ព័ត៌មានអន្ដរជាតិ
បាក់ដីនៅ អេក្វាទ័រ ស្លាប់២២នាក់ និងរបួសជិត ៥០នាក់
ចំនួនអ្នកស្លាប់បន្ទាប់ពីការបាក់ដីនៅរដ្ឋធានី គីតូ នៃប្រទេសអេក្វាទ័រ បានកើនឡើងដល់២២នាក់ ខណៈ៤៧នាក់ត្រូវបានរាយការណ៍ថា រងរបួស។
ភ្លៀងធ្លាក់ខ្លាំងឥតឈប់កាលពីយប់ថ្ងៃចន្ទទី៣១ខែមករា បានបណ្តាលឲ្យទឹកជន់លិចនៅតាមជ្រលងភ្នំ ក្បែរតំបន់ La Gasca និង La Comuna ដែលបណ្តាលឲ្យមានភក់ និងថ្មធ្លាក់មកលើលំនៅដ្ឋាន ហើយប៉ះពាល់ដល់ការផ្គត់ផ្គង់អគ្គិសនី។
អភិបាលក្រុង គីតូ លោក Santiago Guarderas បានប្រាប់អ្នកយកព័ត៌មានថា “គិតត្រឹមពេលនេះ អ្នកស្លាប់ចំនួន២២នាក់ត្រូវបានបញ្ជូនទៅកន្លែងបញ្ចុះសព។ មានមនុស្ស៤៧នាក់បានរងរបួស ហើយ២នាក់ក្នុងនោះស្ថិតក្នុងស្ថានភាពធ្ងន់ធ្ងរ។ ក៏មានរបាយការណ៍នៃការបាត់ខ្លួនមនុស្ស២០នាក់ទៀតផងដែរ”។
តួលេខដែលធ្វើបច្ចុប្បន្នភាពនេះគឺខ្ពស់ជាងអ្វីដែលបានរាយការណ៍កាលពីល្ងាចថ្ងៃចន្ទ នៅពេលដែលមនុស្សចំនួន៩នាក់ ត្រូវបានកត់ត្រាថាបាត់ខ្លួន និង៣២នាក់រងរបួស។
អាជ្ញាធរបានអះអាងថា អាចមានលទ្ធភាពនៃការបាក់ដីបន្ថែមទៀត ខណៈការិយាល័យរបស់អភិបាលក្រុងបានបង្កើតជម្រកសម្រាប់គ្រួសារដែលរងផលប៉ះពាល់ ហើយបានចាប់ផ្តើមសម្អាតផ្លូវក្នុងទីក្រុង។
គួរបញ្ជាក់ថា ប្រទេសអេក្វាទ័រ កំពុងប្រឈមមុខនឹងភ្លៀងធ្លាក់ខ្លាំងនៅតំបន់មួយចំនួន ដែលបណ្តាលឲ្យទឹកទន្លេឡើងខ្លាំង និងប៉ះពាល់ដល់ផ្ទះរាប់រយខ្នង ព្រមទាំងផ្លូវថ្នល់ផងដែរ។
ភ្លៀងធ្លាក់ក្នុងទីក្រុង គីតូ កាលពីថ្ងៃចន្ទ គឺស្មើនឹង៧៥លីត្រក្នុងមួយម៉ែត្រការ៉េ ដែលជាតួលេខខ្ពស់បំផុតក្នុងរយៈពេលជិត២ទសវត្សរ៍៕
ប្រែសម្រួល៖ Vann Vann
ប្រភព៖ Reuters
ចុចអាន៖ ខេត្តភាគខាងលិចប្រទេស ថៃ ជួបព្យុះភ្លៀងខ្លាំងក្លា និងកំពុងបង្កឲ្យមានការបាក់ដី និងបាក់ដើមឈើកាត់ផ្លូវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត