ព័ត៌មានអន្ដរជាតិ
កូរ៉េខាងត្បូង ធ្វើសមយុទ្ធយោធា ក្រោយដ្រូនរបស់ កូរ៉េខាងជើង ហោះចូលដែនអាកាសរបស់ខ្លួនយ៉ាងស្រួល
យោធាកូរ៉េខាងត្បូងកាលពីថ្ងៃព្រហស្បតិ៍បានធ្វើសមយុទ្ធយោធាដើម្បីពង្រឹងការការពារដែនអាកាសរបស់ខ្លួន បន្ទាប់ពីបរាជ័យក្នុងការស្ទាក់ចាប់យន្តហោះគ្មានមនុស្សបើក (ដ្រូន) របស់កូរ៉េខាងជើង ដែលបានរំលោភលើដែនអាកាសរបស់ខ្លួនកាលពីពេលថ្មីៗនេះ ។
សមយុទ្ធដែលធ្វើឡើងនៅជិតទីក្រុងសេអ៊ុល មានការចូលរួមពីកងកម្លាំងទ័ពអាកាស និងកងទ័ពដីគោក ក្រោមសេណារីយ៉ូការការពារ និងការប្រឆាំងពីការហោះចូលរបស់យន្តហោះដ្រូននៃប្រទេសជិតខាង ។
ទន្ទឹមនោះ អគ្គសេនាធិការចម្រុះបាននិយាយថា យន្តហោះប្រហែល ២០ គ្រឿង រួមទាំងឧទ្ធម្ភាគចក្រវាយប្រហារ ត្រូវបានប្រមូលផ្ដុំសម្រាប់សមយុទ្ធនេះ ហើយកងកម្លាំងទាំងនោះបានអនុវត្តការស្វែងរក កំណត់អត្តសញ្ញាណ ការតាមដាន និងស្ទាក់ចាប់យន្តហោះដ្រូនជាដើម ។
យោធាក៏បានបញ្ចេញរូបថតដែលបង្ហាញពីកងទ័ពជើងគោកដែលចូលរួមក្នុងសមយុទ្ធនេះ អនុវត្តការស្ទាក់ចាប់យន្តហោះដ្រូនជាមួយនឹងកាណុងបាញ់ស្វ័យប្រវត្តិ និងមីស៊ីលបាញ់ពីដីទៅអាកាស ។
គួរបញ្ជាក់ថា សមយុទ្ធនេះបានធ្វើឡើង បន្ទាប់ពីយោធាកូរ៉េខាងត្បូងមិនអាចស្ទាក់ចាប់យន្តហោះដ្រូនរបស់កូរ៉េខាងជើងចំនួន ៥ គ្រឿងដែលហោះបានយ៉ាងស្រួល ឆ្លងកាត់បន្ទាត់កំណត់ព្រំដែនយោធារវាងប្រទេសទាំងពីរកាលពីថ្ងៃចន្ទ បើទោះបីជាឧទ្ធម្ភាគចក្រយោធា និងយន្តហោះផ្សេងទៀតរបស់កូរ៉េដខាងត្បូង ព្យាយាមបាញ់ទម្លាក់ដ្រូនទាំងនោះជាង ១០០ គ្រាប់ក៏ដោយ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ កូរ៉េខាងត្បូង លើកលែងទោសអតីតប្រធានាធិបតីលោក Lee Myung-bak
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង