ព័ត៌មានអន្ដរជាតិ
លោក ពូទីន ប្រកាសក្តែងៗថា រុស្ស៊ី នឹងឈ្នះក្នុងជម្លោះ នៅអ៊ុយក្រែន (មានវីដេអូ)
ថ្លែងកាលពីថ្ងៃពុធទី១៨ខែមករា អំឡុងពេលធ្វើទស្សនកិច្ចទៅកាន់រោងចក្រផលិតប្រព័ន្ធការពារដែនអាកាស ក្នុងទីក្រុង St Petersburg, លោក ពូទីន បានប្រកាសថា គ្មានអ្វីត្រូវសង្ស័យទេ រុស្ស៊ីនឹងទទួលបានជ័យជម្នះក្នុងជម្លោះនេះ បើទោះបីជាទទួលរងនូវភាពលំបាកផ្នែកយោធាជាច្រើនលើកនៅក្នុងការវាយលុករយៈពេលជិតមួយឆ្នាំរបស់ខ្លួនក៏ដោយ។
លោកនិយាយថា “ការរួបរួម និងសាមគ្គីភាពរបស់ប្រជាជនរុស្ស៊ី, ភាពក្លាហាន និងវីរភាពរបស់អ្នកប្រយុទ្ធរបស់យើង ហើយជាការពិតណាស់ ការងារនៃបរិវេណឧស្សាហកម្មយោធា នឹងធានាបាននូវភាពជោគជ័យនៅក្នុងជម្លោះ”។
មុននេះ លោកពូទីនបានចូលរួមព្រឹត្តិការណ៍មួយ ជាមួយអតីតយុទ្ធជនដើម្បីប្រារព្ធខួបលើកទី៨០នៃការដកការឡោមព័ទ្ធទីក្រុង St Petersburg ក្នុងសង្រ្គាមលោកលើកទី២ ដែលកងកម្លាំងណាស៊ីអាល្លឺម៉ង់ បានបិទខ្ទប់អស់រយៈពេលជិត៩០០ថ្ងៃ។

លោកបានប្រាប់អតីតយុទ្ធជនសម័យសង្រ្គាមថា រុស្ស៊ីកំពុងប្រយុទ្ធនៅអ៊ុយក្រែន ដើម្បីការពារជនជាតិរុស្ស៊ី និងអ្នកនិយាយភាសារុស្សី ដែលរងការរើសអើងជាប្រព័ន្ធនៅអ៊ុយក្រែន។
ទោះបីជាយ៉ាងណាក៏ដោយ ទីក្រុងកៀវ បានបដិសេធការចោទប្រកាន់នោះ ហើយនិយាយថា វិមានក្រឹមឡាំងបានប្រើវាជាលេសសម្រាប់អ្វីការរំលោភយកទឹកដីយ៉ាងគឃ្លើន។

គួរបញ្ជាក់ថា ការកត់សម្គាល់របស់លោក ពូទីន កើតឡើងត្រឹមតែប៉ុន្មានម៉ោងប៉ុណ្ណោះ បន្ទាប់ពីអាជ្ញាធរអ៊ុយក្រែននិយាយថា មនុស្សចំនួន១៤នាក់ រួមទាំងរដ្ឋមន្ត្រីមហាផ្ទៃអ៊ុយក្រែន លោក Denys Monastyrskyy និងមន្ត្រីជាន់ខ្ពស់ផ្សេងទៀតមកពីក្នុងនាយកដ្ឋានរបស់លោកផងដែរនោះ ត្រូវបានសម្លាប់ក្នុងហេតុការណ៍ធ្លាក់ឧទ្ធម្ភាគចក្រនៅតំបន់ជាយក្រុង កៀវ។
សេវាសង្គ្រោះបន្ទាន់រដ្ឋរបស់អ៊ុយក្រែនបានអះអាងថា កុមារម្នាក់ ស្ថិតក្នុងចំណោមអ្នកស្លាប់ និង២៥នាក់ទៀត បានរងរបួសក្នុងឧបទ្ទវហេតុកាលពីថ្ងៃពុធនៅតំបន់ Brovary៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Aljazeera
ចុចអាន៖ រុស្ស៊ី ប្រកាសរុះរើទ្រង់ទ្រាយធំ ក្នុងជួរកងកម្លាំងប្រដាប់អាវុធ
-
ជីវិតកម្សាន្ដ១ សប្តាហ៍ មុន
ប៉ូលិសរកឃើញ ក្បាលនិងឆ្អឹងជំនីរ តារាស្រីហុងកុង នៅក្នុងឆ្នាំងស៊ុប
-
ជីវិតកម្សាន្ដ៧ ថ្ងៃ មុន
រៀមច្បង Anne បង្ហោះរូបជាមួយ Patricia ក្នុងន័យចង់មានផ្ទៃពោះដែរ
-
ជីវិតកម្សាន្ដ១ សប្តាហ៍ មុន
Bella ត្រូវមនុស្សទូទាំងប្រទេសថៃកោតសរសើរ ក្រោយនិយាយប្រយោគមួយឃ្លា
-
ជីវិតកម្សាន្ដ១ សប្តាហ៍ មុន
មហាជនរិះគន់ Margie ក្រោយ Bella ក្លាយជាផ្ទាំងស៊ីប ដែលនាងមិនចង់រួមការងារជាមួយ
-
ជីវិតកម្សាន្ដ១ សប្តាហ៍ មុន
រូបរាងរបស់ Janie កំពុងរងការរិះគន់ថា ដូចមនុស្សទាស់សរសៃ
-
ជីវិតកម្សាន្ដ១ សប្តាហ៍ មុន
តារាប្រុសម្នាក់ ធ្វើអត្តឃាតសម្លាប់ខ្លួនទាំងវ័យក្មេង ដោយសារជំងឺផ្លូវចិត្តធ្ងន់ធ្ងរ
-
ជីវិតកម្សាន្ដ៦ ថ្ងៃ មុន
ទម្លាយទ្រព្យសម្បត្តិរបស់ Janie ដែលខំរកដោយដៃឯង
-
ជីវិតកម្សាន្ដ៦ ថ្ងៃ មុន
ផ្ទុះកាន់តែធំ! មនុស្សម្នាក់ព្រមាន Bella កុំសេពគប់ជាមួយក្រុមតារាស្រីស្អាត