍ថាមានករណីឆ្លងថ្មីនៃជំងឺកូវីដ ១៩ ចំនួន ១២៤ ករណីសម្រាប់ថ្ងៃទី ៥ ខែសីហា ហើយវាកើនឡើងយ៉ាងគំហុកពី ៨៥ ករណីកាលពីប៉ុន្មានថ្ងៃមុន ។
អាជ្ញាធរសុខាភិបាលបាននិយាយថា ក្នុងចំណោមករណីឆ្លងថ្មីនេះ មាន ៨០ ករណីជាករណីឆ្លងក្នុងសហគមន៍ ពោលកើនឡើងពីករណីឆ្លងក្នុងសហគមន៍ចំនួន ៦២ ករណីកាលពីប៉ុន្មានថ្ងៃមុន ។
ទន្ទឹមនោះ ករណីឆ្លងក្នុងសហគមន៍នេះ កើនឡើងច្រើននៅខេត្ត Jiangsu ភាគខាងកើត ដែលបានរាយការណ៍ករណីឆ្លងថ្មីចំនួន ៦១ ករណីសម្រាប់ថ្ងៃទី ៥ ខែសីហា ពោលកើនឡើងពី ៤០ ករណីកាលពីថ្ងៃមុន ខណៈករណីឆ្លងថ្មីនេះ ភាគច្រើននៅទីក្រុង Yangzhou ។
បន្ថែមពីនេះ ចិន ក៏បានរាយការណ៍ពីករណីឆ្លងជំងឺកូវីដ ១៩ មិនបញ្ចេញរោគសញ្ញា ដែលប្រទេសនេះ មិនបានចាត់ថ្នាក់ជាករណីផ្លូវការចំនួន ៥៨ ករណីផងដែរ បើប្រៀបធៀបនឹង ៥៤ ករណីកាលពីប៉ុន្មានថ្ងៃមុន ។
គួរបញ្ជាក់ថា គិតត្រឹមថ្ងៃទី ៥ ខែសីហា ប្រទេសចិនដីគោកបានកត់ត្រាករណីឆ្លងចំនួន ៩៣,៤៩៨ ករណី ខណៈចំនួនអ្នកស្លាប់សរុបគឺនៅតែ ៤,៦៣៦ នាក់ដដែរ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង