Connect with us

ព័ត៌មានអន្ដរជាតិ

ប្រេសិតពិសេសរបស់ UN ធ្វើដំណើរទៅមីយ៉ាន់ម៉ា រំពឹងនឹងពិភាក្សាជាមួយរដ្ឋាភិបាលយោធា

បានផុស

នៅ

ប្រភពព័ត៌មានបានឱ្យដឹងថា ប្រេសិតពិសេសរបស់អង្គការសហប្រជាជាតិ (UN) លោកស្រី Noline Hayser បានធ្វើដំណើរទៅដល់ប្រទេសមីយ៉ាន់ម៉ាហើយ កាលពីយប់ថ្ងៃអង្គារទី១៦ ខែសីហានេះ សម្រាប់បេសកកម្មនៅមីយ៉ាន់ម៉ាជាលើកដំបូងចាប់តាំងពីលោកស្រីត្រូវបានទទួលការតែងតាំងកាលពីឆ្នាំមុន។ ដំណើរទស្សនកិច្ចរបស់លោកស្រីនាពេលនេះ ធ្វើឡើងបន្ទាប់ពីក្រុមប្រឹក្សាសន្តិសុខអង្គការសហប្រជាជាតិបានអំពាវនាវឱ្យមីយ៉ាន់ម៉ាបញ្ចប់ជាបន្ទាន់ចំពោះអំពើហិង្សាគ្រប់រូបភាព និងបើកផ្លូវឱ្យជនរងគ្រោះដោយសារជម្លោះបានទទួលជំនួយមនុស្សធម៌ដោយគ្មានលក្ខខណ្ឌ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍ព័ត៌មានពេលរាត្រីរបស់ស្ថានីយ៍ទូរទស្សន៍ MRTV របស់មីយ៉ាន់ម៉ាបានឱ្យដឹងថា លោកស្រី Noline Hayser បានមកដល់ទីក្រុងយ៉ាំងហ្គោនហើយ បន្ទាប់មកបន្តដំណើរទៅទីក្រុងណៃពិដោរ ប៉ុន្តែមិនមានរបាយការណ៍អំពីកាលវិភាគរបស់លោកស្រីនោះទេ។

ដំណើរទស្សនកិច្ចរបស់លោកស្រី Noline Hayser ទៅកាន់ប្រទេសមីយ៉ាន់ម៉ាលើកនេះ ធ្វើឡើងបន្ទាប់ពីយោធាបានប្រហារជីវិតសកម្មជននយោបាយ ៤នាក់ ដែលបង្កឱ្យមានការថ្កោលទោសទូទាំងពិភពលោក និងបង្កើនការព្រួយបារម្ភអំពីរបាយការណ៍នៃការរំលោភសិទ្ធិមនុស្សកាន់តែធ្ងន់ធ្ងរថែមទៀត។

បើទោះបីជាយ៉ាងណាក៏ដោយ គេនៅមិនទាន់ដឹងថា តើប្រេសិតពិសេសរបស់ (UN) លោកស្រី Noline Hayser នឹងជួបជាមួយមេដឹកនាំរដ្ឋាភិបាលយោធា លោក មីន អ៊ុងឡាំង ឬជួបជាមួយលោកស្រី អ៊ុងសាន ស៊ូជី នោះទេ។ កន្លងមកថ្មីៗនេះ យោធាបានបដិសេធមិនអនុញ្ញាតឱ្យលោកស្រី អ៊ុងសាន ស៊ូជី ជួបពិភាក្សាជាមួយបុគ្គលបរទេសណាមួយឡើយ រួមបញ្ចូលទាំងប្រេសិតពិសេសរបស់អាស៊ានផងដែរ៕

ប្រែសម្រួល៖ គង់ សំអាន

ប្រភព៖ Mgronline

ចុចអាន៖ លោក ប្រាយុទ្ធ ចាន់អូចា ថ្កោលទោសការបំផ្ទុះគ្រាប់បែកទាំង ១១ កន្លែងនៅ​ខេត្តភាគខាងត្បូង ថៃ

ចុចអាន៖ មេ UN នឹងទៅ អ៊ុយក្រែន ម្ដងទៀត ជួបមនុស្សសំខាន់ ២ រូប

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១៦ នាទី មុន

Burn X Flash​ ឈ្នះ​​ជើង​​ឯក​​លីគ​ MPL​ Cambodia​ 2022​ បាន​​កៅអី​​ទៅ​​ជើង​​ឯក​​ពិភព​​លោក​

ព័ត៌មានជាតិ២៩ នាទី មុន

អភិបាលខណ្ឌច្បារអំពៅដាក់រថយន្តបូមលូស្ទះ បញ្ចៀសការលិចលង់លំនៅដ្ឋានពលរដ្ឋបន្តទៀត

ជីវិតកម្សាន្ដ១ ម៉ោង មុន

លែងលះជាង ៤ ឆ្នាំ Song Hye Kyo ទើបទម្លាយរូបថតស្រទន់មួយសន្លឹក ទាក់ភ្នែកអ្នកលេងអ៊ីនធឺណិត

ព័ត៌មានជាតិ១ ម៉ោង មុន

ក្រុមហ៊ុន ស៊ីប៊ីស៊ី (CBC) ប្រារព្ធកម្មវិធីអបអរសាទរខួប ១០ ឆ្នាំ នៃការបង្កើតឡើងប្រព័ន្ធចែករំលែកព័ត៌មានឥណទាន នៅក្នុងព្រះរាជាណាចក្រកម្ពុជា

ព័ត៌មានជាតិ២ ម៉ោង មុន

រដ្ឋមន្ត្រីក្រសួងវប្បធម៌ ចាត់ទុកមហោស្រពល្ខោនបាសាក់ លើសពីវេទិកាបញ្ចេញទេពកោសល្យ

Sokha Hotels

ព័ត៌មានពេញនិយម