ព័ត៌មានអន្ដរជាតិ
ធ្លាយប្រេងឆៅរាប់តោនចេញពីបំពង់បង្ហូរ អណ្ដែតពេញឈូងសមុទ្រ ថៃ (មានវីដេអូ)
កងទ័ពជើងទឹករបស់ប្រទេសថៃកាលពីថ្ងៃពុធកំពុងជួយសម្អាតការកំពប់ប្រេងឆៅចំនួន ១២៨ តោន (១៦០,០០០ លីត្រ) ដែលបានលេចធ្លាយចេញពីបំពង់បង្ហូរប្រេងនៅឈូងសមុទ្រថៃ ។
លោក Attapol Charoenchansa អគ្គនាយកនៃនាយកដ្ឋានត្រួតពិនិត្យការបំពុលនៃក្រសួងធនធានធម្មជាតិ និងបរិស្ថានបាននិយាយថា ការកំពប់នេះគឺកើតឡើងនៅជិតតំបន់ឧស្សាហកម្ម ប៉ុន្តែប្រេងមួយចំនួនអាចហៀរដល់តំបន់ឆ្នេរនៅថ្ងៃសុក្រ ប្រសិនបើវាមិនអាចគ្រប់គ្រងបាន ។
ចំណែកអ្នកនាំពាក្យកងទ័ពជើងទឹកថៃលោក Pokkrong Monhatphalin បាននិយាយក្នុងសារជាអក្សរថា កងទ័ពជើងទឹកបានបញ្ជូនយន្តហោះស៊ើបការណ៍មួយគ្រឿង នាវា ២ គ្រឿង និងឧទ្ធម្ភាគចក្រមួយគ្រឿង ដើម្បីជួយប្រតិបត្តិការសម្អាតនេះ ។ លោកថា ឧទ្ធម្ភាគចក្រនឹងចុះអង្កេតតំបន់នោះ និងបាញ់ថ្នាំគីមី ដើម្បីគ្រប់គ្រងការរាលដាលបន្ថែមទៀត ។
ទន្ទឹមនោះ ក្រុមហ៊ុនចម្រាញ់ប្រេងសាធារណៈ Star Petroleum បាននិយាយថា ការលេចធ្លាយនេះបានកើតឡើងនៅម៉ោងប្រហែល ៩ យប់ថ្ងៃអង្គារនៅស្ថានីយ៍ចតនាវា ចម្ងាយប្រហែល ២០ គីឡូម៉ែត្រភាគអាគ្នេយ៍នៃតំបន់ឧស្សាហកម្ម Map Ta Phut ភាគខាងត្បូងនៃទីក្រុងបាងកក ។
ក្រុមហ៊ុន Star Petroleum បានប៉ាន់ប្រមាណថា ប្រេង ២០ តោន (ប្រហែល ២០,០០០ លីត្រ) បានអណ្តែតលើផ្ទៃទឹក ហើយក្រុមហ៊ុនបានចាប់ផ្តើមធ្វើការដើម្បីសម្អាតប្រេងពេញមួយយប់ ហើយរំពឹងថានឹងយកវាចេញទាំងអស់ ខណៈរហូតមកដល់ពេលនេះវាមិនច្បាស់ទេថា ចំនួនប្រេងសរុបប៉ុន្មានបានកំពប់នោះ ។
ជាចុងក្រោយសេចក្តីថ្លែងការណ៍របស់ក្រុមហ៊ុនបាននិយាយថា “យើងទទួលបានការគាំទ្រដ៏ល្អពីទីភ្នាក់ងាររដ្ឋាភិបាលពាក់ព័ន្ធ និងវិស័យឯកជន រួមទាំងកម្លាំងពលកម្ម ទូកប្រតិបត្តិការ និងការផ្គត់ផ្គង់ចែកចាយដើម្បីគាំទ្រដល់ប្រតិបត្តិការសម្អាតប្រេងចេញពីផ្ទៃសមុទ្រ” ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ AP
ចុចអាន ៖ នៅ ថៃ អ្នកចាក់ដូសទី ៣ វ៉ាក់សាំងអ្វី ត្រូវចាក់ដូសទី ៤ ប្រភេទដដែល
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ