Connect with us

ព័ត៌មានអន្ដរជាតិ

លោក ត្រាំ ស្នើ​សុំដឹកនាំ​ក្រុម ដើម្បី​ចរចា​សន្តិភាព​រវាង​រុស្ស៊ី និង​អ៊ុយក្រែន (មានវីដេអូ)

បានផុស

នៅ

អតីតប្រធានាធិបតីសហរដ្ឋអាមេរិក លោក ដូណាល់ ត្រាំ កាលពីថ្ងៃពុធទី២៨ខែកញ្ញា បានស្នើឡើងថា គាត់អាចដឹកនាំក្រុមមួយដើម្បីស្វែងរកសន្តិភាពរវាងអ៊ុយក្រែន និងរុស្ស៊ី។

លោក ដូណាល់ ត្រាំ (ឆ្វេង) និងលោក វ្ល៉ាឌីមៀរ ពូទីន

នៅក្នុងការបង្ហោះជាច្រើនលើបណ្តាញសង្គម Truth Social, លោក ត្រាំ បានលើកឡើងពីការលេចធ្លាយដែលមិនធ្លាប់មាននៅក្នុងបំពង់បង្ហូរប្រេង Nord Stream ហើយបង្ហាញគំនិតដែលគាត់អាចរួមចំណែកដល់ស្ថានភាពនេះបាន។

ក្នុងការបង្ហោះលើកដំបូង លោក ត្រាំ ​អះអាងថា បំពង់​បង្ហូរប្រេង​​នេះ​ត្រូវបាន​បំផ្លាញ ដែល​អាច​នាំឲ្យ​មាន​ការកើនឡើងនៃភាពតានតឹង ឬ​សង្គ្រាម​។

យោងតាមអតីតប្រធានាធិបតីរូបនេះ, “ថ្នាក់ដឹកនាំរបស់សហរដ្ឋអាមេរិក គួរតែត្រជាក់ចិត្ត និងស្ងប់ស្ងាត់ ពាក់ព័ន្ធការបំផ្លាញនៃបំពង់បង្ហូរ Nord Stream។ នេះគឺជាព្រឹត្តិការណ៍ដ៏ធំមួយដែលមិនគួរចាំបាច់ត្រូវមានដំណោះស្រាយធំមួយនោះទេ”។

ការលេចធ្លាយបំពង់បង្ហូរប្រេង Nord Stream

លោក Trump ក៏​បាន​អះអាង​ម្តង​ទៀតដែរ​ថា សង្រ្គាម​អ៊ុយក្រែន​នឹង​មិន​កើត​ឡើងឡើយ ប្រសិន​បើគាត់កាន់តំណែង​ជា​ប្រធានាធិបតី និង​ផ្តល់​ដំណោះស្រាយ​ចំពោះ​ស្ថានការណ៍នេះ។

លោក Trump សរសេរថា “កុំបង្កបញ្ហាកាន់តែអាក្រក់ជាមួយការបំផ្ទុះបំពង់បង្ហូរប្រេងនេះ។ ចូរមានយុទ្ធសាស្ត្រ ត្រូវឆ្លាត សូមចរចាគ្នាឲ្យមានកិច្ចព្រមព្រៀងនាពេលឥឡូវនេះទៅ។ នោះជាអ្វីដែលភាគីទាំងពីរត្រូវការ និងចង់បាន។ ពិភពលោកទាំងមូលកំពុងជាប់គាំង។ ខ្ញុំនឹងដឹកនាំក្រុម”។

លោក វ្ល៉ាឌីមៀរ ហ្សេឡេនស្គី (ឆ្វេង) និងលោក ដូណាល់ ត្រាំ

ការអះអាងរបស់លោក ត្រាំ ថា គាត់នឹងដឹកនាំក្រុមមួយដើម្បីកាត់បន្ថយភាពតានតឹងជាមួយរុស្ស៊ី គឺផ្ទុយស្រឡះពីសេចក្តីថ្លែងការណ៍មួយចំនួនដែលគាត់ធ្វើឡើងនៅដើមដំបូងនៃសង្រ្គាមអ៊ុយក្រែន។

កាលពីខែមីនា លោក ត្រាំ គូសបញ្ជាក់ នឹងបញ្ជូននាវាមុជទឹកនុយក្លេអ៊ែរទៅឆ្នេរសមុទ្ររុស្ស៊ី ដើម្បីដាក់សម្ពាធលើមេដឹកនាំរុស្ស៊ី លោក វ្ល៉ាឌីមៀរ ពូទីន។ លោក ត្រាំ ក៏បានស្នើឲ្យសហរដ្ឋអាមេរិក ដាក់ទង់ជាតិចិននៅលើយន្តហោះចម្បាំងរបស់ខ្លួន ហើយប្រើប្រាស់វាដើម្បី ទម្លាក់គ្រាប់បែក លើប្រទេសរុស្ស៊ីផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Insider

ចុចអាន៖ ចិន ប្រតិកម្ម ចំពោះ ការយក អ៊ុយក្រែន និង តៃវ៉ាន់ មក ប្រៀបធៀបគ្នា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៨ នាទី មុន

ក្រសួងមហាផ្ទៃ រំពឹងឈ្នះមេដាយសរុបលើស ១០០ គ្រឿង នៅថ្ងៃនេះ នៃព្រឹត្តិការណ៍កីឡាជាតិលើកទី ៣

ព័ត៌មានជាតិ២៧ នាទី មុន

សម្តេចតេជោ ហ៊ុន សែន អញ្ជើញជួបសំណេះសំ ណាលជាមួយមន្ត្រីគណបក្សប្រជាជនកម្ពុជានៅក្នុងរាជធានីភ្នំពេញ ជាង៣ពាន់នាក់

ជីវិតកម្សាន្ដ៣១ នាទី មុន

CL ទទួលបានការស្វាគមន៍ការមកដល់យ៉ាងកក់ក្ដៅពីហ្វេនជាច្រើន ពិសេសអាយដល Top5 អ្នកឧកញ៉ា សំអាង វឌ្ឍនៈ ដោយផ្ទាល់ នៅអាកាសយានដ្ឋានអន្តរជាតិភ្នំពេញប្រទេសកម្ពុជា កាលពីយប់មិញនេះ!

ព័ត៌មានជាតិ២ ម៉ោង មុន

ព្រឹត្តិការណ៍រាត្រីសមោសរ សប្បុរសធម៌ នៅបរិវេណប្រាសាទបាយ័នថ្ងៃទី ១៦ ធ្នូ

ជីវិតកម្សាន្ដ២ ម៉ោង មុន

បវរកញ្ញា ទៀង បូរមី មោទនភាពចំពោះសមិទ្ធផល​ទទួលបាន”Top16″ ពីការប្រកួត​លើឆាកអន្តរជាតិ

Sokha Hotels

ព័ត៌មានពេញនិយម