ថៃ ចាប់ផ្ដើមចាក់វ៉ាក់សាំងដូសជំរុញ ទោះអ្នកចាក់បាន ២ ដូសមិនទាន់ គ្រប់តាមគោលការណ៍ក៏ដោយ

ប្រទេសថៃបានចាប់ផ្តើមចាក់វ៉ាក់សាំងការពារជំងឺកូវីដ ១៩ ដូសជំរុញ ក្នុងគោលបំណងបើកវិស័យទេសចរណ៍នៅទូទាំងប្រទេសឡើងវិញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្រ្តីសុខាភិបាលនិយាយថា រហូតមកដល់ពេលនេះប្រជាជនប្រហែល ១០ ភាគរយបានទទួលការចាក់វ៉ាក់សាំង Sinovac របស់ចិនពេញ ២ ដូស ហើយអ្នកដែលចាក់វ៉ាក់សាំងមួយនេះ អាចទទួលការចាក់វ៉ាក់សាំង AstraZeneca ជាដូសជំរុញ ។

មន្រ្តីនិយាយថា គិតត្រឹមពេលនេះ ជនជាតិថៃជាង ៣ លាននាក់មានសិទ្ធិទទួលបានការចាក់វ៉ាក់សាំង ហើយគោលបំណងរបស់យើងគឺដើម្បីបង្កើនភាពស៊ាំប្រជាជនក្នុងសហគមន៍ ។

ទន្ទឹមនោះ រដ្ឋាភិបាលនិយាយថា សម្រាប់ការចាក់ដូសជំរុញនេះ ពួកគេបានប្រើប្រាស់វ៉ាក់សាំងចំនួន ១ លានដូសកាលពីថ្ងៃសុក្រ ពោលជាថ្ងៃឈប់សម្រាកដើម្បីរំលឹកដល់ការផលិតឱសថ ។

យុទ្ធនាការចាក់ដូសជំរុញនេះកើតឡើង នៅពេលដែលប្រទេសថៃសង្ឃឹមថានឹងទទួលយកអ្នកទេសចរបរទេសនៅទូទាំងប្រទេសឡើងវិញ ។

ប៉ុន្តែរហូតមកដល់ពេលនេះ មានតែប្រជាជនថៃចំនួន ២៣ ភាគរយប៉ុណ្ណោះដែលបានទទួលការចាក់វ៉ាក់សាំងពេញ ២ ដូស ខណៈគោលការណ៍របស់មន្រ្តីសុខាភិបាល ចង់បង្កើនចំនួនចាក់វ៉ាក់សាំងដល់ប្រជាជនឲ្យ ៧០ ភាគរយនៅចុងឆ្នាំនេះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ភ្ញៀវទេសចរអន្តរជាតិដែលចាក់វ៉ាក់សាំងហើយ ទៅលេង ថៃ ត្រូវធ្វើចត្តាឡីស័កតែ ៧ ថ្ងៃប៉ុណ្ណោះ