ព័ត៌មានអន្ដរជាតិ
អាមេរិក បញ្ជូននាវាចម្បាំង ២គ្រឿង បើកកាត់ច្រកសមុទ្រ តៃវ៉ាន់
នាវាចម្បាំងអាមេរិក ២គ្រឿងកំពុងឆ្លងកាត់ច្រកសមុទ្រតៃវ៉ាន់ជាលើកដំបូង ចាប់តាំងពីមានភាពតានតឹងរវាងតៃវ៉ាន់ និងចិនបានកើនឡើង ក្រោយដំណើរទស្សនកិច្ចរបស់ប្រធានសភាអាមេរិកអ្នកស្រី Nancy Pelosi ទៅកាន់កោះតៃវ៉ាន់ កាលពីដើមខែនេះ។
ទីក្រុងវ៉ាស៊ីនតោន និយាយថា នាវា USS Antietam និង USS Chancellorsville កំពុងធ្វើនាវាចរណ៍តាមដែនទឹកអន្តរជាតិអាស៊ី ហើយពេលនេះវាកំពុងឆ្លងកាត់សមុទ្រតៃវ៉ាន់។ ទោះបីជាកងទ័ពជើងទឹកអាមេរិកអះអាងថាវាគ្រាន់តែជាការឆ្លងកាត់ក៏ដោយ ប៉ុន្តែទីក្រុងប៉េកាំងចាត់ទុកទង្វើនេះជាការបង្កាត់ភ្លើងរវាងខ្លួន និងកោះតៃវ៉ាន់។
ទីភ្នាក់ងារព័ត៌មាន Reuters បានរាយការណ៍ថា នាវាទាំងពីរគ្រឿង មិនមែនគ្រាន់តែឆ្លងកាត់ធម្មតាឡើយ ខណៈយោធាអាមេរិកបានត្រៀមខ្លួនរួចជាស្រេច ប្រសិនតៃវ៉ាន់កើតរឿងអ្វីនោះ។
ឆ្លើយតបទៅនឹងករណីនេះ ក្រសួងការពារជាតិតៃវ៉ាន់ និយាយថា កប៉ាល់ទាំងនោះកំពុងធ្វើដំណើរក្នុងទិសដៅពីត្បូងទៅជើង ហើយថាកងកម្លាំងរបស់ខ្លួនកំពុងសង្កេតមើល ប៉ុន្តែមិនមានសកម្មភាពអ្វីខុសប្រក្រតីឡើយ។
គួរបញ្ជាក់ថា តៃវ៉ាន់បានក្លាយជាចំណុចក្ដៅរវាងទីក្រុងវ៉ាស៊ីនតោន និងទីក្រុងប៉េកាំង ក្នុងរយៈពេលប៉ុន្មានឆ្នាំចុងក្រោយនេះ ហើយបច្ចុប្បន្នសហរដ្ឋអាមេរិកកំពុងពង្រឹងទំនាក់ទំនងការទូតជាមួយតៃវ៉ាន់ ដែលធ្វើឱ្យចិនយល់ចាត់ទុកទង្វើនេះជាការជ្រៀតជ្រែករឿងនយោបាយរវាងប្រទេសទាំងពីរ៕
ប្រែសម្រួល៖ សន្យា
ប្រភព៖ BBC
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)