Connect with us

ព័ត៌មានអន្ដរជាតិ

កាសែត New York Times ៖ អ្វីៗនឹងប្រែប្រួល បើ អាមេរិក ផ្ដល់អាវុធឲ្យ អ៊ុយក្រែន វាយប្រហារឧបទ្វីបគ្រីមៀ

បានផុស

នៅ

កាសែត New York Times បានរាយការណ៍ថា រដ្ឋបាលលោក Joe Biden កំពុងពិចារណាផ្តល់អាវុធចាំបាច់ទាំងអស់ដល់អ៊ុយក្រែនដើម្បីវាយប្រហារគោលដៅឧបទ្វីបគ្រីមៀ ស្របពេលដែលប្រតិបត្តិការសឹករបស់រុស្ស៊ីនៅតែអូសបន្លាយពេលជាង ១០ ខែមកនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែតអាមេរិកបានរាយការណ៍កាលពីថ្ងៃពុធថា ជំហររបស់ទីក្រុងកៀវក្នុងការចរចារកសន្តិភាពនាពេលខាងមុខនឹងមានការប្រែប្រួល ប្រសិនបើអាមេរិកផ្ដល់អាវុធចាំបាច់ទាំងអស់ឲ្យអ៊ុយក្រែន ហើយអ៊ុយក្រែនធ្វើការគំរាមកំហែងដល់ការគ្រប់គ្រងរបស់រុស្ស៊ីនៅតំបន់គ្រីមៀ ។

មន្ត្រីរដ្ឋបាលរបស់លោក Biden កំពុងពិភាក្សាជាមួយសមភាគីអ៊ុយក្រែន អំពីការប្រើប្រាស់អាវុធដែលផ្គត់ផ្គង់ដោយសហរដ្ឋអាមេរិក រួមទាំងប្រព័ន្ធរ៉ុកកែតចល័តខ្ពស់ HIMARS និងរថពាសដែក Bradley ដើម្បីគ្របដណ្តប់គោលដៅដូចជា ស្ពានដែលតភ្ជាប់តំបន់គ្រីមៀជាមួយប្រទេសរុស្ស៊ី ។

ទោះយ៉ាងណា រហូតមកដល់ពេលនេះ រដ្ឋបាលលោក Biden មានការស្ទាក់ស្ទើរក្នុងការផ្តល់ឲ្យអ៊ុយក្រែននូវកាំជ្រួចមីស៊ីលរយៈចម្ងាយឆ្ងាយដែលទីក្រុងកៀវត្រូវការដើម្បីវាយប្រហារតំបន់គ្រីមៀ ដោយសារតែការភ័យខ្លាចថា វិធានការបែបនេះអាចបង្កឲ្យជម្លោះកាន់តែរីកធំឡើង ។

គួរបញ្ជាក់ថា របាយការណ៍របស់កាសែត New York Times បានកើតឡើង ចំពេលដែលរដ្ឋបាលលោក Biden អាចនឹងប្រកាសផ្ដល់កញ្ចប់ជំនួយយោធាបន្ថែមទៀតនៅថ្ងៃសុក្រនេះ ដែលនឹងរួមបញ្ចូលទាំងរថពាសដែក Stryker បន្ថែមពីលើកាំភ្លើងធំ និងគ្រាប់រំសេវផ្សេងៗ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក ពូទីន ប្រកាសក្តែងៗថា រុស្ស៊ី នឹងឈ្នះក្នុងជម្លោះ នៅអ៊ុយក្រែន

Helistar Cambodia - Helicopter Charter Services
Sokimex Investment Group
សន្តិសុខសង្គម៥ ម៉ោង មុន

ACU សម្រេចឃាត់ខ្លួន ព្រះរាជអាជ្ញារងខេត្តពោធិ៍សាត់ ក្រោយរកឃើញទទួលប្រាក់ពីមេការ Online Scam

ព័ត៌មានជាតិ៥ ម៉ោង មុន

ស្រុកបាណន់ មានគោលដៅ​ទេសចរណ៍​សំខាន់ ៤ ​ជា​ដែកឆក់ទាក់ទាញទេសចរទៅកម្សាន្ត​ឥត​ដាច់

ព័ត៌មានអន្ដរជាតិ៥ ម៉ោង មុន

​នាយករដ្ឋមន្ត្រីចាំផ្ទះថៃ ​កោះហៅ​ឯកអគ្គរាជទូត​​ពីកម្ពុជា​​ក្នុងទង្វើដែលថៃបង្កហេតុ​​ជាន់មីនថ្មី​​

ព័ត៌មានជាតិ៦ ម៉ោង មុន

៦ ខែដើមឆ្នាំ ២០២៥ ខេត្តក្រចេះ​កើត​ករណីគ្រុនឈាម ៨១៥ ករណី និងស្លាប់ចំនួន ៤ ករណី

ព័ត៌មានជាតិ៦ ម៉ោង មុន

ពេទ្យសត្វខេត្ត ចុះបាញ់ថ្នាំសម្លាប់មេរោគជំងឺផ្តាសាយបក្សី បន្ទាប់ពីកុមារម្នាក់បានឆ្លង

Sokha Hotels

ព័ត៌មានពេញនិយម