Connect with us

ព័ត៌មានអន្ដរជាតិ

ប្រជាជនឥណ្ឌាជាងកន្លះលាននាក់ ត្រូវជម្លៀសដោយសារទឹកជំនន់

បានផុស

នៅ

មនុស្សជាង ៥០ម៉ឺននាក់បានភៀសខ្លួនចេញពីផ្ទះ នៅក្នុងរដ្ឋ Assam ភាគឦសាននៃប្រទេសឥណ្ឌា ដើម្បីគេចពីទឹកជំនន់ដ៏ខ្លាំងបង្កឡើងដោយភ្លៀងមូសុង ដែលបានសម្លាប់មនុស្សចំនួន ៧នាក់។ នេះបើតាមអាជ្ញាធរបាននិយាយកាលពីថ្ងៃពុធ ទី១៨ ខែឧសភា ខណៈអាជ្ញាធរព្រមានបន្ថែមទៀតថា ស្ថានភាពនេះអាចនឹងកាន់តែអាក្រក់ទៅៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្លេមួយក្នុងចំណោមទន្លេដ៏ធំបំផុតរបស់ពិភពលោក គឺទន្លេ Brahmaputra ដែលហូរចូលទៅក្នុងប្រទេសឥណ្ឌា និងប្រទេសជិតខាងបង់ក្លាដែសពីទីបេ បានបាក់ច្រាំងទន្លេនៅ Assam ក្នុងរយៈពេលបីថ្ងៃចុងក្រោយនេះ ដោយបានជន់លិចភូមិជាង ១,៥០០ភូមិ។

មកដល់ថ្ងៃពុធម្សិលមិញនេះ ភ្លៀងនៅតែធ្លាក់បោកបក់ខ្លាំងមកលើរដ្ឋ ហើយអាចបន្តក្នុងរយៈពេលពីរថ្ងៃបន្ថែមទៀត។

រដ្ឋមន្ត្រីធនធានទឹករបស់រដ្ឋ Assam លោក Pijush Hazarika បានប្រាប់សារព័ត៌មានរ៉យទ័រថា “មនុស្សជាង ៥០ម៉ឺននាក់បានរងផលប៉ះពាល់យ៉ាងធ្ងន់ធ្ងរដោយស្ថានភាពទឹកជំនន់ ក្នុងរយៈពេលត្រឹមតែប៉ុន្មានម៉ោងប៉ុណ្ណោះ”។ ក្នុងនោះមនុស្ស ៧នាក់បានលង់ទឹកស្លាប់ អំឡុងពេលបីថ្ងៃចុងក្រោយនេះ។ ដោយឡែកចំពោះការតភ្ជាប់ផ្លូវដែក និងផ្លូវថ្នល់ផ្សេងៗនៅក្នុងតំបន់បានខ្ទេចខ្ទាំ ដោយសារទឹកជំនន់ និងការបាក់ដី។

Half a million Indians flee floods in northeast brought by rain | Al  Arabiya English

រដ្ឋមន្ត្រីសុខាភិបាលរបស់រដ្ឋលោក Keshab Mahanta និយាយថា ពេលនេះទាហានឥណ្ឌាបានជួយយកមនុស្សជាង ២ពាន់នាក់ដែលជាប់នៅក្នុងស្រុក Hojai និងកំពុងបន្តជួយសង្គ្រោះអ្នកដែលនៅសល់។

Mass displacements as rain-triggered floods hit India's northeast

ក្រៅពីគ្រោះទឹកជំនន់ ទីក្រុងនានាក្នុងប្រទេសឥណ្ឌា ជាពិសេសរដ្ឋធានីញូវដេលី កំពុងផ្ទុះឡើងនៅក្នុងរលកកម្ដៅដ៏ខ្លាំងក្លា​ សឹងតែ ៥០អង្សារឯណោះ៕

ប្រែសម្រួល៖ សន្យា

ប្រភព៖ asiaone

ចុចអាន៖ ពិភពលោកភ្ញាក់ផ្អើលចំពោះត្រីបបែលយក្សទឹកសាបទម្ងន់ជាង ១៨០ គីឡូក្រាមរបស់ កម្ពុជា (មានវីដេអូ)

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម