ព័ត៌មានអន្ដរជាតិ
ភ្នំភ្លើងក្រោមសមុទ្រ តុងហ្គា នៅតែសកម្ម ហើយអាចផ្ទុះម្ដងទៀត
អ្នកវិទ្យាសាស្ត្រជប៉ុនព្រមានថា ភ្នំភ្លើងក្រោមសមុទ្រដែលផ្ទុះចេញពីប្រទេសតុងហ្គានៅតែសកម្មខ្លាំងបើទោះជាវាបានផ្ទុះដ៏ខ្លាំងក្លាកាលពីថ្ងៃសៅរ៍សប្ដាហ៍មុនក៏ដោយ ។
សាស្ត្រាចារ្យ Nogami Kenji នៃវិទ្យាស្ថានបច្ចេកវិទ្យាតូក្យូបានវិភាគរូបភាពដែលថតបានដោយផ្កាយរណបកម្មសិទ្ធិរបស់ទីភ្នាក់ងារអវកាសអាមេរិក NASA បង្ហាញថា ទឹកសមុទ្រចម្ងាយ ៣០០ គីឡូម៉ែត្រ គុណនឹង ២០០ គីឡូម៉ែត្រជុំវិញភ្នំភ្លើងបានប្រែទៅជាពណ៌បៃតងលឿង ។
លោក Nogami និយាយថា បាតុភូតនេះជាលទ្ធផលនៃទឹកអ៊ីដ្រូកម្ដៅ (Hydrothermal) លាយជាមួយទឹកសមុទ្រ ។ លោកនិយាយថា វាគឺជាតម្រុយដែលអាចកត់សម្គាល់បានយ៉ាងងាយបំផុតចំពោះសកម្មភាពនៃភ្នំភ្លើងក្រោមទឹក ដែលពិបាកសង្កេតជាងភ្នំភ្លើងនៅលើដី ។
លោក Nogami ក៏និយាយដែរថា គាត់មិនដែលឃើញផ្ទៃទឹកដ៏ធំបែបនេះប្រែពណ៌ទេ ។ លោកនិយាយថា វាបង្ហាញថា ភ្នំភ្លើងបន្តបញ្ចេញបរិមាណដ៏ច្រើននៃទឹកអ៊ីដ្រូកម្ដៅ (Hydrothermal) ។
លោកសាស្ត្រាចារ្យព្រមានថា ភ្នំភ្លើងអាចនឹងផ្ទុះឡើងម្តងទៀត ទោះបីជាក្នុងកម្រិតតូចជាងមុនក៏ដោយ ហើយផេះភ្នំភ្លើង និងថ្មភ្នំភ្លើងអាចរំខានដល់ការដឹកជញ្ជូនតាមផ្លូវអាកាស និងសមុទ្រ ។
លោកនិយាយថា សកម្មភាពនៃភ្នំភ្លើងគួរតែត្រូវបានត្រួតពិនិត្យយ៉ាងប្រុងប្រយ័ត្នដើម្បីធានាសុវត្ថិភាពរបស់មនុស្សដែលរស់នៅក្នុងតំបន់ក៏ដូចជាបុគ្គលិកជំនួយជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ តុងហ្គា មានតែបណ្ដាញ 2G ប្រើប៉ុណ្ណោះ ក្រោយជួបរលកយក្សស៊ូណាមិ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)