Connect with us

ព័ត៌មានអន្ដរជាតិ

ក្រោយនាំកូនស្រីទៅមើលការបាញ់មីស៊ីលហើយ តើលោក គីម ជុងអ៊ុន មានកូនប៉ុន្មាននាក់?

បានផុស

នៅ

រូបថតប៉ុន្មានសន្លឹកដែលចេញផ្សាយដោយប្រព័ន្ធផ្សព្វផ្សាយរដ្ឋរបស់កូរ៉េខាងជើងបង្ហាញពីលោក គីម ជុងអ៊ុន នាំទាំងភរិយា និងកូនស្រី ពិនិត្យមើលទីតាំងនៃការបាញ់បង្ហោះមីស៊ីលផ្លោងអន្តរទ្វីប (ICBM) កាលពីពេលថ្មីនេះៗ កំពុងទទួលបានការចាប់អារម្មណ៍ និងចង់ដឹងយ៉ាងខ្លាំងអំពីចំនួនកូនៗរបស់មេដឹកនាំរូបនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងរឿងរ៉ាវនេះ ទីភ្នាក់ងារស៊ើបការណ៍សម្ងាត់ជាតិរបស់កូរ៉េខាងត្បូងបាននិយាយថា លោក គីម និងភរិយាគឺលោកស្រី Ri Sol Ju ដែលបានរៀបការជាមួយគ្នាកាលពីឆ្នាំ ២០០៩ មានកូនចំនួន ៣ នាក់ ស្រី ២ នាក់ និងប្រុសម្នាក់ ។

ក្មេងស្រីដែលលោក គីម កាន់ដៃនាំទៅមើលទីតាំងបាញ់មីស៊ីល ICBM កាលពីថ្ងៃសុក្រសប្ដាហ៍មុននោះ ត្រូវបានសារព័ត៌មានជាច្រើនចុះផ្សាយថា មានឈ្មោះ Kim Chu-ae កើតនៅឆ្នាំ ២០១៣ បច្ចុប្បន្នមានអាយុ ៩ ឆ្នាំ ជាកូនស្រីច្បងរបស់លោក គីម ខណៈប្អូនៗ ២ នាក់ទៀត មិនមានព័ត៌មានជាក់លាក់នៅឡើយទេ ។

លោក គីម បានដំណើរទៅកាន់កន្លែងបាញ់បង្ហោះមីស៊ីលផ្លោងអន្តរទ្វីប (ICBM) ជាមួយកូនស្រី និងភរិយារបស់លោក បន្ទាប់ពីផ្សព្វផ្សាយជាច្រើនលើកឡើងថា លោក គីម អាក់ខានបញ្ចេញសកម្មភាពជាសាធារណរយៈពេល ៣០ ថ្ងៃជាប់ៗគ្នាហើយ ។

គួរបញ្ជាក់ថា ការបាញ់មីស៊ីលជាបន្តបន្ទាប់របស់កូរ៉េខាងជើង កើតឡើងជាការឆ្លើយតបទៅនឹងការធ្វើសមយុទ្ធយោធារួមគ្នារបស់កូរ៉េខាងត្បូង និងសហរដ្ឋអាមេរិក ក៏ដូចជាគំរាមផ្នែកយោធាដ៏ខ្លាំងក្លាចំពោះកិច្ចខិតខំប្រឹងប្រែងរបស់អាមេរិកក្នុងការបង្កើនវត្តមានសន្តិសុខរបស់ខ្លួននៅក្នុងតំបន់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ កម្រ! លោក គីម ជុងអ៊ុន នាំទាំងភរិយា និងកូនស្រី មើលការបាញ់មីស៊ីល ម្សិលមិញ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម