ព័ត៌មានអន្ដរជាតិ
ភូកេត ប្រើវិធីថ្មីចាក់វ៉ាក់សាំងចូលក្រោមស្បែក លែងចាក់តាមសាច់ដុំ ប្រសិទ្ធភាពរឹតតែខ្ពស់
ភូកេតបានក្លាយជាខេត្តដំបូងគេនៅក្នុងប្រទេសថៃដែលអនុវត្តវិធីសាស្ត្រចាក់ថ្នាំថ្មី ដើម្បីគ្រប់គ្រងវ៉ាក់សាំងការពារជំងឺកូវីដ ១៩ ដូសទី ៣ ដោយចាក់ក្រោមស្បែកជំនួសឲ្យចាក់ចូលសាច់ដុំ ។
ក្រសួងសុខាភិបាលថៃនាពេលថ្មីៗនេះបានអនុម័តវិធីសាស្ត្រថ្មីនេះ បន្ទាប់ពីការសិក្សាដោយបុគ្គលិកនៅមន្ទីរពេទ្យ Vachira Phuket បានបង្ហាញថា ការចាក់វ៉ាក់សាំង AstraZeneca ជាដូសជំរុញ ហើយចាក់ចូលនៅក្រោមស្បែកមានប្រសិទ្ធភាពខ្ពស់ជាងវិធីសាស្ត្រស្តង់ដារ ២០ ភាគរយ ។
កន្លងមកការចាក់វ៉ាក់សាំងទាំងអស់នៅក្នុងប្រទេសថៃត្រូវបានអនុវត្តដោយចាក់ចូលតាមសាច់ដុំ ប៉ុន្តែវិធីសាស្រ្តថ្មីដោយប្រើការចាក់ម្ជុលចូលទៅក្នុងស្បែកជួយសន្សំសំចៃកម្រិតវ៉ាក់សាំង AstraZeneca យ៉ាងច្រើន ។
លទ្ធផលនៃការស្រាវជ្រាវនេះត្រូវបានចេញផ្សាយនៅថ្ងៃទី ១៥ ខែកញ្ញា និងបានធ្វើតេស្តអ្នកស្ម័គ្រចិត្តចំនួន ២៤២ នាក់ដែលមានអាយុចន្លោះពី ១៨ ទៅ ៦០ ឆ្នាំដែលបានទទួលវ៉ាក់សាំង Sinovac ចំនួន ២ ដូស ។
ទន្ទឹមនោះ លទ្ធផលពិតជាមានប្រសិទ្ធភាពចំពោះអ្នកដែលទទួលការចាក់ចូលក្រោមស្បែក បើធៀបនឹងវិធីសាស្ត្រចាក់វ៉ាក់សាំងធម្មតា ។ ការធ្វើតេស្តនេះបានរកឃើញថា ការចាក់ថ្នាំក្រោមស្បែកការពារជំងឹកូវីដ ១៩ បានល្អជាង ហើយមានផលប៉ះពាល់តិចដូចជាឈឺក្បាល ឬក្តៅខ្លួន ។
វិធីសាស្រ្តចាក់វ៉ាក់សាំងថ្មីនេះតម្រូវឲ្យមានការសង្កេតក្រោយការចាក់តែ ១០ ទៅ ១៥ នាទីប៉ុណ្ណោះ ពោលជំនួសឲ្យការរង់ចាំ ៣០ នាទី ដែលកន្លងមកជារយៈពេលស្ដង់ដារសម្រាប់ការរង់ចាំនេះ ។ ទោះយ៉ាងណាវិធីសាស្ត្រនេះក៏បណ្តាលឲ្យរលាកស្បែក និងឡើងក្រហមផងដែរ ។
គួរបញ្ជាក់ថា គិតត្រឹមពេលនេះ ប្រជាជននៅខេត្តភូកេតចំនួន ៤២៦,៣៨៧ នាក់បានទទួលវ៉ាក់សាំងចំនួនមួយដូស ខណៈមនុស្ស ៣៨៩,១៦៣ នាក់បានចាក់ពេញ ២ ដូស ហើយចំណែកមនុស្ស ៦៦,៣៨៣ នាក់បានចាក់ដូសទី ៣ ៕
ប្រែសម្រួលដោយ ៖ ជីវ័ន្ត
ប្រភព ៖ Thaiger
ចុចអាន ៖ ថៃ ចាប់ផ្ដើមចាក់វ៉ាក់សាំងដូសជំរុញ ទោះអ្នកចាក់បាន ២ ដូសមិនទាន់ គ្រប់តាមគោលការណ៍ក៏ដោយ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ