ចិន ផលិតយន្តហោះល្បឿនលឿនជាងសំឡេង អាចដឹកអ្នកដំណើរទៅគ្រប់កន្លែងលើលោក ត្រឹមមួយម៉ោង

ប្រទេសចិន កំពុងផលិតយន្តហោះល្បឿនលឿនជាងសំឡេង១៩,៣១២គីឡូម៉ែត្រក្នុងមួយម៉ោង ដែលនឹងអាចដឹកអ្នកដំណើរបាន១០នាក់ទៅកាន់គ្រប់ទីកន្លែងលើពិភពលោក ក្នុងរយៈពេលត្រឹមតែមួយម៉ោង។

យន្តហោះដែលមានប្រវែង៤៥ម៉ែត្រមួយនេះ គឺធំជាងយន្តហោះ Boeing 737 ហើយមានស្លាប Delta ស្រដៀងទៅនឹង Concorde ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមមន្ត្រី មានបំណងចង់បានកងយន្តហោះនៅចុងឆ្នាំ២០៣៥ និងពង្រីកយន្តហោះនេះដើម្បីដឹកអ្នកដំណើរឲ្យបាន១០០នាក់នៅត្រឹមឆ្នាំ២០៤៥ ថ្វីបើគោលបំណងរបស់ពួកគេ មិនទាន់ត្រូវបានបញ្ជាក់ច្បាស់ក៏ដោយ។

យន្តហោះនេះ អាចលឿនជាងប្រាំដងនៃល្បឿនសំឡេង ដោយសារការរចនាដ៏អស្ចារ្យរបស់វា។ គំរូរបស់យន្តហោះនេះ ត្រូវបានបង្ហាញនៅក្នុងការសិក្សាមួយដោយអ្នកវិទ្យាសាស្ត្រអវកាសចិន ដែលចូលរួមបេសកកម្មភពព្រះអង្គារ និងព្រះចន្ទរបស់ប្រទេស។

លោក Ming Han Tang អតីតវិស្វករនៅក្នុងកម្មវិធីយន្តហោះល្បឿនលឿនជាងសំឡេងរបស់អង្គការ Nasa បានរចនាបច្ចេកវិទ្យា Two-Stage Vehicle (TSV) X-plane ដែលប្រើម៉ាស៊ីនយន្តហោះពីរដាច់ពីគ្នា។

ការរចនាគឺផ្អែកលើយន្តហោះ Boeing Manta X-47C ដែលជាផ្នែកមួយនៃគម្រោងត្រូវបានបោះបង់ចោលដោយអង្គការ Nasa ឆ្នាំ២០០០ ព្រោះតែមានតម្លៃថ្លៃពេក។

គួរបញ្ជាក់ថា កម្មវិធីអវកាសរបស់ចិនត្រូវបានរារាំងពីស្ថានីយ៍អវកាសអន្តរជាតិ ដោយសារតែការព្រួយបារម្ភរបស់សហរដ្ឋអាមេរិក ចំពោះទំនាក់ទំនងយោធាជិតស្និទ្ធរបស់ខ្លួន៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ យន្តហោះចម្បាំងរបស់កងទ័ពអាកាសអាមេរិកធ្លាក់អំឡុងពេលចុះចត