Connect with us

ព័ត៌មានអន្ដរជាតិ

ឡាវ កំពុងខ្វះពន្ធនាគារ និងមណ្ឌលកែប្រែដាក់អ្នកទោស

បានផុស

នៅ

ប្រធានព្រះរាជអាជ្ញា​នៃតុលាការកំពូលប្រជាជនឡាវបាន​ទទួលស្គាល់​ថា ការកើនឡើង​នៃអំពើ​ឧក្រិដ្ឋកម្ម​កំពុងបង្កឲ្យមាន​បញ្ហាពាក់ព័ន្ធ​នឹង​ចំនួនជនជាប់ចោទ ​ក៏ដូចជាបង្កើនចំនួន​អ្នកទោសដែលលបណ្តាលឲ្យពន្ធនាគារ និងមណ្ឌលអប់រំកែប្រែនៅទូទាំងប្រទេស្ថិតក្នុងសភាពណែនណាន់តាន់តាប់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សៃសាណៈ ខូតភូថន ប្រធានព្រះរាជអាជ្ញា​នៃតុលាការកំពូលប្រជាជនឡាវ បានថ្លែងទទួលស្គាល់ថា ការកើនឡើងនៃបទល្មើស ជាពិសេសអំពើឧក្រិដ្ឋកម្មជួញដូរគ្រឿងញៀនបានបង្កភាពចង្អៀតណែនណាន់តាន់តាប់នៅក្នុងពន្ធនាគារ និងមណ្ឌលអប់រំកែប្រែនៅទូទាំងប្រទេស ដោយសារតែចំនួនអ្នកទោសកើនឡើងជាបន្តបន្ទាប់ ខណៈបច្ចុប្បន្ននេះមានទណ្ឌិត និងអ្នកទោសជាង ១៥,០០០ នាក់នៅក្នុងពន្ធនាគារទាំង ២៣ កន្លែងនៅទូទាំងប្រទេស ហើយក្នុងនោះជាង ៩០ ភាគរយគឺជាអ្នកទោសពាក់ព័ន្ធនឹងគ្រឿងញៀន ហើយក៏ជាក្រុមអ្នកទោសដែលត្រូវបានកាត់ទោសប្រហារជីវិតច្រើនបំផុតជាងគេផងដែរ ដែលបណ្តាលឲ្យមានតម្រូវការសាងសង់មណ្ឌលកែប្រែបន្ថែមទៀត ។

លោក សៃសាណៈ បន្តថា “បច្ចុប្បន្ននេះមានអ្នកទោសជាង ១៥,០០០ នាក់ ក្នុងនោះមានអ្នកទោសគ្រឿងញៀនជាង ១២,០០០ នាក់ និងត្រូវបានកាត់ទោសប្រហារជីវិតចំនួន ៦០៤ នាក់ ។ នៅទូទាំងប្រទេសមានពន្ធនាគារចំនួន ២៣ កន្លែង ដែលបច្ចុប្បន្ននេះគេសង្កេតឃើញថា ក្នុងពន្ធនាគារនីមួយៗមានភាពចង្អៀតណែនខ្លាំង ដោយសារតែអ្នកទោសកើនឡើងកាន់តែច្រើន ដូច្នេះរដ្ឋាភិបាលក៏បានសាងសង់មណ្ឌលកែប្រែចំនួន ៧ បន្ថែមទៀត ។ ស្ថានភាពទាំងនេះក៏បានបង្កផលប៉ះពាល់ដល់ការសម្រេចបាននូវគោលដៅរបៀបវារៈថ្នាក់ជាតិ ក្នុងការប្រយុទ្ធប្រឆាំងនិងលុបបំបាត់ការជួញដូរគ្រឿងញៀនទាំងស្រុងនៅឆ្នាំ ២០២៣ ផងដែរ ។

ដោយឡែកលោក Jeremy Douglas តំណាងអង្គការសហប្រជាជាតិសម្រាប់ការគ្រប់គ្រងឧក្រិដ្ឋកម្ម និងគ្រឿងញៀន បាននិយាយថា កិច្ចសហប្រតិបត្តិការបង្ក្រាបការជួញដូរគ្រឿងញៀននៅអាស៊ីអាគ្នេយ៍ពេញមួយឆ្នាំ ២០២១ អាចរឹបអូសបានគ្រឿងញៀនជាង ១៧១.៥ តោន ក្នុងនោះជាង ៩០ ភាគរយគឺជាគ្រឿងញៀនដែលរឹបអូសបាននៅតំបន់ត្រីកោណមាស ពោលគឺកើនឡើងជាង ៧ ដង បើធៀបនឹងឆ្នាំ ២០២០ ។

ចំណែកក្រសួងយុត្តិធម៌ថៃបានរាយការណ៍ថា ការជួញដូរគ្រឿងញៀននៅតំបន់ទន្លេមេគង្គ​ក្រោម មានតម្លៃចន្លោះពី ៧ ម៉ឺនលានដុល្លារ ទៅ ១ សែនលានដុល្លារក្នុងមួយឆ្នាំ ៕

ប្រែសម្រួលដោយ ៖ គង់ សំអាន

ប្រភព ៖ VOA Lao

ចុចអាន ៖ តម្លៃប្រេងពិភពលោក ងើបឡើងវិញ ខណៈលុយដុល្លារចុះថោក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៥១ នាទី មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា១ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

ព័ត៌មានជាតិ១ ម៉ោង មុន

កងទ័ពជើងគោក នៃ​កង​យោធពល​ខេមរភូមិន្ទ ទទួល​អំណោយ​រថយន្ត​ពន្លត់​អគ្គិភ័យ​៣គ្រឿង ពី​ស្ថាន​កុងស៊ុល​កិត្តិយស​កម្ពុជា​ប្រចាំ​តំបន់​សេន​ដៃ នៃ​ប្រទេស​ជប៉ុន និង​សប្បុរស​ជប៉ុន

ព័ត៌មានជាតិ២ ម៉ោង មុន

សមត្ថកិច្ច​ចុះបង្ក្រាបបទល្មើសនេសាទ​នៅស្រុកជល់គីរី​កម្ទេចរបាំងសាច់អួន​១ ពាន់ម៉ែត្រ​​

ជីវិតកម្សាន្ដ៣ ម៉ោង មុន

ល្បីថា តួឯកប្រុសក្នុងរឿង “កប៉ាល់ Titanic” លួចទាក់ទងស្នេហាជាមួយតារាបង្ហាញម៉ូដ Gigi Hadid

Sokha Hotels

ព័ត៌មានពេញនិយម