ត្រីបាឡែន និងត្រីដូហ្វីន ១០០ ក្បាល ងាប់លើកោះនូវែលហ្សេឡង់

នាយកដ្ឋានអភិរក្សរបស់ប្រទេសនូវែលហ្សេឡង់បាននិយាយថា ត្រីបាឡែនពពួក Pilot Whales ចំនួន ៩៧ ក្បាល និងត្រីដូហ្វីនពពួក Bottlenose Dolphins ចំនួន ៣ ក្បាលបានងាប់នៅលើកោះ Chatham Island ខណៈដែលភាគច្រើននៃពួកវាត្រូវបានជាប់គាំងនៅអំឡុងចុងសប្តាហ៍ ។

ទន្ទឹមនោះកិច្ចខិតខំប្រឹងប្រែងជួយសង្គ្រោះត្រូវបានរារាំងដោយសារតែកោះនោះស្ថិតនៅទីតាំងដាច់ស្រយាល ចម្ងាយជិត ៥០០ ម៉ែលពីឆ្នេរសមុទ្រខាងកើតនៃប្រទេស ។ ក្រុមអ្នកជួយសង្គ្រោះបានរកឃើញថាមានតែត្រីបាឡែន ២៦ ក្បាលប៉ុណ្ណោះដែលនៅរស់រានមានជីវិតនៅឡើយ ។

នាយកដ្ឋានអភិរក្សនូវែលហ្សេឡង់ (DOC) បាននិយាយថា ខ្លួនត្រូវបានគេជូនដំណឹងអំពីឧប្បត្តិហេតុនេះកាលពីថ្ងៃអាទិត្យ ។

លោក Jemma Welch ដែលជាអ្នកជំនាញជីវៈចម្រុះរបស់ DOC បាននិយាយថា “មានតែត្រីបាឡែនចំនួន ២៦ ក្បាលប៉ុណ្ណោះដែលនៅមានជីវិតនៅឡើយនៅពេលនេះ ហើយភាគច្រើននៃសត្វទាំងនោះមើលទៅដូចជាមានសភាពខ្សោយណាស់ ហើយត្រូវបានសម្លាប់តែម្ដងដោយសារតែស្ថានភាពសមុទ្រមិនល្អ ហើយនឹងមានត្រីឆ្លាមពណ៌សនៅក្នុងទឹកផងដែរ ។

ការជាប់គាំងរបស់ត្រីឆ្លាមគឺជារឿងធម្មតាទៅហើយនៅលើកោះ Chatham Island ដោយមានត្រីបាឡែនដល់ទៅ ១,០០០ ក្បាលបានជាប់ងាប់កាលពីឆ្នាំ ១៩១៨ ខណៈដែលអ្នកជីវៈចម្រុះសមុទ្រកំពុងតែមានចម្ងល់ជាច្រើនឆ្នាំមកហើយអំពីមូលហេតុដែលកើតឡើងនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Daily Star