ព័ត៌មានអន្ដរជាតិ
ចិន ធ្វើសមយុទ្ធយោធា នៅក្បែរ កោះតៃវ៉ាន់
កងទ័ពរំដោះប្រជាជនចិន ទើបតែនិយាយនៅថ្ងៃចន្ទទី០៩ខែឧសភានេះថា កងកម្លាំងប្រដាប់អាវុធរបស់ប្រទេសចិន បានធ្វើសមយុទ្ធមួយទៀតនៅជិតកោះតៃវ៉ាន់ ដើម្បីបង្កើនសមត្ថភាពប្រតិបត្តិការប្រយុទ្ធរួម។
ក្នុងរយៈពេលពីរឆ្នាំចុងក្រោយនេះ កោះតៃវ៉ាន់ បានត្អូញត្អែរអំពីសកម្មភាពយោធាចិនជាញឹកញាប់នៅជិតខ្លួន ដែលភាគច្រើនប្រមូលផ្តុំនៅផ្នែកខាងត្បូង និងនិរតីនៃតំបន់កំណត់អត្តសញ្ញាណការពារដែនអាកាសរបស់កោះ ឬហៅកាត់ថា ADIZ។
កាលពីថ្ងៃសុក្រ កងទ័ពអាកាសរបស់កោះតៃវ៉ាន់ បានបញ្ជូនយន្តហោះ ទៅព្រមានយន្តហោះចិនចំនួន១៨គ្រឿង ដែលចូលក្នុងតំបន់ការពារដែនអាកាសរបស់ខ្លួន ហើយបានរាយការណ៍ពីការលុកលុយបន្ថែមទៀតនៅថ្ងៃសៅរ៍ និងថ្ងៃអាទិត្យ ថ្វីបើយន្តហោះមានចំនួនតិចជាងមុនក៏ដោយ។
បញ្ជាការដ្ឋានភាគខាងកើតរបស់កងទ័ពរំដោះប្រជាជនចិន បាននិយាយនៅក្នុងសេចក្តីថ្លែងការណ៍មួយដោយមិនលម្អិតថា កងទ័ពជើងទឹក និងទ័ពអាកាសបានធ្វើសមយុទ្ធចាប់ពីថ្ងៃសុក្រ ដល់ថ្ងៃអាទិត្យនៅភាគខាងកើត និងភាគនិរតីកោះតៃវ៉ាន់ ដើម្បីសាកល្បងបន្ថែមទៀត និងធ្វើឲ្យប្រសើរឡើងនូវសមត្ថភាពប្រយុទ្ធរួមគ្នារបស់កងទ័ព និងអាវុធ។
ក្រសួងការពារជាតិតៃវ៉ាន់និយាយថា ប្រទេសចិនបានដាក់ពង្រាយយន្តហោះទម្លាក់គ្រាប់បែក យន្តហោះចម្បាំង និងយន្តហោះប្រឆាំងនាវាមុជទឹក។
ទោះបីជាយ៉ាងណាក៏ដោយ គ្មានការបាញ់ណាមួយត្រូវបានធ្វើឡើងនោះទេ ហើយយន្តហោះរបស់ចិនក៏មិនបានហោះហើរនៅក្នុងដែនអាកាសរបស់តៃវ៉ាន់ដែរ។
គួរបញ្ជាក់ថា កោះតៃវ៉ាន់បានបង្កើនការប្រុងប្រយ័ត្ន ចាប់តាំងពីរុស្ស៊ី វាយលុកអ៊ុយក្រែន ព្រោះខ្លាចថា ចិនធ្វើរឿងស្រដៀងគ្នានេះ ថ្វីបើរដ្ឋាភិបាលនៅទីក្រុងតៃប៉ិ មិនបានរាយការណ៍ពីសញ្ញាណាមួយដែលថានឹងកើតឡើងក៏ដោយ៕
ប្រែសម្រួល៖ Vann Vann
ប្រភព៖ Reuters
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ